“মই বিশ্বাসত দৃঢ় হৈ থাকিলোঁ! মই বিশ্বাসত দৃঢ় হৈ থাকিলোঁ! মই বিশ্বাসত দৃঢ় হৈ থাকিলোঁ!”
১ এই কথাফাঁকি নাজি যাতনা শিবিৰৰ পৰা ৰক্ষা পোৱা হাজাৰ হাজাৰ যিহোৱাৰ সাক্ষীসকলে কৈছিল। তেওঁলোকে নাজি যাতনা শিবিৰত অমানৱিক অত্যাচাৰৰ সন্মূখীন হোৱাৰ স্বত্ত্বেও বিশ্বাসত দৃঢ় হৈ থাকিবলৈ নিশ্চয়তা কৰিলে। (ইফি. ৬:১১, ১৩) যিহোৱাৰ সাক্ষীসকলে নাজিৰ অত্যাচাৰতো বিশ্বাসত দৃঢ় হৈ থাকিল, নামৰ ভিডিঅটোত যিহোৱাৰ সাক্ষীসকলৰ সাহসৰ হৃদয়স্পৰ্ষী বৃতান্ত আৰু তেওঁলোকৰ বিজয়ৰ বিষয়ে বৰ্ণনা কৰা হৈছে। মণ্ডলীৰ সকলোকে এই ভিডিঅখন চাবলৈ আৰু ইয়াক চাই কেনে অনুভৱ কৰিলে তাৰ বিষয়ে এজনে আনজনৰ সৈতে আলোচনা কৰিবলৈ উৎসাহিত কৰা হʼল।
২ ইয়াত দিয়া এই প্ৰশ্নসমূহে আপোনাক অধিকৈ বিবেচনাশীল কৰি তুলিব: (১) যিহোৱাৰ সাক্ষীসকলে কি কাৰণৰ বাবে নাজি অত্যাচাৰতো বিশ্বাসত দৃঢ় হৈ থাকিল? (২ক) তেওঁলোকে এই অত্যাচাৰৰ প্ৰতি কেনে দৃষ্টিভঙ্গী ৰাখিলে আৰু কিয়? (২খ) ইয়ে যিহোৱাৰ সাক্ষীসকলৰ পৰিয়ালৰ ওপৰত কেনে প্ৰতিক্ৰিয়া সৃষ্টি কৰিলে? (৩) যাতনা শিবিৰলৈ কিমানজন যিহোৱাৰ সাক্ষীক পঠোৱা হৈছিল, তাত তেওঁলোকৰ কেনে পৰিচয় পোৱা গৈছিল আৰু তেওঁলোকৰ সৈতে যাতনাকাৰীসকলে কেনে আচৰণ কৰিছিল? (৪) তেওঁলোকে মুক্তিৰ পৰিৱৰ্ত্তে কি ত্যাগ দিব বিচৰা নাছিল? (৫ক) যিহোৱাৰ সাক্ষীসকলে কেতিয়া আৰু কিয় হিটলাৰৰ শাসনৰ বিপক্ষে কথা কৈছিল? (৫খ) তেওঁলোকৰ তেনে কাৰ্য্যত হিটলাৰে কেনে প্ৰতিক্ৰিয়া দেখুৱাইছিল? (৬) যিহোৱাৰ সাক্ষীসকলৰ ঐক্যতাই কেনেকৈ শাৰীৰিক আৰু আধ্যাত্মিকৰূপে নিজৰ আৰু আনৰ বাবে প্ৰাণৰক্ষক প্ৰমাণিত হʼল? (৭) যাতনা শিবিৰত কোনটো ৰাজ্যৰ স্তুতি গীত লিখা হৈছিল? (৮) বিশ্বাসী পুৰুষ, স্ত্ৰী, যুৱক-যুৱতীয়ে যিহোৱাৰ প্ৰতি অখণ্ডতা বজাই ৰখাৰ কোনবোৰ উদাহৰণে আপোনাৰ বাবে অধিকৈ হৃদয়স্পৰ্ষী? (১৯৯৯ চনৰ বাৰ্ষিক পুস্তক, ১৪৪-৭ পৃষ্ঠা চাওঁক।) (৯) এজন যিহোৱাৰ সাক্ষী হিচাপে জগতৰ কোনো ভাগ নোহোৱাত, এই ভিডিঅটোৱে আপোনাৰ মনত কেনে প্ৰতিক্ৰিয়া সৃষ্টি কৰে?
৩ বিশ্বাসত দৃঢ় নামৰ ভিডিঅটোত দাঙি ধৰা যিহোৱাৰ সাক্ষীসকলৰ সঠিক আৰ্হিয়ে খ্ৰীষ্টান যুৱক-যুৱতী, যিহোৱাৰ সাক্ষী নোহোৱা সঙ্গীবৃন্দৰ পৰা অহা হেঁচা আৰু অনুভূতিক প্ৰতিৰোধ কৰিবলৈ সহায় কৰে। যদি আপুনি এজন স্কুলত বা কলেজত পঢ়া বিদ্যাৰ্থী, তেনেহʼলে আপুনি আপোনাৰ শিক্ষকক এই ভিডিঅটোক ক্লাচত ব্যৱহাৰ কৰিবলৈ নিদিয়ে কিয়? হয়তো আপুনি তেওঁলোকক এই ভিডিঅখন চাবলৈ দিব পাৰে আৰু বৰ্ণনা কৰি কওঁক যে এই ঘটনা বা চলচিত্ৰৰ পৰা কেনে নৈতিক শিক্ষা শিকিব পাৰে।
৪ বিশ্বাসত দৃঢ় নামৰ ভিডিঅখন হৈছে এনে এটা সঁজুলি যিয়ে কয় যে আধ্যাত্মিকৰূপে দৃঢ় হৈ যিটো সঁচা তাক পালন কৰাৰ যোগেদি ঈশ্বৰক কেনেকৈ সন্তুষ্ট কৰিব পাৰি। (১ কৰি. ১৬:১৩) যিসকলে সত্যৰ বিষয়ে জনাত আগ্ৰহী তেওঁলোকক এই ভিডঅখন প্ৰদৰ্শন কৰি দেখুৱাক।