আপুনি আপোনাৰ প্ৰচাৰকাৰ্য্যক সম্পূৰ্ণৰূপে সম্পন্ন কৰিছে নে?
১ পাঁচনিৰ কৰ্ম্ম নামৰ কিতাপখনত কোৱা হৈছে যে যীচুৰ শিষ্যসকলে [“সম্পূৰ্ণৰূপে সাক্ষী”, NW] দিয়া কাৰ্য্য কৰিছিল। (পাঁচ. ২:৪০; ৮:২৫; ২৮:২৩) নিঃসন্দেহ, পাঁচনি পৌলেও সেই একেই অভিপ্ৰায় ৰাখি প্ৰচাৰকাৰ্য্য কৰিছিল। (পাঁচ. ২০:২৪) এজন শুভবাৰ্ত্তাৰ প্ৰচাৰক হোৱা হেতুকে আপুনিও তেনে লক্ষ্য ৰাখিছে নে? আপুনি এই কাৰ্য্যক কেনেকৈ সম্পূৰ্ণৰূপে সম্পন্ন কৰিব?
২ প্ৰস্তুত কৰা বিষয়বোৰক উত্তমৰূপে তৈয়াৰী কৰক: ভালদৰে প্ৰচাৰকাৰ্য্যক সম্পন্ন কৰিবলৈ, আপুনি উত্তমৰূপে তৈয়াৰী কৰা অতি গুৰুত্বপূৰ্ণ। আলোচনীসমূহ গৃহস্থক দিয়াৰ সময়ত বিশেষকৈ তৈয়াৰী কৰা আৱশ্যক, কিয়নো আলোচনীসমূহৰ বিষয়বোৰ সঘনাই সলনি হৈ থাকে। এইহেতুকে আমাক ভালকৈ প্ৰস্তুত হোৱাত সহায় কৰিবলৈ, এই মাহৰ আমাৰ ৰাজ্য পৰিচৰ্য্যাʼত এক নতুন বৈশিষ্টতাৰ বিষয়ে উল্লেখ কৰা হৈছে। বাওঁফালে থকা শাৰীত চলিত প্ৰহৰীদুৰ্গ আলোচনী কিদৰে গৃহস্থক দিব পাৰি, তাৰে কিছুমান আৰ্হি দাঙি ধৰা হৈছে। উপযুক্ত সময়ত লোকসকলক আলোচনাসমূহৰ প্ৰতি আকৰ্ষিত কৰিবলৈ প্ৰত্যেকখন আলোচনীৰ বিষয়সমূহক গুৰুত্ব দি উল্লেখ কৰা হৈছে। সংক্ষেপতে দিয়া এই প্ৰস্তুতিবোৰক আপুনি কেনেকৈ ব্যৱহাৰ কৰিব পাৰে?
৩ আপোনাৰ প্ৰচাৰ এলেকাত আটাইতকৈ কাৰ্য্যকাৰী হোৱা পৰামৰ্শটোক বাছি লওঁক। মনোযোগেৰে সেই বিষয়তো পঢ়ক আৰু এনে কিছুমান বিশেষ বিষয় বাছি লওঁক, যিবোৰে সহজে গৃহস্থৰ ধ্যান আকৰ্ষিত কৰিব পাৰে। যদি উপযুক্ত হয়, তেনেহʼলে আপোনাৰ আলোচনাটোৰ সৈতে খাপ খোৱা কিছুমান শাস্ত্ৰৰ পদ বাছি লৈ গৃহস্থৰ সৈতে পঢ়ক। তাৰ পাছত শেষত গৃহস্থজনক আলোচনীখন পঢ়িবলৈ উৎসাহিত কৰক আৰু যিহোৱাৰ সাক্ষীসকলৰ বিশ্বব্যাপী কাৰ্য্যৰ বাবে দান কৰিবলৈ চমুকৈ কওঁক। এতিয়া আপুনি কʼবলগীয়া প্ৰস্তুতিটোক মুখস্ত কৰক।
৪ বাইবেলখন ব্যৱহাৰ কৰিবলৈ পৰিকল্পনা কৰক: ভালদৰে তৈয়াৰ কৰা শাস্ত্ৰৰ পদসমূহক আপোনাৰ প্ৰস্তুতিত অন্তৰ্ভূক্ত কৰক। সৰ্ব্বপ্ৰথমে আমি নিশ্চিত হোৱা আৱশ্যক যে আমি আমাৰ প্ৰচাৰ এলেকাত ব্যৱহাৰ হোৱা ভাষাৰ বাইবেলখন যেনে নিজৰ সৈতে নিওঁ। স্থানীয় প্ৰচাৰ এলেকাত বাইবেলখন ব্যৱহাৰ কৰোঁতে যদি কোনো আপত্তি নাথাকে, তেনেহʼলে বাইবেলখন ব্যৱহাৰ কৰি আমি আমাৰ শুভবাৰ্ত্তাক কʼবলৈ আৰম্ভ কৰা আৱশ্যক। আপুনি এক মিঠা মুখীয়া হাঁহি মাৰি এইদৰে কʼব পাৰে:
▪ “আমি সকলো ব্যক্তিকে . . . বিশ্বাস কৰাৰ সম্পৰ্কে প্ৰশ্ন সুধিছোঁ।” তাৰ পাছত আদিপুস্তক ১:১ পদটো পঢ়ক আৰু প্ৰশ্ন কৰক: “আপুনি এই উক্তিটোৰ সৈতে সন্মত নে?” যদি গৃহস্থই সন্মত হওঁ বুলি উত্তৰ দিয়ে, তেতিয়াহʼলে আপুনিও কʼব পাৰে “ময়ো আপোনাৰ সৈতে সন্মত। যিহেতু ঈশ্বৰে এই সকলোবোৰ বস্তুৰ সৃষ্টি কৰিলে, সেইবাবে এই দুষ্ট পৰিস্থিতি বাবে তেৱেঁ দায়ী বুলি আপুনি ভাবেনে?” গৃহস্থৰ পৰা উত্তৰ পোৱাৰ পাছত, উপদেশক ৭:২৯ পদটো পঢ়ক। জ্ঞান কিতাপৰ ৭১ পৃষ্ঠাৰ ২ অনুচ্ছেদটো পঢ়ক। গৃহস্থজনকো কিতাপখন পঢ়িবলৈ উৎসাহিত কৰক। যদি গৃহস্থজনে আদিপুস্তক ১:১ পদৰ সৈতে মান্তি নহয়, তেনেহʼলে সৃষ্টি কিতাপখন পঢ়িবলৈ উৎসাহিত কৰক।
৫ সকলো আগ্ৰহী ব্যক্তিক সাক্ষাৎ কৰক: যদি প্ৰচাৰ এলেকাত লগ পোৱা আগ্ৰহী ব্যক্তিসকলক পুনৰ সাক্ষাৎ নকৰে, তেনেহʼলে আপুনি প্ৰচাৰকাৰ্য্যক সম্পূৰ্ণৰূপে সম্পন্ন কৰিব নোৱাৰে। সেয়েহে গৃহস্থই কোনো প্ৰকাশন লওঁক বা নলওঁক, যদি তেওঁৰ সৈতে আলোচনা ফলদায়ক হয় তেন্তে আপুনি তেওঁৰ নাম আৰু ঠিকনা লিখি ৰাখক। আগ্ৰহী হোৱা গৃহস্থজনক পুনৰ সাক্ষাৎ কৰি তেওঁৰ স্পৃহাক বৃদ্ধি কৰক। বাইবেল অধ্যয়ন কৰিবলৈ সকলো প্ৰকাৰে চেষ্টা কৰক।
৬ প্ৰথম শতাব্দীৰ শিষ্যসকলে জানিছিল যে যীচুৱে তেওঁলোকক [“সম্পূৰ্ণৰূপে সাক্ষ্য দিবলৈ”, NW] আজ্ঞা দিছিল। (পাঁচ. ১০:৪২) সেই একেই আজ্ঞা আমাৰ বাবেও প্ৰযোজ্য হয়, কিয়নো আমি কেৱল তেনে কৰিহে শিষ্য বনোৱা কাৰ্য্যত সফলতা লাভ কৰিব পাৰিম। (মথি ২৮:১৯, ২০) গতিকে আমি আমাৰ প্ৰচাৰকাৰ্য্যক সম্পূৰ্ণৰূপে সম্পন্ন কৰিবলৈ সকলো প্ৰচেষ্টা কৰোঁহঁক।—২ তীম. ৪:৫.