আপুনি আলোচনীসমূহৰ বিষয়ে কি কʼব?
প্ৰহৰীবুৰুজ নবেম্বৰ ১
“ঈশ্বৰক উপাসনা কৰিবলৈ আমাক কিয় গীৰ্জা আৰু মন্দিৰৰ আৱশ্যক বুলি কিছুমানে আচৰিত হয়। এই বিষয়ে আপুনি কি ভাবে? [উত্তৰৰ বাবে ক্ষন্তেক ৰওক।] এই বিষয়ে বাইবেলে কি কৈছে তাক লক্ষ্য কৰক। [পাঁচনিৰ কৰ্ম্ম ১৭:২৪ পদটো পঢ়ক।] তেনেহʼলে উপাসনাৰ বাবে কেনে স্থানৰ আৱশ্যক? এই আলোচনীখনে উক্ত প্ৰশ্নটোৰ শাস্ত্ৰীয় উত্তৰ দাঙি ধৰিছে।”
সচেতন! নবেম্বৰ ২২
“আপুনি ভাবেনে যে বিজ্ঞানে এদিন বেমাৰ-আজাৰ আৰু ৰোগৰ অন্ত কৰিব? [উত্তৰৰ বাবে ক্ষন্তেক ৰওক।] এই সংখ্যাৰ সচেতন! আলোচনীখনত বিজ্ঞানে কৰা উন্নতিৰ কিছুমান দিশৰ বিষয়ে আলোচনা কৰা হৈছে। তদুপৰি ইয়াত এইটোও বৰ্ণনা কৰা হৈছে যে বেমাৰ-আজাৰ আৰু মৃত্যুক আঁতৰ কৰিবলৈ কিয় একমাত্ৰ সৃষ্টিকৰ্ত্তাৰহে শক্তি আছে।” গীতমালা ১৪৬:৩-৫ পদটো পঢ়ক আৰু আলোচনীখন গৃহস্থক দিয়ক।
প্ৰহৰীবুৰুজ নবেম্বৰ ১
“আমাৰ বহুতে আনৰ সৈতে শান্তিপূৰ্ণ সম্বন্ধ স্থাপন কৰিবলৈ চেষ্টা কৰে। কিন্তু আপুনি নিশ্চয়ে মান্তি হʼব যে কাৰ্য্যত পৰিণত কৰাতকৈ তেনে কোৱাটো অতি সহজ। [উত্তৰৰ বাবে গৃহস্থক অলপ সময় দিয়ক।] বাইবেলে বৰ্ণনা কৰিছে যে কিয় তেনে কৰাটো সহজ নহয়। [২ তীমথিয় ৩:১ পদটো পঢ়ি আলোচনীখনৰ ১৭ পৃষ্ঠাত দিয়া বিষয়টোলৈ নিৰ্দ্দেশিত কৰক।] এই আলোচনীখনে বৰ্ণনা কৰিছে যে শান্তিপূৰ্ণ সম্বন্ধ স্থাপন আৰু তাক বজাই ৰখাত প্ৰেম গুণটোৱে কেনেকৈ এক প্ৰমুখ ভূমিকা আদায় কৰে।”
সচেতন! ডিচেম্বৰ ৮
“সন্ত্ৰাসবাদৰ ভয়ত বিমানেৰে ভ্ৰমণ কৰাটো সুৰক্ষিত হʼবনে বুলি বহুতে অনিশ্চিয়তা অনুভৱ কৰে। আপুনিও তেনেদৰে ভাবেনে? [উত্তৰৰ বাবে ক্ষন্তেক ৰওক।] বাইবেলে প্ৰকাশ কৰিছে যে কোনো এজনেও এনে বিপত্তিত নপৰাকৈ নাথাকিব। [উপদেশক ৯:১১ পদটো পঢ়ক।] তথাপিও, এই সংখ্যাৰ সচেতন! আলোচনীখনত আলোচনা কৰা হৈছে যে আপুনি বিমানেৰে ভ্ৰমণ কৰাৰ সময়ত কেনেকৈ সুৰক্ষা আৰু আৰামদায়ক হʼব পাৰে।”