যোচেফে নিজৰ ককায়েকহঁতক ক্ষমা কৰিলে

৪৪:১, ২, ৩৩, ৩৪; ৪৫:৪, ৫

কোনোবাই আমাক আঘাত দিলে, আমি ক্ষমা কৰাটো কঠিন হ’ব পাৰে। বিশেষকৈ, যেতিয়া কোনোবাই জানি-শুনি আমাক আঘাত দিয়ে। যোচেফৰ ককায়েকহঁতে তেওঁৰ লগত বেয়া ব্যৱহাৰ কৰিছিল, তথাপিও যোচেফে তেওঁলোকক ক্ষমা কৰিলে। এনে কৰিবলৈ তেওঁক কি কথাই সহায় কৰিলে?

• যোচেফে নিজৰ ককায়েকহঁতক প্ৰতিশোধ লোৱাৰ পৰিৱৰ্তে, তেওঁলোকৰ জীৱনত কৰা পৰিৱৰ্তনক লক্ষ্য কৰিলে, যাতে তেওঁলোকক ক্ষমা কৰিব পাৰে।—গীত ৮৬:৫; লূক ১৭:৩, ৪

• যোচেফে নিজৰ মনত খং পুহি নাৰাখি যিহোৱাক অনুকৰণ কৰিলে, যিজনে অন্তৰৰপৰা ক্ষমা কৰে।—মীখা ৭:১৮, ১৯

মই কেনেকৈ যিহোৱাৰ দৰে আনক ক্ষমা কৰিব পাৰোঁ?