নিজৰ বাইবেল বিদ্যাৰ্থীক যিহোৱাৰ লগত বন্ধুত্ব কৰিবলৈ শিকাওক

আমি প্ৰেমৰ বাবে যিহোৱাৰ সেৱা কৰাটো তেওঁ বিচাৰে। (মথি ২২:৩৭, ৩৮) যদি বাইবেল বিদ্যাৰ্থীয়ে যিহোৱাক প্ৰেম কৰিবলৈ ধৰিব, তেতিয়া তেওঁ নিজকে পৰিৱৰ্তন কৰিবলৈ আৰু সমস্যাৰ সন্মুখীন হʼবলৈ সাহস লাভ কৰিব। (১যোহ ৫:৩) এই প্ৰেমৰ বাবে তেওঁলোকে বাপ্তিষ্মা লʼব পাৰিব।

বাইবেল বিদ্যাৰ্থীক যিহোৱাই প্ৰেম কৰে বুলি তেওঁলোকক অনুভৱ কৰাওক। কেনেকৈ বাৰু? তেওঁলোকক এইদৰে সোধক, “ইয়াৰপৰা আপুনি যিহোৱাৰ বিষয়ে কি শিকিলে?” বা “ইয়াৰপৰা যিহোৱাই আপোনাক প্ৰেম কৰে বুলি কেনেকৈ জানিব পাৰি?” যিহোৱাই তেওঁলোকক কেনেকৈ সহায় কৰি আছে, সেয়া জানিবলৈ তেওঁলোকক সহায় কৰক। (২বং ১৬:৯) যিহোৱাই আপোনাৰ প্ৰাৰ্থনাৰ উত্তৰ কেনেকৈ দিলে, তাৰ বিষয়ে বিদ্যাৰ্থীক জনাওক। ইয়াৰ পাছত যিহোৱাই তেওঁৰ প্ৰাৰ্থনাৰ উত্তৰ কেনেকৈ দি আছে, তাৰ বিষয়ে ধ্যান দিবলৈ বিদ্যাৰ্থীক উৎসাহিত কৰক। যিহোৱাই বিদ্যাৰ্থীক প্ৰেম কৰে বুলি যেতিয়া তেওঁলোকে বুজি পায় আৰু তেওঁলোকেও যিহোৱাক প্ৰেম কৰিবলৈ ধৰে আৰু তেওঁৰ লগত বন্ধুত্ব কৰিব বিচাৰে, তেতিয়া এইবোৰ দেখি আমি বহুত আনন্দিত হওঁ।

নিজৰ বাইবেল বিদ্যাৰ্থীক যিহোৱাৰ লগত বন্ধুত্ব কৰিবলৈ শিকাওক নামৰ ভিডিঅʼখন চাওক আৰু তলত দিয়া প্ৰশ্নবোৰৰ উত্তৰ দিয়ক:

• 

  গ্ৰেচৰ কি সমস্যা হৈছিল?

• 

  নিতাই কেনেকৈ গ্ৰেচক সহায় কৰিলে?

• 

  গ্ৰেচে নিজৰ সমস্যাৰ সন্মুখীন হʼবলৈ কি কৰিলে?