নিজৰ বাইবেল বিদ্যাৰ্থীক বেয়া অভ্যাসবোৰ ত্যাগ কৰিবলৈ শিকাওক

যিসকলে নৈতিকভাৱে শুদ্ধ জীৱন-যাপন কৰে, কেৱল তেওঁলোকেই যিহোৱাৰ বন্ধু হʼব পাৰে। (১পিত ১:১৪-১৬) যেতিয়া বাইবেল বিদ্যাৰ্থীয়ে নিজৰ বেয়া অভ্যাসবোৰ এৰি দিয়ে, তেতিয়া তেওঁলোকৰ স্বাস্থ্য ভালেই থাকিব পাৰে, তেওঁলোকৰ টকা-পইচা বেছি খৰছ নহʼব পাৰে আৰু তেওঁলোকৰ পৰিয়ালৰ লাভ হʼব পাৰে।

যিহোৱাই কি কি নৈতিক মানদণ্ড দিছে, কিয় দিছে আৰু সেইবোৰ পালন কৰিলে তেওঁলোকে কেনেকৈ লাভৱান হʼব, তাৰ বিষয়ে নিজৰ বাইবেল বিদ্যাৰ্থীক বুজাওক। বিদ্যাৰ্থীয়ে নিজৰ চিন্তাধাৰা সলনি কৰাত তেওঁক সহায় কৰক। এইদৰে কৰিলে তেওঁলোকে নিজে পৰিৱৰ্তন কৰিব। (ইফি ৪:২২-২৪) তেওঁলোকৰ বহুবছৰৰপৰা থকা বেয়া অভ্যাসবোৰ যিহোৱাৰ সহায়ত তেওঁলোকে এৰিব পাৰিব বুলি বিশ্বাস জন্মাওক। (ফিলি ৪:১৩) যেতিয়া তেওঁলোকক বেয়া কাম কৰিবলৈ মন যায়, তেতিয়া যিহোৱালৈ প্ৰাৰ্থনা কৰিবলৈ তেওঁলোকক শিকাওক। তেওঁলোকে কি কি পৰিস্থিতিত পুনৰ বেয়া কাম কৰিব পাৰে, তাৰ বিষয়ে জানিবলৈ সহায় কৰক। তেওঁলোকক এনে কাম কৰিবলৈ উৎসাহিত কৰক, যাতে তেওঁলোকে বেয়া কাম কৰাৰপৰা আঁতৰি থাকিব পাৰে। যেতিয়া বাইবেল বিদ্যাৰ্থীয়ে যিহোৱাৰ সহায়ত নিজকে সলনি কৰে, তেতিয়া আমি বহুত আনন্দিত হওঁ।

নিজৰ বাইবেল বিদ্যাৰ্থীক বেয়া অভ্যাসবোৰ ত্যাগ কৰিবলৈ শিকাওক নামৰ ভিডিঅʼখন চাওক আৰু তলত দিয়া প্ৰশ্নবোৰৰ উত্তৰ দিয়ক।

• 

  এয়া কেনেকৈ জানিব পাৰি যে গ্ৰেচে নিজৰ বেয়া অভ্যাস এৰিব পাৰিব বুলি প্ৰাচীনসকল আৰু নিতাৰ ভৰসা আছিল?

• 

  নিতাই কেনেকৈ গ্ৰেচক সহায় কৰিলে?

• 

  গ্ৰেচে কেনেকৈ যিহোৱাৰ সহায় লʼলে?