Itinatampok an Magayonon na mga Magasin
1 An mga luwas sa Abril asin Mayo kan The Watchtower asin Awake! magtatampok nin nakaaapod nin atension na mga artikulo na pagkakainteresan nin gabos. Apuwera sa mga artikulo manongod sa pankinaban na katoninongan sa luwas na Abril 1 asin 15 kan The Watchtower, an luwas na Mayo 1 itinatampok an “Millions Now Dead Will Live Again” asin an luwas na Mayo 15 manongod sa “Armageddon—When?”
2 Kaiba sa mga luwas na Abril asin Mayo kan Awake! an mga temang “What Prospects for a Longer Life?,” “A Clean Earth—Will You Live to See It?,” asin “A World Without Guns—Is It Possible?” Minaoyon daw kamo na an mga yaon sa saindong teritoryo maninigong magkaigwa kan oportunidad na mabasa an mga luwas na ini?
OROG NA PAKIKIKABTANG
3 Maninigong iplano na niato ngonyan na dugangan an satong pagwaras kan magayonon na mga luwas na ini. Taano ta dai iareglo na magdusay nin orog kisa dating oras sa pagwaras nin magasin? Mantang dakol an mag-o-auxiliary payunir sa mga bulan na ini, asin napapanahon an mga temang iaalok, seguradong magkakaigwa nin marahay na mga resulta.
4 Ano an makatatabang sato na madugangan an ikinawawaras niatong mga magasin? Enot, maninigong tapuson niatong basahon an mga magasin. Mientras na pamilyar kita sa mga iyan, magigin man kitang mas maigot na ialok iyan. Mantang binabasa, humanap nin mga puntong itatampok sa laen-laen na artikulo. Ihapot sa sadiri: ‘Siisay daw an nangorognang maoogma sa mga artikulong ini? Ano daw an magugustohan nin sarong kataed, negosyante, estudyante, asin iba pa?’
MAGBUGTAK NIN PERSONAL NA PASOHAN
5 An iba tibaad boot na magbugtak nin personal na pasohan sa magasin sa Abril asin Mayo. Alagad kun iyan gibohon nindo, kaipuhan na patienot kamong maghapot sa lingkod sa magasin tanganing masierto na may bastante kamong magasin.
6 Siyempre, kadakol kan paaging makawaras nin magasin apuwera sa pagharongharong. Ikaaalok niato an mga magasin sa paghuhulit sa tinampo asin mantang nagsosongko sa komersial na mga lugar. An dakol na tugang nakaestablisar nin mga ruta sa magasin. Kun dinadalaw liwat an mga interesado, puwedeng iwalat an pinakabagong mga luwas. An impormal na pagpatotoo saro man na ekselenteng paagi na makapaghulit asin makawaras nin magasin. Kun beses an pagpaheling sana kan tutob igo na tanganing makapoon nin orolay o ikawaras iyan.
7 Girumdomon na napapalaen an satong mga magasin. Sinda nagtotokdo kan dalan pasiring sa katoninongan, kaogmahan, asin buhay na daing katapusan. (Juan 17:3) Kaya magplano na ngonyan tanganing madugangan an aktibidad sa magayonon na mga artikulong maluwas sa mga isyung Abril asin Mayo kan The Watchtower asin Awake!