Pagtiripon na Matabang Sato na Gumibo nin Disipulo
SEMANA NIN ABRIL 9-15
10 min: Lokal na mga paisi asin Mga Paisi sa An Satong Ministeryo sa Kahadean. Dagkahon an gabos na dalawon liwat an mga nag-atender sa Memorial tanganing helingon kun puwedeng makapoon nin pag-adal.
20 min: “Omawon si Jah Paagi sa Pakakua nin mga Suskripsion.” Hapot-simbagan. Idemonstrar an paggamit sa bagong Topikong Mapag-oolayan asin iiba an suhestion sa parapo 5.
15 min: Pahayag nin sarong magurang sa kongregasyon manongod sa mga punto sa “Hapot.” Gumibo nin mataktika alagad espisipikong pag-aplikar kan hatol sa lokal na kamugtakan sono sa pangangaipo. Puwedeng pakomentohon an mga nagdadangog.
Kanta 190 asin pantapos na pamibi.
SEMANA NIN ABRIL 16-22
10 min: Lokal na mga paisi. Report sa kuwenta. Basahon an pagpasalamat kan Sosyedad sa kontribusyon na naresibi kan Marso. Tawan nin komendasyon an mga tugang para sa mga kontribusyon sa pagsuportar sa pagtotogdok.
15 min: “Itinatampok an Magayonon na mga Magasin.” Pahayag asin orolay sa materyal na may pirang hapot. Iiba an pirang lokal na eksperyensia nin mga parahayag na nakawaras nin magasin sa paghuhulit sa tinampo, impormal na pagpatotoo, o sa mga ruta sa magasin.
20 min: Praktikal na mga Suhestion sa Pagwaras nin Magasin. Pag-olayan an minasunod na mga suhestion asin pakomentohon an mga parahayag sa nakamtan nindang kapangganahan sa pag-aplikar kaiyan: (1) Basahon an mga magasin asin aramon nanggad an mga artikulo. (2) Pumili nin mga artikulo na dian may espesyal na interes an komunidad. (3) Probaran an pagwaras nin magasin sa banggi. (4) Ipaliwanag an saro sanang tema, asin itampok an saro sanang magasin, na iinaalok an saro bilang kapadis. (5) Magtaram nin luway-luway asin klaro na may makikatood na tono an boses. Dagkahon an gabos na probaran an praktikal na mga suhestion na ini mantang sinda naghihingoang makawaras nin mga magasin sa lokal na teritoryo.
Kanta 6 asin pantapos na pamibi.
SEMANA NIN ABRIL 23-29
10 min: Lokal na mga paisi. Teokratikong mga Bareta. Mantang ini an ultimong semana nin Abril, dagkahon an gabos na lubos na makikabtang sa ministeryo asin tabangan an siisay man na dai pa nakakapakikabtang sa bulan na ini.
15 min: “Pag-aatubang kan Maogmang Bareta—Na Ginagamit an House-to-House Record.” Hapot-simbagan. Basahon an mga parapo sagkod sa itinotogot kan oras. Isabi an tamang paggamit sa house-to-house record kapwa sa mga dai nin tawo asin sa pagdalaw liwat. Repasohon kaiba kan mga nagdadangog an impormasyon na maninigong ibugtak sa record, asin ipaliwanag kun taano. Ipagirumdom sa gabos na magdara nin house-to-house record sa paglilingkod sa langtad.
20 min: “Pagpaheling nin Pagsarig ki Jehova Paagi sa Pagpayunir.” Entusiastikong hapot-simbagan na pangengenotan kan paraataman sa paglilingkod. Interbiohon an saro o duwang payunir, na itinatampok an nakamtan na mga kagayagayahan mantang napanggaganahan an mga kasakitan. Isabi kun ano an ginigibo sa lokal tanganing matawan nin praktikal na tabang an mga payunir.
Kanta 14 asin pantapos na pamibi.
SEMANA NIN ABRIL 30–MAYO 6
8 min: Lokal na mga paisi. Ipagirumdom sa gabos na itao tolos ninda an saindang report sa Abril. Dagkahon an mga nag-auxiliary payunir sa Abril na horophoropon na idagos iyan sa Mayo asin Hunyo kun itinotogot kan saindang kamugtakan. Interbiohon an sarong auxiliary payunir na nagustohan an aktibidad sa Abril asin nagpaplanong idagos iyan.
17 min: Pakataros sa Puso nin mga Hobenes. Ipaliliwanag sa halipot kan sarong magurang sa kongregasyon an mga punto hale sa mga publikasyon na sinadya sa pagtabang sa mga hobenes. Apuwera sa regular na pampamilyang pag-adal, an mga miembro nin pamilya nakikinabang sa espirituwal na orolay na nangyayari paminsanminsan. Idemonstrar an pag-orolay nin pamilya na an ama may mainit na relasyon sa mga aki. An pag-oolay ninda impormal na pagriribayan nin komento, bakong hapot-simbagan. An sarong aki naghapot kun baga puwede siang makikawat nin basketbol sa mga aki sa pagtaraed. Ipaliwanag an yaon sa pahina 64-7 kan librong Young People Ask. An ama matao nin nagsisiyasat na mga hapot tanganing mamansayan kun baga nasasabotan asin inooyonan kan aki an mga prinsipyo sa Kasuratan na kalabot. Idoon na an dayupot na mag-aramigo dai man kaipuhan na magkaedad. Pilion an mga aki na nakabasa na sa libro, asin hagadon an saindang komento. Ipasabi sainda kun taano ta nakatatabang an materyal. Dagkahon an mga hobenes na basahon an libro, asin idoon an pangangaipo na an mga magurang magin pamilyar sa mga laog kaiyan tanganing ikaiba an angay na mga punto sa mga orolay kan pamilya.
20 min: “Magmadonong—Iaplikar an mga Bagay na Saindong Nanonodan.” Pahayag nin sarong kuwalipikadong magurang sa kongregasyon na may partisipasyon an mga nagdadangog. Idoon an halaga nin pagsapuso kan satong nanonodan asin paggamit nin disiplina sa sadiri tanganing ikaaplikar iyan nin personal sa satong buhay. Kun pinag-oolayan an parapo 9, idemonstrar sa halipot kun paano gigibohon an pagdalaw sa nag-atender sa Memorial tanganing matabangan siang iaplikar an saiyang nanodan. Sa parapo 10, ipaliwanag an lokal na mga areglo sa pagtabang sa mga iregular o inaktibo.
Kanta 123 asin pantapos na pamibi.