Pagtiripon na Matabang Sato na Gumibo nin Disipulo
SEMANA NIN AGOSTO 12-18
10 min: Lokal na mga paisi asin Mga Paisi sa An Satong Ministeryo sa Kahadean. Itampok an mga artikulo sa bagong mga magasin na magagamit sa pagwaras nin magasin sa maabot na semana.
18 min: “Magin Mapasensia Asin Lubos sa Ministeryo.” Hapot-simbagan sa artikulo. Idoon an pangangaipo na magin mapasensia, nangorogna sa teritoryong parateng mahulitan. Pakatapos na mapag-olayan an parapo 6, ipademonstrar sa sarong parahayag kun paano gagamiton an Topikong Mapag-oolayan kun iinaalok an brochure na “Uya!”
17 min: “Areglo nin Pag-adal sa Libro kan Kongregasyon—Kabtang 1.” Pakikipag-olay nin eksperyensiadong magurang sa saro o duwa pang magurang o ministeryal na lingkod na mga nangengenot sa Pag-adal sa Libro. Tawan nin espesyal na pagdodoon an duwa o tolong bagay na kaipuhan sa lokal na kongregasyon, arog baga kan pagkomento sa sadiring tataramon asin praktikal na pag-aplikar kan pinag-aadalan.
Kanta 132 asin pantapos na pamibi.
SEMANA NIN AGOSTO 19-25
10 min: Lokal na mga paisi. Report sa kuwenta. Teokratikong mga Bareta.
15 min: “Magin Bilog na Kalag sa Ministeryo sa Langtad—Kabtang 1.” Hapot-simbagan na pangengenotan kan paraataman sa paglilingkod. Patienot na iasignar an piniling mga tekstong babasahon, asin iaplikar sa lokal. Pukawon an interes sa may limang kabtang na serye.
20 min: Bilog na Panahon na Paglilingkod—Marahayon na Oportunidad na Maglakaw sa Kaibanan nin Dios. (Miq. 6:8) An kuwalipikadong magurang o ministeryal na lingkod, mas marahay kun payunir, matao nin mainit, nakapakokosog na pahayag. (Helingon an Mayo 15, 1989 Watchtower, pahina 21-3.) Isabi an praktikal na mga suhestion na makatatabang sa mga parahayag na isip-isipon nin seryoso an paglaog sa bilog na panahon na gibohon. Interbiohon an duwa o tolong payunir, asin isabi an mga pakinabang sa bilog na panahon na paglilingkod. An bagong taon nin paglilingkod marahay na panahon na ipoon. An mga mapoon sa Setyembre 1 puwedeng makuwalipikar na umatender sa Paadalan sa Payunir na Paglilingkod sa 1992.
Kanta 204 asin pantapos na pamibi.
SEMANA NIN AG. 26–SET. 1
5 min: Lokal na mga paisi. Tumao man nin pirang puntong ipakikipag-olay sa librong Young People Ask, na gagamiton bilang alok niato sa Setyembre.
15 min: “Pag-aatubang kan Maogmang Bareta—Na May Pagmansay.” Hapot-simbagan. Idemonstrar an mga punto sa parapo 5. Hagadon sa matibay na parahayag na ipaheling kun paano aatubangon an kagharong na sa primero nakikidiskutiran paagi sa mataktikang paghahapot asin pagpaheling kan sinasabi kan Biblia. Maninigong ensayohon nin marhay an demonstrasyon.
25 min: “Pagtanom Asin Pagbaribi—Mga Tangga Pasiring sa Paggibo nin mga Disipulo.” Pahayag sa parapo 1-9 kan suplemento, na susundan nin hapot-simbagan sa parapo 10-14.
Kanta 67 asin pantapos na pamibi.
SEMANA NIN SETYEMBRE 2-8
5 min: Lokal na mga paisi.
20 min: “Pag-otob kan Satong Ministeryo sa Kahadean sa Langtad.” Hapot-simbagan sa artikulo. Iilustrar kun paano an mga punto sa parapo 2-6 magagamit sa praktikal. Kun pinag-oolayan an parapo 5, magkaigwa nin demonstrasyon na nagpapaheling nin sarong parahayag na nasasakitan sa pagpopoon nin pag-adal sa Biblia na minadolok sa paraataman sa paglilingkod sa paghagad nin tabang. Gagamiton kan paraataman sa paglilingkod an Index sa pagtabang sa parahayag.
20 min: “Pagtanom Asin Pagbaribi—Mga Tangga Pasiring sa Paggibo nin mga Disipulo.” Pahayag na may partisipasyon an mga nagdadangog sa parapo 15-20 kan suplemento. Sa parapo 16 magkaigwa nin inandam nin marhay na demonstrasyon sa pagpopoon nin pag-adal na ginagamit an tract o brochure. Idoon an halaga kan pagkaigwa nin inaadalan sa Biblia kan kada parahayag tanganing makapakikabtang sa paggibo nin mga disipulo. Gibohon ining pasohan para sa 1992 na taon nin paglilingkod.
Kanta 42 asin pantapos na pamibi.