Mga Introduksion na Makapupukaw sa mga Kagharong na Maghinanyog
1 Ano an pinakamahalagang kabtang kan saindong presentasyon sa pagharongharong? An kadaklan sa sato maoyon na iyan an introduksion. Kun bako kamong mapanggana sa pagpukaw nin interes kan kagharong sa laog kan enot na 30 segundos o labi, posibleng tatapuson nia an pag-orolay.
2 Anong mga elemento an maninigo nindong konsideraron sa pag-andam nin epektibong introduksion? Analisaron an mga kustombre kan mga tawo na posible nindong manompongan. Pinagkatodan daw an pagtaratara, o lalaoman daw kamo na dumirekta tolos sa punto? An mga tawo daw sa saindong pagtaraed nakaaaram kan mga problemang napaaatubang sa katawohan?
Puwede nindong pukawon sindang maghinanyog paagi sa pagsabi nin arog kaini:
◼ “Marahay na aga. Ako si ______. Nahahadit ako kun nakababasa ako manongod sa mga tawong nagugutom asin nagagadan sa mga guerra. Arog man daw kamo kaiyan?” An ibang hapot na puwedeng makatabang sa pagpoon nin pag-orolay iyo an: “Hinohona daw nindo na an siisay man makalilibre sa mga problema sa kinaban ngonyan?” “Ipamugtak na an sarong tagapamahala may mga kuwalipikasyon na arog kan sinambit digdi sa Isaias 9:6, 7? [Basahon asin komentohan an teksto.]”
3 Sa ibang teritoryo, an mga tawo tibaad magpaheling nin mas dakulang kahaditan para sa saindang harong asin pamilya kisa sa katoninongan kan kinaban.
Puwede nindong pukawon an interes paagi sa paghapot:
◼ “Anong klase nin buhay an linalaoman nindo para sa saindong pamilya sa laog nin sampulong taon? An punto-de-vista kan Biblia manongod sa ngapit nakapakokosog nanggad huli ta iyan naghula kan pagdatong nin sarong tagapamahala na mamamahala paagi sa sangkap na mga pamantayan. Risahon an sinasabi kan Isaias 9:6, 7 manongod sa saiya.”
4 Namumuhay daw kamo sa sarong lugar na dian an krimen asin an kaligtasan iyo an topiko kan aldaw?
Puwede nindong sabihon:
◼ “Kumusta. Nakikipag-olay kami manongod sa personal na kaligtasan. Dakol an krimen sa palibot niato, asin iyan nakaaapektar sa satong buhay.” Dangan an hapot na siring kan “Ano an solusyon?” o “Kumusta kun may tagapamahala na may mga kuwalipikasyon na arog kaini?” puwedeng makatabang sa pagpoon nin pag-orolay. Dangan puwede nindong basahon an Isaias 9:6, 7.
5 Kita gabos, kabilang an mga hobenes, makagagamit kan simpleng sarong-tekstong mga presentasyon na ini. Nasisierto mi na dakol an maoogma sa paggamit kan mga presentasyon na ini sa Pebrero, kapwa kun nag-aalok nin mga magasin asin kun nag-aatubang kan regular na alok.
6 Kun epektibo nindong gagamiton an enot na 30 segundos kan saindong pagdalaw, kapwa paagi kan saindong hiro asin kan saindong introduksion, posibleng makamtan nindo an mahalagang pasohan na pukawon an kagharong na maghinanyog.