Pagtiripon sa Paglilingkod Para sa Oktubre
Semana nin Oktubre 4-10
10 min: Lokal na mga paisi asin piniling Mga Paisi sa An Satong Ministeryo sa Kahadean.
15 min: “Ano an Gigibohon Niato Durante kan Taon na Ini nin Paglilingkod?” Pahayag kaiba an pakipag-olay sa mga nagdadangog. Kakapotan kan nangengenot na paraataman. Repasohon an nakaaging taon na paglilingkod kan kongregasyon asin pakosogon an gabos na gumibo nin mga plano para sa dugang pang aktibidad durante kan 1994 na taon nin paglilingkod.
20 min: “Gamiton nin Marhay an mga Magasin.” Hapot-simbagan na pag-orolay. Magin positibo sa pagpakosog sa mga tugang na ialok an suskripsion sa Awake! Kun dai kinua an suskripsion pero nagpapaheling nin interes an saro, pakosogon an mga tugang na pumoon nin ruta sa magasin: magkaigwa nin marahay na house-to-house record; pukawon an interes sa masunod na mga luwas paagi sa pagsambit sa maarabot na artikulo; magpalataw nin mga hapot na sinisimbag kan mga artikulo; dangan siertohon na bumalik dara an masunod na mga luwas.
Kanta 108 asin pantapos na pamibi.
Semana nin Oktubre 11-17
10 min: Lokal na mga paisi. Iiba an report sa kuwenta asin mga pasasalamat sa donasyon. Komendaran an kongregasyon huli sa matinaong pagsuportar sa lokal na mga pangangaipo siring man sa pambilog na kinaban na gibohon kan Sosyedad.
20 min: Pakosogon an Saindong mga Aki Para sa Eskuwelahan. Pahayag na may mga interbio asin demonstrasyon. An Kristianong mga hobenes ngonyan napapaatubang sa mga isyu na dai ngani kayang imahinaron kan dakol sa kongregasyon. Nangorognang kaipuhan na aram kan mga magurang an mga angat na ini tanganing mapakosog an saindang mga aki na mapangganahan an mga pagbalo sa integridad. Interbiohon an tolong aki na manlaenlaen an edad. Ano an pira sa espisipikong mga pangigipit sa eskuwelahan na kaipuhan nindang atubangon sa aroaldaw? Ano an nakakatabang sainda na mapagdanay an saindang marahay na relasyon ki Jehova? Iareglo an demonstrasyon nin sarong pamilya na iribang pinag-oorolayan an parapo 2 asin 3 sa pahina 11 kan brochure na School. Ipahahayag kan mga aki na sinda tinutuya asin nakakamateng hinahaboan huli sa pangangapot sa halangkaw na mga pamantayan kan Biblia sa moralidad. Pinakokosog kan payo nin pamilya an mga aki paagi sa pagpahayag kan saiyang kaogmahan huli sa saindang halimbawa asin sa pagpagirumdom sainda na naoogmang marhay si Jehova sa saindang gawe. (Tal. 27:11) Tatapuson kan tugang na lalaki na nagkakapot kan kabtang paagi sa pagtao nin komendasyon sa mga aki sa kongregasyon huli sa saindang marahay na mga gibo asin pagdagka sainda na makikomunikar sa saindang mga magurang tanganing mapakosog sinda sa espirituwal sa bilog na taon na ini nin pag-eskuwela.
15 min: “Pag-adalan an mga Librong Mabuhay Sagkod Lamang Asin an United in Worship.” Pakarepasoha kan artikulo kaiba kan mga nagdadangog, ipademonstrar sa nag-andam nin marhay na parahayag kun paano mabalyo hale sa pag-adal sa librong Greatest Man pasiring sa librong Mabuhay Sagkod Lamang.
Kanta 17 asin pantapos na pamibi.
Semana nin Oktubre 18-24
10 min: Lokal na mga paisi. Itampok an mga artikulo sa presenteng mga magasin na puwedeng itampok ngonyan na semana sa paglilingkod sa langtad.
20 min: “Lubos na Makinabang sa ‘Banal na Pagtotokdo’ na Pandistritong Kombension sa 1993”—Kabtang 1. Pag-orolay kaiba kan mga nagdadangog sa parapo 1-15. Maninigong ipakipag-olay kan mga parahayag an angay na mga punto sa saindang mga inaadalan sa Biblia na iniimbitaran na umatender sa kombension.
15 min: “Pagpopoon nin mga Pag-adal sa Biblia sa Harong.” Hapot-simbagan. Pakatapos kan parapo 4, iintrodusir an maogmang demonstrasyon nin pagdalaw liwat na Biblia an solamenteng ginagamit, pero basado sa mga kabtang kan librong Mabuhay Sagkod Lamang o Reasoning, arog kan isinuherir.
Kanta 84 asin pantapos na pamibi.
Semana nin Oktubre 25-31
10 min: Lokal na mga paisi. Teokratikong mga Bareta.
20 min: “Lubos na Makinabang sa ‘Banal na Pagtotokdo’ na Pandistritong Kombension sa 1993”—Kabtang 2. Pag-orolay kaiba kan mga nagdadangog sa parapo 16-18 asin maingat na repasohon an “Mga Pagirumdom sa Pandistritong Kombension” sagkod na itinotogot nin panahon. Iiba an angay na mga pagirumdom basado sa impormasyon sa An Torrengbantayan na Hulyo 1, 1989, pahina 8-18 (sa Ingles, Hunyo 15, 1989, pahina 10-20), o pakosogon an grupo nin mga pamilya na repasohon an mga punto sa mga artikulong ini bago umatender nin kombension.
15 min: “Tabangan an Arog-Karnerong mga Tawo na Makatogdok sa Solidong Pundasyon.” Ipakipag-olay sa mga nagdadangog. Idoon an pangangaipo na mag-andam para sa kada pagdalaw liwat. Areglohon na an kuwalipikadong parahayag idemonstrar an pagdalaw liwat sa saro na nagkua kan nakaagi nin librong Mabuhay Sagkod Lamang, na ginagamit an impormasyon arin man sa parapo 3 o 5.
Kanta 21 asin pantapos na pamibi.
Semana nin Nobyembre 1-7
10 min: Lokal na mga paisi. Teokratikong mga Bareta.
15 min: “Pakinabangon an Iba Paagi sa Paggamit nin mga Magasin.” Pahayag na may mga demonstrasyon. Idoon an halaga kan paggamit nin lubos kapwa nin bago asin daan na mga luwas kan mga magasin. Magkaigwa nin duwang demonstrasyon, na an saro nagtatampok nin bagong magasin asin an saro nagpapaheling kun paano gagamiton an daan na luwas tanganing ikatao an espisipikong pangangaipo kan kagharong.
20 min: Haen an Satong Nagadan Nang mga Namomotan? Pag-orolay nin pamilya. Ginagamit an piniling materyal hale sa pahina 98-100 kan librong Reasoning, ipakikipag-olay kan payo nin pamilya an pagkagadan kan sarong katood nin pamilya. Isinisentro nia an atension sa pagtabang sa saiyang mga aki na masabotan an punto-de-vista kan Biblia. Naghahapot sia tanganing masierto na nasasabotan ninda an kahulogan kan kagadanan asin ikinakapahayag nin malinaw an saindang sadiri sono sa saindang mga edad. Siring man, ipinaheheling nia sainda kun paano ninda puwedeng gamiton an librong Reasoning sa pagranga sa iba.
Kanta 15 asin pantapos na pamibi.