Iskedyul sa Pagtiripon sa Paglilingkod
Semana nin Hulyo 10
12 min: Lokal na mga paisi. Piniling Mga Paisi sa An Satong Ministeryo sa Kahadean. Komentohan an report nin paglilingkod sa langtad kan Abril para sa nasyon asin lokal na kongregasyon. Darahon an atension sa kahon na “Helingon an Pahina sa Likod,” asin idemonstrar an saro sa isinuherir na mga pag-atubang na magigin epektibo sa lokal na teritoryo.
15 min: ‘Dai Kita Puedeng Mag-ontok sa Pagtaram.’ Limitaran an introduksion sa dai pang sarong minuto, asin sundan nin hapot-simbagan. Idoon an mga dahelan kun taano ta isinasaboot niatong marhay an asignasyon na paghuhulit. Iiba an pertinenteng mga punto sa Torrengbantayan na Enero 15, 1997, pahina 23-4.
18 min: “Pabayaan na an Gabos Mangyari Para sa Pagpakosog.” Pinag-oolayan nin duwang magurang sa kongregasyon an artikulo. Basahon an kada parapo asin an sitadong mga teksto. Itampok an mga prinsipyong kalabot. Idoon an pangangaipo nin pakamansay kun nag-aasikaso nin mga bagay manongod sa negosyo o pangangapital. Repasohon an hatol sa Torrengbantayan na Marso 15, 1997, pahina 18-19, 22.
Kanta 15 asin pantapos na pamibi.
Semana nin Hulyo 17
10 min: Lokal na mga paisi. Report sa kuenta. Ipaliwanag sa halipot kun paano gagamiton an brosyur na Divine Name tangani na tabangan an interesado na pahalagahan an pangangaipo na mamidbid asin gamiton an personal na ngaran nin Dios.—Helingon an librong Reasoning, pahina 196-7.
15 min: ‘Ihulit an Tataramon na May Pagkasibot.’ Limitaran an introduksion sa dai pang sarong minuto, asin sundan nin hapot-simbagan. Iiba an mga komento sa librong Our Ministry, pahina 170. Magtao nin nagkapirang praktikal na suhestion sa kun paano dudugangan an paghuhulit sa maabot na mga bulan.
20 min: Siisay an Maninigo Mong Magin Modelo? An sarong ama pinamamayohan an saiyang pampamilyang pag-adal sa saro o duwang tinedyer na aki. Naobserbaran nia kasuarin pa sana na an saindang mga pag-orolay parateng nakasentro sa mga eroe sa isport, artista sa pelikula, personahe sa TV, asin musikero. Nagpapahayag sia nin pagkahadit huli ta an klaseng ini nin pagkaakit sarong pagparisa kan espiritu kan kinaban. Pinag-oolayan ninda an Awake! na Mayo 22, 1998, pahina 12-14. Narerealisar kan mga hoben na may peligro sa pag-idolo sa kinabanon na mga personahe asin minaoyon na an kinabanon na pagkaprominente mayo nin ikatatao sa mga Kristiano. Pinag-oolayan ninda an mga pakinabang sa pagheling sa mga magurang, kamagurangan, iba pang arogan sa kongregasyon—asin nangorogna ki Jesu-Cristo—bilang saindang mga modelo.
Kanta 34 asin pantapos na pamibi.
Semana nin Hulyo 24
5 min: Lokal na mga paisi.
15 min: Pagrekomendar kan Satong Sadiri Bilang mga Ministro nin Dios. Pinag-oolayan nin duwang ministeryal na lingkod an konseho sono sa Kasuratan na itinao sa Torrengbantayan na Disyembre 15, 1998, pahina 19-20. Pinahahalagahan ninda an pangangaipo na maabot an pamantayan sa marahay na paagi bilang ministeryal na mga lingkod asin repasohon kun ano an personal nindang magigibo tangani na ipaheling na inootob ninda an saindang mga asignasyon. Naheheling ninda an kahalagahan nin pagigin marahay na mga halimbawa sa ministeryo sa langtad asin pinag-oolayan an mga paagi na sinda makakatabang sa kamagurangan sa pagtao nin personal na tabang sa iba. Minaoyon sinda na boot nindang gibohon an bilog nindang makakaya sa pagtabang sa kongregasyon na pahalagahan an pagkaapurado kan mga panahon asin tumalubo patin umoswag sa espirituwal.
10 min: Pagsurat sa mga Tawo na Dai Niato Nakakaolay. Pahayag asin pakikipag-olay sa mga nagdadangog. Mantang padepisil nang padepisil na manompongan an mga tawo sa harong, may mga parahayag na nakakukua nin marahay na mga resulta paagi sa pagsurat. Konsideraron an mga giyang ini: Maninigo na an surat halipot, basado sa Kasuratan, asin magalang. Dai magpadara nin mga surat na daing ngaran. Magsurat o magmakinilya nin malinig asin nababasa. Itao an adres kan Kingdom Hall asin an mga oras kan pagtiripon kan kongregasyon kaiba an imbitasyon na umatender. Dai paggamiton an adres kan Sosyedad. Repasohon an mga suhestion na itinao sa School Guidebook, pahina 87-8, asin an Hapot sa An Satong Ministeryo sa Kahadean na Nobyembre 1996.
15 min: Gumamit nin Epektibong mga Introduksion. Pumili nin duwa o tolong introduksion sa pahina 9-15 kan librong Reasoning, asin ipakipag-olay kun paano ini magagamit nin epektibo sa lokal na teritoryo. Hapoton an mga nagdadangog, “Anong introduksion an ginagamit nindo kun minadolok sa saro na nasa tinampo, sa impormal, o iba pa?” Idemonstrar an saro o duwang introduksion kun itinotogot nin panahon.
Kanta 54 asin pantapos na pamibi.
Semana nin Hulyo 31
15 min: Lokal na mga paisi. Pagirumdomon an gabos na itao an report nin paglilingkod sa langtad para sa Hulyo. Imbitaran an mga nagdadangog na isaysay an personal na mga eksperyensia ngonyan na bulan kun nagdidistribwir nin mga brosyur.
12 min: Lokal na mga pangangaipo.
18 min: “Inaapresyar daw Nindo an Pagpapasensia ni Jehova?” Hapot-simbagan. Iiba an pertinenteng mga komento manongod sa pakatios ni Jehova.—Helingon an Insight, Tomo 2, pahina 263-4.
Kanta 75 asin pantapos na pamibi.
Semana nin Agosto 7
10 min: Lokal na paisi.
17 min: “Masusopgon daw Kamo?” Hapot-simbagan. Isaysay an nakaparirigon sa boot na eksperyensia hale sa 1997 Yearbook, pahina 43-4.
18 min: Magin Madonong sa Saindong Ngapit. Pahayag nin sarong magurang sa kongregasyon. An mga hoben nagmamawot na magkaigwa nin maogmang ngapit kaiba kan mga namomotan ninda. Minsan ngani natural ini, dapat na iaplikar ninda an diosnon na hatol tanganing sinda magin mapanggana. (Tal. 19:20) An atraksion sa bakong kasekso makosog sa pagkahoben. Kun dai kokontrolon an mga pagmate, puedeng magin kapahapahamak an mga resulta. Dakol na hapot an minalataw dapit sa kadonongan nin mga tinedyer na nagkakakursonada sa bakong kasekso, na nagkakaigwa nin romantikong relasyon na minasagkod sa pagde-date. Repasohon an konseho na itinao sa librong Young People Ask, pahina 231-5. Itampok an mayor na mga punto sa Torrengbantayan na Nobyembre 15, 1999, pahina 18-23, na nagpapaheling kan importansia nin pag-otob kan mga hoben sa saindang bilog na obligasyon sa Dios. Enkaminaron an mga tinedyer na horophoropon an hatol na ini asin ipakipag-olay iyan sa saindang mga magurang kun may mga hapot sinda.
Kanta 101 asin pantapos na pamibi.