Marigon na Naninindogan Bilang Sarong Aripompon
1 An aldaw nin espesyal na asamblea para sa 1990 taon nin paglilingkod magkakaigwa kan tema kaini na “Marigon na Naninindogan Bilang Sarong Aripompon.” An temang ini basado sa Filipos 1:27. Kairiba sa programa sa aga an impormasyon dapit sa pangangaipo na marigon na manindogan, mga probisyon na matabang sato na manindogan nin marigon, mga halimbawa kan marigon na nanindogan, asin kun paano kita makapag-iingat tumang sa nakapanluluyang mga impluwensia. Magkakaigwa nin mga areglo sa bautismo sa katapusan kan sesyon sa aga. An siisay man na nagpaplanong magpabautismo maninigong ipaaram ini nin patienot sa nangengenot na paraataman tanganing ikasagibo an mga areglo sa pagrepaso kan mga hapot sa Organized to Accomplish Our Ministry.
2 Sa hapon magkakaigwa nin sumaryo kan Torrengbantayan na susundan kan panpakosog na magin positibo sa ministeryo, instruksion sa pagtabang sa iba sa ministeryo, asin praktikal na sadol tanganing tabangan kitang marigon na manindogan sa sarong espiritu. Ngonyan orog kasuarin man, kaipuhan na marigon na manindogan bilang sarong aripompon sa atubangan ni Jehova. An satong nagkakasararong paninindogan sa tunay na pagsamba magpoprotehir sa sato sa mga puwersa nin pagkabaranga na lakop sa kinaban ni Satanas, asin ibinubugtak kita kaini sa marigon na kamugtakan tanganing tabangan an iba na makiiba sa sato sa tunay na pagsamba.
3 Tabi mangnohon na durante kan semana nin espesyal na asamblea, an regular na pag-adal sa Torrengbantayan asin pahayag publiko dai gigibohon sa mga kongregasyon. Alagad, an Teokratikong Paadalan sa Pagmiministro, Pagtiripon sa Paglilingkod asin an Pag-adal sa Libro kan Kongregasyon gigibohon siring sa dati. Nangangahulogan ini na an mga kongregasyon na nagsasagibo kan mga pagtiripon na ini kun Domingo mangangaipo na iareglo an mga ini sa ibang aldaw durante kan semanang iyan.
4 An espesyal na mga asambleang ini magpopoon sa Marso, asin kita gabos magmamawot na gumibo nin mga areglo na magin presente sa bilog na aldaw.