Magin Regular sa Paglilingkod sa Langtad
1 Ginigibo daw niato an positibong mga paagi na regular na makikabtang sa paglilingkod sa langtad? Pinagmamaigotan daw niatong ikatao tolos sa Kingdom Hall an satong report nin paglilingkod sa langtad kada bulan? Ini kaipuhan na pagmaigotan niato gabos, na nungkang pinababayaan na makalihis an bulan na dai ikapahayag sa publiko an satong pagtubod sa ano man na paagi.—Roma 10:9, 10.
2 Apuwera sa pagigin regular niato, boot niatong magin alisto na tabangan an iba na makikabtang nin regular sa ministeryo sa langtad. (Fil. 2:4) Paano ta ini magigibo? Tibaad puwede tang agdahon na umiba sa sato an dai pa bautisadong mga parahayag na nagpopoon pa sana sa ministeryo. An dayaday na iskedyul nin paglilingkod matabang na ikatanom nin marigon sa saindang puso an katotoohan.
3 Magin regular sa paglilingkod sa langtad. Maimbod na itao an saindong report nin paglilingkod sa langtad kada bulan. Tabangan an iba na makikabtang nin regular sa paglilingkod. Ipaheling an ‘pagkamoot sa bilog na kasararoan nin mga tugang.’—1 Ped. 2:17.