Lubos na Hulitan an Saindong Teritoryo
1 Sa residensiang mga lugar nakanonompong kita sa panapanahon nin sadit na lugar nin negosyo, siring baga nin sarong groseriya, restawran, o sari-saring tindahan. Tangani na makobrehan an mga negosyong ini kaiba kan iba pang kabtang kan saindong teritoryo, maninigo nindo sindang dalawon kapareho kan pagdalaw sa mga residensia.
2 Puede kamong gumamit nin halipot na pag-atubang, na puedeng nagsasabing: “Igwa akong boot na ipaheling sa saindo.” Kun garo baga sibot an kagsadiri sa oras na iyan, puede kamong mag-alok sana nin sarong tract asin sabihon: “Madigdi giraray ako kun bako na kamong sibot na marhay. Boot kong maaraman kun ano an iniisip nindo manongod sa tract na ini.”
3 Dai dapat na matakot sa paggibo kan trabahong ini. Ibinareta nin sarong parahayag: “Naglaom ako na negatibo an magigin reaksion. Minsan siring, sa pagngalas ko, an reaksion sa mensahe kan Kahadean kabaliktaran nanggad. Sinda tunay na magalang asin makikatood patin haros perming nag-aako kan mga magasin.”
4 An sarong babae na nagtatrabaho sa sarong kompaniya sa lote asin edipisyo inimbitaran an mga Saksi sa saiyang opisina. Nag-ako sia nin mga magasin asin nagpahayag na interesadong magkaigwa nin pag-adal sa Biblia. Ipinaheling sa saiya an librong Kaaraman, asin naponan tolos an pag-adal, sa saiyang opisina mismo!
5 An asignasyon na lubos na hulitan an saindong teritoryo kabale an pagdalaw sa mga negosyo sa komunidad. (Gibo 10:42) Planohon na dumalaw sa mga pintong ini siring man sana kan pagdalaw sa pribadong mga harong. Bako sanang lubos na kokobrehan kaini an saindong teritoryo kundi puede kamong mabalosan nin makaoogmang mga eksperyensia!