Pataluboon Paagi sa Makahulogan na mga Pagdalaw Liwat
1 Tanganing matabangan an mga nagpaheling nin interes, mahalaga na tawan ta sinda nin padagos na espirituwal na pagkakan paagi sa regular na mga pagdalaw liwat. Progresibong makatatabang an satong mga pagdalaw na sinda magtalubo sa espirituwal. (1 Cor. 3:6-9) Pero, tanganing magin makahulogan an satong mga pagdalaw, kinakaipuhan na patienot kitang mag-andam, na nasa isip an tawong iyan.
2 Pagdalaw Liwat sa mga Nawalatan Niato nin Tract: Tibaad an tract na Peaceful New World ikinapasakamot sa enot na pagsongko.
Pakarepaso sa halipot kan pinag-olayan, puwede kitang maghapot:
◼ “Anong gobyerno an magpapangyari kan mga pagliliwat na ini? [Pakomentohon.] Mayong duwa-duwa na maoogma kamong mamuhay sa mga kamugtakan na arog kaini. Paano daw ini magigin posible?” Dangan pag-olayan an materyal sa irarom kan subtemang “How It Is Possible for You.” Kun ipinaheheling an interes, puwedeng darahon an atension sa librong Mabuhay Sagkod Lamang, Kapitulo 15, “Pagigin Sakop kan Gobyerno nin Dios.” Puwede niatong ipakipag-olay an enot na duwang parapo dangan maghapot: “Paano an pakanood manongod sa Dios maninigong makaapektar sa sato?” Simbagon an hapot asin areglohon na ipadagos an pag-orolay sa masunod na pagdalaw.
3 Kun minadalaw liwat sa mga nawalatan niato kan brochure na “An Dios daw Talagang May Pagmakolog sa Sato?”, puwede niatong sabihon:
◼ “Kan huri kong pagdalaw pinag-olayan ta an kadakol na problema na napaaatubang sa katawohan asin an ipinanunuga nin Dios na gibohon manongod kaiyan. Alagad, taano ta haloyon na tinogotan nin Dios an kasakitan? An simbag makukua sa kabtang 6 kan brochure na iwinalat ko saindo.” Pakapag-olay sa nagkapirang parapo, puwede tang ihapot: “Ano an kaipuhan tang gibohon tanganing makinabang sa mga panuga nin Dios?” An materyal sa irarom kan Kabtang 11, “Ginigibo Na Ngonyan an Pundasyon kan Bagong Kinaban,” sa pahina 28-31, puwedeng itampok para sa pag-orolay sa masunod na pagdalaw.
4 Pagdalaw Liwat sa mga Nawalatan Niato nin mga Magasin: Kun pinili nindo an espisipikong artikulo na nakainteres sa kagharong, ipaliwanag an dugang pang mga punto gikan sa artikulo sa pagbalik nindo, na isinisentro an atension sa sarong pangenot na teksto asin sa materyal na nagpapaliwanag kaiyan. Siring man, puwedeng darahon an atension sa masunod na luwas kan magasin kun iyan may artikulo manongod sa parehong tema. Kun dai, puwede tang itokdo an materyal sa librong Mabuhay Sagkod Lamang manongod sa tema asin areglohon na pag-olayan iyan sa satong masunod na pagdalaw.
5 An satong pagpaheling nin personal na interes paagi sa paggibo nin regular na mga pagdalaw liwat magpapaheling kan satong pagkamoot para sa sainda asin para ki Jehova. (Juan 13:34, 35) Padagos logod niatong pataluboon sa espirituwal an mga nasa teritoryo niato paagi sa regular na paggibo nin makahulogan na mga pagdalaw liwat.