Amalyashi ya mu Baibolo aya Kulanshanyapo
1. Armagedone
A. Inkondo ya kwa Lesa iya kupwisha ifyabipa
Inko shalonganikwa ku Armagedone. Uks 16:14, 16
Lesa alwila mu Mwana na muli bamalaika. 2Te 1:6-9; Uks 19:11-16
Ifyo twingapusuka. Sef 2:2, 3; Uks 7:14
B. Tailanga ukuti Lesa takwata ukutemwa
Ifintu mu calo nafibipa sana. 2Ti 3:1-5
Lesa alitekanya, akacitapo cimo pantu wa mulinganya. 2Pe 3:9, 15; Lk 18:7, 8
Abacita ifyabipa bafwile ukufumapo pa kuti abalungami bekale bwino. Amp 21:18; Uks 11:18
2. Baibolo
A. Baibolo yafuma kuli Lesa
Umupashi wa kwa Lesa e walengele abantu ukulemba. 2Pe 1:20, 21
Mwaliba ukusesema: Da 8:5, 6, 20-22; Lk 21:5, 6, 20-22; Esa 45:1-4
Baibolo yonse yafuma kuli Lesa kabili ya mulimo. 2Ti 3:16, 17; Ro 15:4
B. Kuti yatutungulula bwino pali lelo
Ukusuula ukufunda kwa mu Baibolo takwawama. Ro 1:28-32
Te kuti tupyanike amano ya bantunse pali Baibolo. 1Ko 1:21, 25; 1Ti 6:20
Ilatucingilila ku mulwani wakwatisha maka. Ef 6:11, 12, 17
Ilatungulula umuntu mu nshila isuma. Am 119:105; 2Pe 1:19; Amp 3:5, 6
C. Yalembelwa abantu ba mu nko shonse ne mitundu
Ukulemba Baibolo kwatendekele ku Kabanga. Ukf 17:14; 24:12, 16; 34:27
Ubu bupe bwa kwa Lesa te bwa ba ku Bulaya fye. Ro 10:11-13; Ga 3:28
Lesa alapokelela abantu ba misango yonse. Imi 10:34, 35; Ro 5:18; Uks 7:9, 10
3. Bakasesema ba Bufi
A. Bakasesema ba bufi balisobelwe; e ko bali mu nshiku sha batumwa
Ica kwishibilako bakasesema ba bufi. Amg 18:20-22; Lk 6:26
Balisobelwe; beshibikilwa ku fyo bacita. Mt 24:23-26; 7:15-23
4. Balesa Batatu Muli Umo
A. Lesa, kabili Wishi, Umo wine, e mwine wa fintu fyonse
Lesa tabamo batatu. Amg 6:4; Mal 2:10; Mko 10:18; Ro 3:29, 30
Umwana bamupangile fye; Lesa ali eka kale. Uks 3:14; Ko 1:15; Es 44:6
Lesa e mfumu ya fintu fyonse. Flp 2:5, 6; Da 4:35
Lesa afwile ukucindikwa pali bonse. Flp 2:10, 11
B. Umwana talingene na Wishi ilyo ashilaisa pe sonde na lintu abwelelemo ku muulu
Umwana ali ne cumfwila mu muulu, atuminwe na Wishi. Yh 8:42; 12:49
Ali ne cumfwila pano calo, Wishi mukalamba. Yh 14:28; 5:19; He 5:8
Alisansabikwa mu muulu, acili alanakila. Flp 2:9; 1Ko 15:28; Mt 20:23
Yehova mutwe wa kwa Kristu kabili e Lesa wakwe. 1Ko 11:3; Yoh 20:17; Uks 1:6
C. Ifyo Lesa na Kristu baba bamo
Balomfwana lyonse. Yh 8:28, 29; 14:10
Baba bamo, filya fyaba umulume no mukashi. Yh. 10:30; Mt 19:4-6
Abasumina bonse na bo bafwile ukuba bamo. Yh 17:20-22; 1Ko 1:10
Kukaba fye ukupepa kumo kuli Yehova ukupitila muli Kristu umuyayaya. Yh 4:23, 24
D. Umupashi wa mushilo uwa kwa Lesa maka yakwe ayo abomfya
Maka, te muntu iyo. Mt 3:16; Yh 20:22; Imi 2:4, 17, 33
Te muntu uwaba mu muulu na Lesa na Kristu. Imi 7:55, 56; Uks 7:10
Utungululwa na Lesa ku kucita ukufwaya kwakwe. Am 104:30; 1Ko 12:4-11
Ababombela Lesa balaupokelela no kutungululwa na wena. 1Ko 2:12, 13; Ga 5:16
5. Helo (Hades, Sheol)
A. Te cifulo ukwaba umulilo wa kukandilako
Yobo uwalecula apepele ukuti ayeko. Yb 14:13
Takwaba ukucita nangu fimo. Am 6:5; Lkm 9:10; Es 38: 18, 19
Yesu alibuushiwe ukufuma ku nshiishi, ku helo. Imi 2:27, 31, 32; Am 16:10
Helo ikalekelako abafwa na bambi ababamo, ikonaulwa. Uks 20: 13, 14
B. Umulilo wimininako ubonaushi
Umulilo wimininako ukwipaya. Mt 25:41, 46; 13:30
Ababifi abashilapila bakonaulwa umuyayaya kwati ni ku mulilo. He 10:26, 27
‘Ukucululuka’ kwa kwa Satana mu mulilo ni mfwa ya muyayaya. Uks 20:10, 14, 15
C. Ilyashi lya mukankaala na Lasaro talishinina ukuti kwaba ukucula kwa pe
Umulilo ne cifuba ca kwa Abrahamu tafyali ifya cine. Lk 16:22-24
Ukupaalwa na Abrahamu bakupusanya ne mfifi. Mt. 8:11, 12
Batila Babiloni pa konaulwa bakamoca. Uks 18:8-10, 21
6. Icalici
A. Icalici lya ku mupashi, lyakuulwa pali Kristu
Lesa tekala mu matempele ayapangwa na bantu. Imi 17:24, 25; 7:48
Icalici lya cine litempele lya ku mupashi ilya mabwe ya mweo. 1Pe 2:5, 6
Kristu e libwe lya pa kona; abatumwa mufula wa cibili. Ef 2:20
Tufwile ukupepela Lesa mu mupashi na mu cine. Yh 4:24
B. Icalici talyakuulilwe pali Petro
Yesu tatile icalici lyakuulwa pali Petro. Mt 16:18
Yesu e “cilibwe.” 1Ko 10:4
Petro atile Yesu e mufula. 1Pe 2:4, 6-8; Imi 4:8-12
7. Icibukisho, Iminsa
A. Ukusefya Umulaalilo wa kwa Shikulu
Basefya umuku umo mu mwaka pa bushiku bwa Ca Kucilila. Lk 22:1, 17-20; Ukf 12:14
Kusefya imfwa ya kwa Kristu iyo aipeele ilambo. 1Ko 11:26; Mt 26:28
Ababa ne subilo lya ku muulu e balyako. Lk 22:29, 30; 12:32, 37
Ifyo umuntu eshiba ukuti alikwata ili isubilo. Ro 8:15-17
B. Ukucita Iminsa te kwa mu Malembo
Pa kuti umuntu elelwe imembu kano pasuma umulopa. He 9:22
Kristu e kawikishanya fye uwa cipangano cipya. 1Ti 2:5, 6; Yh 14:6
Yesu ali ku muulu; taletelwe kuli shimapepo. Imi 3:20, 21
Takwaba ukubwekeshapo ilambo lya kwa Kristu. He 9:24-26; 10:11-14
8. Icilubula
A. Ubumi bwa kwa Yesu bwalilipilwe ukuba ‘icilubula ca bonse’
Yesu apeele ubumi bwakwe ukuba icilubula. Mt 20:28
Umutengo wa mulopa wasuumine ulenga imembu ukwelelwa. Heb. 9:14, 22
Ilambo limo fye e lyalefwaikwa. Ro 6:10; Heb 9:26
Pa kumwenamo kano twacitako fimo; tufwile ukusumina. Yh 3:16
B. Cali no mutengo walingana
Adamu bamubumbile uwapwililika. Amg 32:4; Lkm 7:29; Ukt 1:31
Ilyo abembwike ali-iletelele ukukanapwililika e lyo aletelela na bana bakwe. Ro 5:12, 18
Abana balipelelwe; uwalingana na Adamu alekabilwa. Am 49:7; Amg 19:21
Ubumi bwapwililika ubwa kwa Yesu e cilubula. 1Ti 2:5, 6; 1Pe 1:18, 19
9. Icupo
A. Icupo cifwile ukuba ica mucinshi
Capashanishiwa kuli Kristu na nabwinga. Ef 5:22, 23
Icupo tacifwile ukukowela. He 13:4
Abaupana bafundwa ukukanapaatukana. 1Ko 7:10-16
Por·neiʹa e mulandu fye uwa mu Malembo uwa kulekaninapo. Mt 19:9
B. Abena Kristu bafwile ukucindika ifunde lya bumutwe
Apo umulume e mutwe, afwile ukutemwa no kusakamana ulupwa. Ef 5:23-31
Umukashi alanakila, ukutemwa, no kumfwila umulume. 1Pe 3:1-7; Ef 5:22
Abana bafwile ukuba ne cumfwila. Ef 6:1-3; Ko 3:20
C. Ico abafyashi Abena Kristu bafwile ukucitila abana
Bafwile ukubatemwa, ukuba na bo, no kubasakamana. Tt 2:4
Tabalingile ukubakalifya. Ko 3:21
Bafwile ukubapekanishisha ifintu, pamo ne fya kwa Lesa. 2Ko 12:14; 1Ti 5:8
Bafwile ukubasambilisha ifingabafwa lyonse. Ef 6:4; Amp 22:6, 15; 23:13, 14
D. Abena Kristu bafwile fye ukuupana na Bena Kristu banabo
Ukuupana “muli Shikulu” epela. 1Ko 7:39; Amg 7:3, 4; Neh 13:26
E. Baibolo taisuminisha ukuupa impali
Umwaume ali no kulakwata fye umukashi umo. Ukt 2:18, 22-25
Yesu abweseshe ili ifunde ku Bena Kristu. Mt 19:3-9
Abena Kristu ba kubalilapo tabaleupa impali. 1Ko 7:2, 12-16; Ef 5:28-31
10. Ifimpashanya
A. Ukubomfya ifimpashanya ne filubi pa kupepa Lesa kumusaalula
Te kuti tupange icapalana na Lesa. 1Yo 4:12; Es 40:18; 46:5; Imi 17:29
Abena Kristu balisokwa ukutaluka ku fimpashanya. 1Ko 10:14; 1Yo 5:21
Tufwile ukupepela Lesa mu mupashi na mu cine. Yh 4:24
B. Ukupepa ifimpashanya kwaletelele abena Israele
AbaYuda balibaleseshe ukupepa ifimpashanya. Ukf 20:4, 5
Tafyumfwa, tafilanda; abafipanga baba nga fyena. Am 115:4-8
Fyali citeyo kabili fyaipaishe abantu. Am 106:36, 40-42; Ye 22:8, 9
C. Ukufipepako fye panono takwasuminishiwa
Lesa alikeene ukulamupepela pamo ne filubi. Es 42:8
Lesa eka e ‘umfwa amapepo.’ Am 65:1, 2
11. Imfwa
A. Icaleta imfwa
Umuntu bamubumbile uwapwililika, ali no kwikala umuyayaya. Ukt 1:28, 31
Bucintomfwa bwaletele imfwa. Ukt 2:16, 17; 3:17, 19
Ulubembu ne mfwa fyayambukile abana ba kwa Adamu bonse. Ro 5:12
B. Ifyo abafwa baba
Adamu aishileba uwa mweo, tabikilwe mu cimubili. Ukt 2:7; 1Ko 15:45
Umuntu, alafwa. Ek 18:4; Es 53:12; Yb 11:20
Abafwa tabaishiba nangu cimo. Lkm 9:5, 10; Am 146:3, 4
Abafwa balilaala balelolela ukubuuka. Yh 11:11-14, 23-26; Imi 7:60
C. Te kuti tulande na bafwa
Abafwa tabasanguka imipashi no kutendeka ukwikala na Lesa. Am 115:17; Es 38:18
Twalisokwa ukukanaesha ukulanda na bafwa. Es 8:19; Le 19:31
Ing’anga na basobela bakapingulwa. Amg 18:10-12; Ga 5:19-21
12. Imipepele
A. Kwaba fye ukupepa kwa cine kumo
Kwaba isubilo limo, icitetekelo cimo, ulubatisho lumo. Ef 4:5, 13
Bakwata umulimo wa kupanga abasambi. Mt 28:19; Imi 8:12; 14:21
Kwishibikilwa ku fyo kucita. Mt 7:19, 20; Lk 6:43, 44; Yh 15:8
Ababamo balitemwana kabili balomfwana. Yh 13:35; 1Ko 1:10; 1Yo 4:20
B. Ifisambilisho fya bufi fyalibipa
Yesu akalipile abalesambilisha ifya bufi. Mt 23:15, 23, 24; 15:4-9
Acitile ifi pa kuti acingilile abo bapofwishe. Mt 15:14
Icine calibalubwile ukuba abasambi ba kwa Yesu. Yh 8:31, 32
C. Calicindama umuntu ukwalula uko apepa nga asanga ukuti kwa bufi
Icine cilalubula; cilanga ukuti abengi baliluba. Yh 8:31, 32
Abena Israele, na bambi, balekele imipepele yabo iya kale. Yos 24:15; 2Is 5:17
Abena Kristu ba kubalilapo balyalwike. Ga 1:13, 14; Imi 3:17, 19
Paulo alilekele uko alepepa no kwamba ukupepa kumbi. Imi 26:4-6
Icalo conse calibepwa; tufwile ukwalula ifyo tutontonkanya. Uks 12:9; Ro 12:2
D. Ifi batila mwaliba ubusuma mu mipepele yonse tacipilibula ukuti Lesa aliitemwa
Lesa e walanda ifyo tufwile ukucita pa kumupepa. Yh 4:23, 24; Yak 1:27
Nga takucita ukufwaya kwa kwa Lesa ninshi takwawama. Ro 10: 2, 3
Iyo beta ati imilimo isuma kuti baikaana. Mt 7:21-23
Beshibikilwa ku fyo bacita. Mt 7:20
13. Inshiku sha Kulekelesha
A. Bushe “ukupwa kwa calo” kwalola mwi?
Impela ya cino calo. Mt 24:3; 2Pe 3:5-7; Mko 13:4
Te konaulwa kwa calo, lelo ukwa bantu babipa. 1Yo 2:17
Inshita ya mpela itangilila ubonaushi. Mt 24:14
Abalungama bakapusuka; e lyo icalo cipya cikese. 2Pe 2:9; Uks 7:14-17
B. Tulingile ukwishiba ifishibilo fya nshiku sha kulekelesha
Lesa e watupa ifi fishibilo pa kuti filetwafwa. 2Ti 3:1-5; 1Te 5:1-4
Abantu tababikako amano. 2Pe 3:3, 4, 7; Mt 24:39
Lesa tashingashinga, lelo alasoka. 2Pe 3:9
Ubusuma bukafuma mu kuba uwalola no kubikako amano. Lk 21:34-36
14. Inshiku sha Mwikalwe ne sha Kufyalwa
A. Abena Kristu ba kubalilapo tabalesefya inshiku sha kufyalwa na Krisimasi
Abashalepepa Lesa wa cine e balesefya. Ukt 40:20; Mt 14:6
Ubushiku Yesu afwile e bo tufwile ukusefya. Lk 22:19, 20; 1Ko 11:25, 26
Iciwowo ciba pa kusefya tacawama. Ro 13:13; Ga 5:21; 1Pe 4:3
15. Inte sha kwa Yehova
A. Uko Inte sha kwa Yehova shafuma
Yehova alatweba ababa Inte shakwe. Es 43:10-12; Ye 15:16
Inte sha cishinka shatendekele pali Abele. He 11:4, 39; 12:1
Yesu ali ni nte ya cishinka kabili iya cine. Yh 18:37; Uks 1:5; 3:14
16. Ipepo
A. Amapepo ayo Lesa omfwa
Lesa alakutika ku mapepo ya bantu. Am 145:18; 1Pe 3:12
Lesa takutika ku mapepo ya babifi nga tabalwike. Es 1:15-17
Tufwile ukupepela mwi shina lya kwa Yesu. Yh 14:13, 14; 2Ko 1:20
Tufwile ukupepela ifileumfwana no kufwaya kwa kwa Lesa. 1Yo 5:14, 15
Icitetekelo calicindama ilyo tulepepa. Yak 1:6-8
B. Tatufwile ukupepa fye amapepo yamo yene nangu ukupepa kuli Maria nangu ku batakatifu
Tufwile ukupepa kuli Lesa mwi shina lya kwa Yesu. Yh 14:6, 14; 16:23, 24
Takatumfwe nga tulebwekeshapo fye amashiwi yamo yene. Mt 6:7
17. Ipusukilo
A. Ipusukilo lyafuma kuli Lesa mwi lambo lya cilubula ilya kwa Yesu
Ubumi bupe Lesa atupeelela mu mwana wakwe. 1Yo 4:9, 14; Ro 6:23
Ipusukilo lishila fye mwi lambo lya kwa Yesu. Imi 4:12
“Ukulapila pa kufwa” teti kukwate imilimo. Yak 2:14, 26
Tufwile ukubombesha pa kupusuka. Lk 13:23, 24; 1Ti 4:10
B. Amalembo tayasambilisha ukuti nga wapusuka ninshi capwa wapusuka
Abapokelela umupashi wa mushilo kuti bawa. He 6:4, 6; 1Ko 9:27
Abena Israele abengi balibonawile nangu ca kuti balibapuswishe mu Egupti. Yu 5
Ipusukilo talisa fye apo pene. Flp 2:12; 3:12-14; Mt 10:22
Ababwelela ku fya kale balabipa ukucila ifyo bali kale. 2Pe 2:20, 21
C. Baibolo taisambilisha ati abantu bonse bakapusuka
Bamo te kuti balapile. He 6:4-6
Lesa tasekela mu mfwa ya babifi. Ek 33:11; 18:32
Lelo ukutemwa takusuminisha ifyabipa. He 1:9
Ababifi bakonaulwa. He 10:26-29; Uks 20:7-15
18. Isabata
A. Abena Kristu tabafwile ukusunga Isabata
Amafunde yalipwile ilyo Yesu afwile. Ef 2:15
Abena Kristu tabafwile ukusunga isabata. Ko 2:16, 17; Ro 14:5, 10
Balikalipilwe pa kusunga Isabata, na fimbi. Ga 4:9-11; Ro 10:2-4
Kuti twaingila mu kutuusha kwa kwa Lesa pa kuba ne citetekelo ne cumfwila. He 4:9-11
B. Abena Israele ba ku kale e bo baebele fye ukulasunga Isabata
Batendeke ukusunga Isabata ilyo bafumine mu Egupti. Ukf 16:26, 27, 29, 30
Lyali cishibilo caibela ku bena Israele. Ukf. 31:16, 17; Am 147:19, 20
Ifunde lyatile imyaka imo yali masabata. Ukf 20:10, 11; Le 25:3, 4
Ukusunga Isabata takufwaikwa ku Bena Kristu. Ro 14:5, 10; Ga 4:9-11
C. Isabata lya kwa Lesa ilya kutuushamo (Ubushiku bwalenga cinelubali [7] ubwa mu mulungu wa kubumba ifintu)
Lyatendeke pa mpela ya kupanga isonde. Ukt 2:2, 3; He 4:3-5
Lyatwalilile na pa numa ya nshita ya kwa Yesu pe sonde. He 4:6-8; Am 95:7-9, 11
Abena Kristu balatuusha ku milimo ya bukaitemwe. He 4:9-10
Likapwa ilyo Ubufumu bwapwisha umulimo pano isonde. 1Ko 15:24, 28
19. Isonde
A. Ico Lesa apangiile isonde
Paradaise yapangilwe pe sonde pa kuti mwikale abantu abapwililika. Ukt 1:28; 2:8-15
Ukufwaya kwa kwa Lesa kukacitika. Es 55:11; 46:10, 11
Isonde likesulamo abantu bapwililika, aba mutende. Am 72:7; Es 45:18; 9:6, 7
Ubufumu e bukabwesha paradaise. Mt 6:9, 10; Uks 21:3-5
B. Isonde talyakonaulwe nangu ukubulwamo abantu
Isonde likekala umuyayaya. Lkm 1:4; Am 104:5
Abantu e baonawilwe mu nshiku sha kwa Noa, te sonde iyo. 2Pe 3:5-7; Ukt 7:23
Ici cilanga ukuti na ifwe kuti twapusuka lelo. Mt 24:37-39
Ababifi bakonaulwa; “ibumba likalamba” likapusuka. 2Te 1:6-9; Uks 7:9, 14
20. Kabila wa Mbila Nsuma
A. Abena Kristu bonse bafwile ukubila imbila nsuma
Yesu alebila imbila nsuma pali Lesa. Ro 15:8, 9; Mt 20:28
Abena Kristu balamupashanya. 1Pe 2:21; 1Ko 11:1
Tufwile ukubila pa kufishapo umulimo wesu. 2Ti 4:2, 5; 1Ko 9:16
B. Ififwaikwa pa kufikapo
Umupashi wa kwa Lesa no kwishiba Icebo cakwe. 2Ti 2:15; Es 61:1-3
Ukupashanya Kristu ilyo tuleshimikila. 1Pe 2:21; 2Ti 4:2, 5
Lesa alasambilisha ukubomfya umupashi no kuteyanya. Yh 14:26; 2Ko 3:1-3
21. Satana, Ifibanda
A. Satana tamoneka
Te bubi ubwaba mu muntu lelo mupashi. 2Ti 2:26
Satana aba fye cimo cine nga bamalaika. Mt 4:1, 11; Yb 1:6
Ayalwile ukuba Satana pa mulandu wa lunkumbwa. Yak 1:13-15
B. Satana e kateka wa calo uushimoneka
E utungulula icalo kabili e lesa wa ciko. 2Ko 4:4; 1Yo 5:19; Uks 12:9
Alisuminishiwa ukubako mpaka umulandu ukapwe. Ukf 9:16; Yh 12:31
Akakakwa, e lyo pa numa akonaulwe. Uks 20:2, 3, 10
C. Ifibanda ni bamalaika abapondweke
Fyakonkele Satana pa ntanshi ya lyeshi. Ukt 6:1, 2; 1Pe 3:19, 20
Fyalipooswa, fyaba mu mfifi. 2Pe 2:4; Yu 6
Filalwisha Lesa no kucusha abantu. Lk 8:27-29; Uks 16:13, 14
Fikonawilwa pamo na Satana. Mt 25:41; Lk 8:31; Uks 20:2, 3, 10
22. Ububifi, Ubucushi mu Calo
A. Nani alenga ubucushi bwaba pano calo?
Ukuteka kwa babifi e kwalenga ifintu ukubipa. Amp 29:2; 28:28
Kateka wa calo mulwani wa kwa Lesa. 2Ko 4:4; 1Yo 5:19; Yh 12:31
Satana e uleta amacushi, ali ne nshita inono. Uks 12:9, 12
Satana akakakwa, pakakonka umutende. Uks 20:1-3; 21:3, 4
B. Umulandu asuminishisha ububifi
Satana atwishike bucishinka bwa bantu kuli Lesa. Yb 1:11, 12
Aba cishinka balipeelwe inshita ya kushininkisha ukuti ba cishinka. Ro 9:17; Amp 27:11
Satana ashininwa ukuti wa bufi, umulandu ukapwa nomba line. Yh 12:31
Aba cishinka bakalambulwa no kupeelwa umweo wa muyayaya. Ro 2:6, 7; Uks 21:3-5
C. Luse lwalenga ukuti apishepo inshita
Palapita inshita pa kusoka, filya cali mu nshiku sha kwa Noa. Mt 24:14, 37-39
Lesa tashingashinga, lelo wa luse. 2Pe 3:9; Es 30:18
Baibolo ilatwafwa ukuba abalola. Lk 21:36; 1Te 5:4
Fwayeni ifyo Lesa apekanya pa kuti mucingililwe. Es 2:2-4; Sef 2:3
D. Abantu te bakapwisha ubucushi bwaba mu calo
Abantu baba no mwenso, balipeshiwa amano. Lk 21:10, 11; 2Ti 3:1-5
Ubufumu bwa kwa Lesa e bukapwisha amacushi, te bantu iyo. Da 2:44; Mt 6:10
Pa kupusuka, tufwile ukupanga umutende ne Mfumu nomba. Am 2:9, 11, 12
23. Ububumbo
A. Bulomfwana na sayansi ya cine; tabumfwana ne cisambilisho ca kusanguka
Sayansi ilasumina ukuti ifintu fyalibumbilwe. Ukt 1:11, 12, 21, 24, 25
Ifunde lya kwa Lesa ilya kuti kube ifya misango misango lya cine. Ukt 1:11, 12; Yak 3:12
B. Inshiku sha kubumba te sha ma-awala 24
Ishiwi “ubushiku” kuti lyapilibula inshita imo. Ukt 2:4
Kuli Lesa ubushiku bumo kuti bwaba inshita iitali. Am 90:4; 2Pe 3:8
24. Ubufumu
A. Ifyo Ubufumu bwa kwa Lesa bukacitila abantu
Bukalenga ukufwaya kwa kwa Lesa ukucitika. Mt 6:9, 10; Am 45:6; Uks 4:11
Buteko ubwakwata imfumu na mafunde. Es 9:6, 7; 2:3; Am 72:1, 8
Bukafumyapo ububi, bukateka isonde lyonse. Da 2:44; Am 72:8
Ukuteka imyaka 1,000 kuwamya abantu no kubwesha Paradaise. Uks 21:2-4; 20:6
B. Ukuteka kutendeka ninshi abalwani ba kwa Kristu bacilipo
Kristu ali no kulolela inshita iitali pa numa ya kubuushiwa. Am 110:1; He 10:12, 13
Ilyo atendeke ukuteka, alwishishe Satana. Am 110:2; Uks 12:7-9; Lk 10:18
Ilyo Ubufumu bwatendeke ukuteka, pa calo paishileba amacushi. Uks 12:10, 12
Amacushi yaletulanga ukuti ni nshita ya kuba ku Bufumu. Uks 11:15-18
C. Tabwaba mu ‘mitima,’ te bantu bakabuleta
Ubufumu bwaba mu muulu, te pa calo iyo. 2Ti 4:18; 1Ko 15:50; Am 11:4
Tabwaba mu ‘mitima’; Yesu alelanda na baFarise. Lk 17:20, 21
Te bwa pano calo. Yh 18:36; Lk 4:5-8; Da 2:44
Bukafumyapo amabuteko na mafunde ya calo. Da 2:44
25. Ubumi
A. Aba cumfwila balibalaya umweo wa muyayaya
Lesa uushingabepa alilaya umweo. Ti 1:2; Yh 10:27, 28
Abatetekela balibalaya umweo wa muyayaya. Yh 11:25, 26
Imfwa ikonaulwa. 1Ko 15:26; Uks 21:4; 20:14; Es 25:8
B. Abakekala mu muulu ni balya fye ababa mu mubili wa kwa Kristu
Lesa e usala abo atemenwe. Mt 20:23; 1Ko 12:18
Abantu fye 144,000 e basalwa pa calo. Uks 14:1, 4; 7:2-4; 5:9, 10
Nangu fye ni Yohane kabatisha takabe mu bufumu bwa mu muulu. Mt 11:11
C. “Impaanga shimbi” abashingapendwa balibalaya umweo pe sonde
Abanono fye e bakaba na Yesu mu muulu. Uks 14:1, 4; 7:2-4
“Impaanga shimbi” te bamunyina Kristu. Yh 10:16; Mt 25:32, 40
Abengi abakapusuka no kwikala pe sonde balelongana. Uks 7:9, 15-17
Bambi bakabuushiwa ukwikala pe sonde. Uks 20:12; 21:4
26. Ukubila Imbila Nsuma
A. Abena Kristu bonse bafwile ukuba inte, ukulabila imbila nsuma
Bafwile ukulanda pali Yesu ku bantu pa kuti bapokelelwe. Mt 10:32
Bafwile ukuba bakacita wa cebo, ukulanga icitetekelo. Yak 1:22-24; 2:24
Abapya na bo bafwile ukuba bakasambilisha. Mt 28:19, 20
Ukubila ku cintubwingi kulapususha. Ro 10:10
B. Calicindama ukubwelelako, ukutwalilila ukubila
Tufwile ukusoka pa kupwa kwa calo. Mt 24:14
Yeremia abilile ukonaulwa kwa Yerusalemu pa myaka iingi. Yer 25:3
Teti tuleke ukubila, filya Abena Kristu ba kubalilapo bashalekele. Imi 4:18-20; 5:28, 29
C. Tufwile ukubila pa kuti twiba no mulandu wa mulopa
Tufwile ukusoka pa mpela ipaleme. Ek 33:7; Mt 24:14
Umuntu nga afilwa ukubila ninshi aba no mulandu wa mulopa. Ek 33:8, 9; 3:18, 19
Paulo takwete umulandu wa mulopa; alandile icine. Imi 20:26, 27; 1Ko 9:16
Kulapususha uulebila na baleumfwa. 1Ti 4:16; 1Ko 9:22
27. Ukubuuka
A. Isubilo lya bafwa
Bonse ababa mu nshiishi bakabuuka. Yh 5:28, 29
Ukubuuka kwa kwa Yesu e bushininkisho. 1Ko 15:20-22; Imi 17:31
Ababembukila umupashi tabakabuuke. Mt 12:31, 32
Aba citetekelo bena bakabuuka. Yh 11:25
B. Bamo bakabuukila ku muulu e lyo bambi pe sonde
Bonse bafwila muli Adamu; bapeelelwa ubumi muli Yesu. 1Ko 15:20-22; Ro 5:19
Ababuuka babuukila mu mibili yapusana. 1Ko 15:40, 42, 44
Abakaba na Yesu bakaba nga ena. 1Ko 15:49; Flp 3:20, 21
Abatekwa bakaba pe sonde. Uks 20:4b, 5, 13; 21:3, 4
28. Ukubwela kwa kwa Kristu
A. Ilyo akabwela takalemoneka ku bantunse
Aebele abasambi ukuti aba pa calo tabakamumone na kabili. Yh 14:19
Basambi fye bamumwene aleya; e fyo cikaba na pa kubwela. Imi 1:6, 10, 11
Nomba mupashi uushimoneka mu muulu. 1Ti 6:14-16; He 1:3
Akabwela na maka ya kuteka mu muulu. Da 7:13, 14
B. Kwishibikilwa ku ficitika
Abasambi balombele icishibilo ca kubapo kwakwe. Mt 24:3
Caba kwati Abena Kristu balamona ukubapo kwakwe pantu baleluka. Ef 1:18
Ifingi ificitika e fipanga ubushininkisho bwa kubapo kwakwe. Lk 21:10, 11
Abalwani ‘bakamona’ ilyo ubonaushi bwabeshila. Uks 1:7
29. Ukukaanya, Ukucusha
A. Umulandu abantu bakaanisha Abena Kristu
Yesu balimupatile, asobele ukukaanya. Yh 15:18-20; Mt 10:22
Ukukonka ifishinte fyalungama kukashinina icalo. 1Pe 4:1, 4, 12, 13
Satana e lesa wa cino calo, alakaanya Ubufumu. 2Ko 4:4; 1Pe 5:8
Umwina Kristu tatiina, Lesa alamwafwa. Ro 8:38, 39; Yak 4:8
B. Umwanakashi tafwile ukuleka umulume ukumufumya kuli Lesa
Alisokelwa kabela; umulume kuti abepwa. Mt 10:34-38; Imi 28:22
Afwile ukushintilila pali Lesa na Kristu. Yh 6:68; 17:3
Kuti apususha no mulume nga ali uwa cishinka. 1Ko 7:16; 1Pe 3:1-6
Umulume e mutwe nomba tafwile ukupatikisha umukashi ukwa kupepa. 1Ko 11:3; Imi 5:29
C. Umulume tafwile ukuleka umukashi ukumucilikila ukubombela Lesa
Afwile ukutemwa umukashi na bana, ukufwaya ukubapususha. 1Ko 7:16
E wa kupingula no kubapeela ifyo balekabila. 1Ko 11:3; 1Ti 5:8
Lesa alitemwa umuntu uutungilila icine. Yak 1:12; 5:10, 11
Ukunakila pa mulandu fye wa kupanga umutende kulenga Lesa ukukanatutemwa. He 10:38
Afwile ukutungulula ulupwa ku nsansa sha mu calo cipya. Uks 21:3, 4
30. Ukulingilwa Kabela
A. Tabalembela kabela ifikacitikila umuntu
Ukufwaya kwa kwa Lesa kwa cine. Es 55:11; Ukt 1:28
Cila muntu kuti asalapo ukubombela Lesa. Yh 3:16; Flp 2:12
31. Ukupenda Inshita
A. Mu 1914 (C.E.) e lyo Inshita ya Bena fyalo yapwile
Ukuteka kwa mfumu sha mu bufumu bwa kwa Lesa kwalipumfyanishiwe mu 607 B.C.E. Ek 21:25-27
Pali no kupita “inshita cinelubali” (7) pa kuti ubufumu butendeke ukuteka na kabili. Da 4:32, 16, 17
Inshita 7 e kuti 2 × 3 1⁄2 inshita, nelyo 2 × 1,260 inshiku. Uks 12:6, 14; 11:2, 3
Ubushiku bumo ukupilibula umwaka umo. [Myaka 2,520] Ek 4:6; Imp 14:34
Inshita ya bena fyalo yali no kubako mpaka Ubufumu bwatendeka ukuteka. Lk 21:24; Da 7:13, 14
32. Ukupepa Imipashi ya Fikolwe
A. Ukupepa imipashi ya fikolwe takwafwa nangu panono
Ifikolwe fyalifwa, tafyaishiba nangu kamo. Lkm 9:5, 10
Tatufwile ukupepa Adamu na Efa. Ro 5:12, 14; 1Ti 2:14
Lesa alilesha ukupepa imipashi ya fikolwe. Ukf 34:14; Mt 4:10
B. Abantunse kuti twabacindika, lelo Lesa fye e o tufwile ukupepa
Abaice bafwile ukucindika abakalamba. 1Ti 5:1, 2, 17; Ef 6:1-3
Lelo Lesa eka e o tufwile ukupepa. Imi 10:25, 26; Uks 22:8, 9
33. Ukupepa Maria
A. Maria ali ni nyina wa kwa Yesu, te “nyina wa kwa Lesa” iyo
Lesa takwata intendekelo. Am 90:2; 1Ti 1:17
Maria ali ni nyina wa Mwana wa kwa Lesa, ilyo ali pe sonde. Lk 1:35
B. Maria tali nacisungu ubumi bwakwe bonse
Alyupilwe kuli Yosefe. Mt 1:19, 20, 24, 25
Alikwete abana na bambi abakonkele pali Yesu. Mt 13:55, 56; Lk 8:19-21
Pali iyo nshita tabali “bamunyina ba ku mupashi.” Yh 7:3, 5
34. Ukupepela Pamo na Macalici Yambi
A. Lesa tafwaya ukuti tulepepela pamo na macalici yambi
Kwaba fye inshila imo, iinono, banono baisanga. Ef 4:4-6; Mt 7:13, 14
Balitusoka ukuti ifisambilisho fya bufi filakowesha. Mt 16:6, 12; Ga 5:9
Twaebwa ukuti tufwile ukuipaatulako. 2Ti 3:5; 2Ko 6:14-17; Uks 18:4
B. Ukulanda ukuti mwaliba ubusuma mu mipepele yonse bufi
Bamo balipimpa lelo te kulingana no kwishiba Lesa. Ro 10:2, 3
Ububi bulonaula fyonse ifingaba ifisuma. 1Ko 5:6; Mt 7:15-17
Bakasambilisha ba bufi baleta ubonaushi. 2Pe 2:1; Mt 12:30; 15:14
Umuntu uwaba mu kupepa kwa cine afwile ukupepa fye Lesa eka. Amg 6:5, 14, 15
35. Ukupepelela Umuntu pa Kuti Apole no Kulandila mu Ndimi
A. Mu kundapa kwa ku mupashi mwaba ubusuma bwa muyayaya
Ukulwala kwa ku mupashi kulaletelela. Es 1:4-6; 6:10; Ho 4:6
Ukundapa kwa ku mupashi e mulimo ukalamba. Yh 6:63; Lk 4:18
Kulafumyapo ulubembu; kulapeela isubilo no bumi. Yak 5:19, 20; Uks 7:14-17
B. Ubufumu bwa kwa Lesa bukondapa abantu umuyayaya
Yesu aundepe abalwele, abilile pa mapaalo Ubufumu bukaleta. Mt 4:23
Batulaya ukuti Ubufumu e bukatuposha umuyayaya. Mt 6:10; Es 9:7
Imfwa na yo bakaifumyapo. 1Ko 15:25, 26; Uks 21:4; 20:14
C. Takwaba ubushininkisho bwa kuti ukupepelela abalwele muno nshita kulasekesha Lesa
Abasambi tabacitile icipesha amano no kuyundapa. 2Ko 12:7-9; 1Ti 5:23
Ifya bupe fya kucita ifipesha amano fyapwile ilyo abatumwa bafwile. 1Ko 13:8-11
Ukundapa te bushininkisho bwa kuti tulesekesha Lesa. Mt 7:22, 23; 2Te 2:9-11
D. Ukulandila mu ndimi kwali kwa pa nshita fye inono
Kwali cishibilo; tufwile ukufwaya ifya bupe fyacilapo. 1Ko 14:22; 12:30, 31
Balisobele ukuti ifya bupe fya mupashi fyali no kupwa. 1Ko 13:8-10
Ukucita ifipesha amano te bushininkisho bwa kuti tulesekesha Lesa. Mt 7:22, 23; 24:24
36. Ulubatisho
A. Umwina Kristu onse afwile ukubatishiwa
Yesu atulangile ica kucita. Mt 3:13-15; He 10:7
Kulanga ukuti umuntu aikaana nangu aipeela. Mt 16:24; 1Pe 3:21
Lwa bafikile fye pa mushinku wa kusambilila. Mt 28:19, 20; Imi 2:41
Ukwibishiwa mu menshi e lubatisho lwalinga. Imi 8:38, 39; Yh 3:23
B. Talusenda imembu
Yesu tabatishiwe pa kuti bamwelele imembu. 1Pe 2:22; 3:18
Umulopa wa kwa Yesu e usenda imembu. 1Yo 1:7
37. Ulubembu
A. Ulubembu cinshi?
Kukanaumfwila amafunde ya kwa Lesa, ifipimo fyakwe ifyapwililika. 1Yo 3:4; 5:17
Umuntu, uwabumbwa na Lesa, akalubulula kuli ena. Ro 14:12; 2:12-15
Amafunde yalondolwele ulubembu, yalengele abantu ukulwishiba. Ga 3:19; Ro 3:20
Bonse babembu, tabafika pa cipimo capwililika ica kwa Lesa. Ro 3:23; Am 51:5
B. Umulandu bonse baculila ku lubembu lwa kwa Adamu
Adamu apishishe ulubembu ne mfwa kuli bonse. Ro 5:12, 18
Lesa ali no luse pa kutekanishisha abantunse. Am 103:8, 10, 14, 17
Ilambo lya kwa Yesu lilafuuta imembu. 1Yo 2:2
Ulubembu ne milimo imbi yonse iya kwa Satana bakafifumyapo. 1Yo 3:8
C. Icisabo cabindwa kubulwa icumfwila, te bulalelale iyo
Ifunde lya kulesha ukulya ku cimuti lyapeelwe ilyo Efa talabumbwa. Ukt 2:17, 18
Adamu na Efa babebele ukukwata abana. Ukt 1:28
Abana tabaliko pa mulandu wa lubembu, lelo pa mulandu wa kupaalwa na Lesa. Am 127:3-5
Efa abembwike ninshi Adamu talipo; taipwishe. Ukt 3:6; 1Ti 2:11-14
Adamu, uwali umutwe, akeene ukumfwila ifunde lya kwa Lesa. Ro 5:12, 19
D. Umwalola ukubembukila umupashi (Mt 12:32; Mko 3:28, 29)
Te lubembu ulo twapyana. Ro 5:8, 12, 18; 1Yo 5:17
Umuntu kuti alenga umupashi ubulanda no kubombelapo. Ef 4:30; Yak 5:19, 20
Ukulabembuka lyonse ku mufulo kutwala ku mfwa. 1Yo 3:6-9
Lesa alapingula abacita ifi, alafumyapo umupashi wakwe. He 6:4-8
Tatufwile ukupepela aba musango uyu abashilapila. 1Yo 5:16, 17
38. Umulopa
A. Ukubika umulopa mu muntu kutoba ifunde ilitila umulopa wa mushilo
Noa bamwebele ukuti umulopa wa mushilo, e bumi. Ukt 9:4, 16
Icipangano ca mafunde calileseshe ukulya umulopa. Le 17:14; 7:26, 27
Abena Kristu na bo balibaleseshe. Imi 15:28, 29; 21:25
B. Ukufwaya ukupususha umuntu takupeela insambu sha kukanaumfwila ifunde lya kwa Lesa
Icumfwila caliwama ukucila ilambo. 1Sa 15:22; Mko 12:33
Ukucindamika ubumi ukucila amafunde ya kwa Lesa kulaletelela. Mko 8:35, 36
39. Umupashi, Ukupupa Imipashi
A. Umupashi wa mushilo cinshi?
Maka ayo Lesa abomfya, te muntu iyo. Imi 2:2, 3, 33; Yh 14:17
Wabomfiwe mu kubumba, walyafwile pa kulemba Baibolo, na fimbi. Ukt 1:2; Ek 11:5
Ulafyala no kusuba ababa mu mubili wa kwa Kristu. Yh 3:5-8; 2Ko 1:21, 22
Ulakosha abantu ba kwa Lesa lelo no kubatungulula. Ga 5:16, 18
B. Amaka ya bumi na yo yetwa ati umupashi
Umuntu pa kuti abe uwa mweo kano alepeema. Yak 2:26; Yb 27:3
Lesa e wakwata amaka pa maka ya bumi. Sek 12:1; Lkm 8:8
Amaka ya bumi aya bantu ne nama yafuma kuli Lesa. Lkm 3:19-21
Umupashi uya kuli Lesa ukusuubila ukuti umuntu akabuuka. Lk 23:46
C. Tufwile ukutaluka ku kupupa imipashi pantu mulimo wa fiwa
Icebo ca kwa Lesa calilesha. Es 8:19, 20; Le 19:31; 20:6, 27
Ukusobela kupupa imipashi, balilesha. Imi 16:16-18
Kutwala ku bonaushi. Ga 5:19-21; Uks 21:8; 22:15
Ukupendula intanda balilesha. Amg 18:10-12; Ye 10:2
40. Umusalaba
A. Filya Yesu bamupopele pa cimuti wali museebanya
Yesu bamupopele pa mulando nelyo pa cimuti. Imi 5:30; 10:39; Ga 3:13
Abena Kristu bafwile ukusenda icimuti ca museebanya. Mt 10:38; Lk 9:23
B. Tatufwile ukupepa umusalaba
Ukukobeka icimuti Yesu afwililepo museebanya. He 6:6; Mt 27:41, 42
Ukubomfya umusalaba pa kupepa, kupepa utulubi. Ukf 20:4, 5; Ye 10:3-5
Yesu mupashi, taikalilila pa cimuti iyo. 1Ti 3:16; 1Pe 3:18
41. Umuulu
A. Bantu fye 144,000 e baya ku muulu
Banono fye; bakaba imfumu na Kristu. Uks 5:9, 10; 20:4
Yesu e wabalilepo; bambi balisalilwe pa numa. Ko 1:18; 1Pe 2:21
Bambi abengi bakekala pano calo. Am 72:8; Uks 21:3, 4
Aba ba 144,000 balikwata icifulo caibela ico bambi bashakwata. Uks 14:1, 3; 7:4, 9
42. Yehova, Lesa
A. Ishina lya kwa Lesa
“Lesa” te shina; Shikulwifwe alikwata ishina. 1Ko 8:5, 6
Tulapepa ukuti ishina lyakwe libe ilya mushilo. Mt 6:9, 10
Yehova e shina lya kwa Lesa. Am 83:18; Ukf 6:2, 3; 3:15; Es 42:8
E mo lyaba muli KJ. Ukf 6:3; (Dy utulembo twa pe samba). Am 83:18; Es 12:2; 26:4
Yesu alengele ili ishina ukwishibikwa. Yh 17:6, 26; 5:43; 12:12, 13, 28
B. Lesa e ko aba
Umuntu teti amone Lesa no kuba uwa mweo. Ukf 33:20; Yh 1:18; 1Yo 4:12
Tatufwile ukumona Lesa pa kuti tusumine. He 11:1; Ro 8:24, 25; 10:17
Lesa eshibikilwa ku fintu acita ifyo tumona. Ro 1:20; Am 19:1, 2
Ukufikilishiwa kwa kusesema kulashinina ukuti Lesa e ko aba. Es 46:8-11
C. Imibele ya kwa Lesa
Lesa kutemwa. 1Yo 4:8, 16; Ukf 34:6; 2Ko 13:11; Mk 7:18
Wa mano sana. Yb 12:13; Ro 11:33; 2Ko 2:7
Wa mulinganya, tafyenga bantu. Amg 32:4; Am 37:28
Wa maka yonse. Yb 37:23; Uks 7:12; 4:11
D. Te bonse ababombela Lesa umo wine
Inshila ishimoneka ishisuma te lyonse shalungama. Amp 16:25; Mt 7:21
Kwaba inshila shibili, imo fye e itwala ku bumi. Mt 7:13, 14; Amg 30:19
Kwaba tulesa utwingi lelo Lesa wa cine aba fye umo. 1Ko 8:5, 6, Am 82:1
Umuntu afwile ukwishiba Lesa wa cine pa kuti apusuke. Yh 17:3; 1Yo 5:20
43. Yesu
A. Yesu Mwana wa kwa Lesa kabili Lesa alimusonta ukuba Imfumu
Libeli lya kwa Lesa, balimubomfeshe mu kupanga ifintu fyonse fimbi. Uks 3:14; Ko 1:15-17
Aishilefyalwa ku mwanakashi no kucepako pali bamalaika. Ga 4:4; He 2:9
Afyelwe ku mupashi wa kwa Lesa, ne subilo lya kuya ku muulu. Mt 3:16, 17
Alisansabikwa ukucila filya ali ilyo ashilaba umuntunse. Flp 2:9, 10
B. Ukusumina muli Yesu Kristu kwalicindama pa kupusuka
Kristu e mwana bulayo uwa kwa Abrahamu. Ukt 22:18; Ga 3:16
Yesu fye e Shimapepo Mukalamba, kabili e cilubula. 1Yo 2:1, 2; He 7:25, 26; Mt 20:28
Kuti twaba no bumi nga twaishiba Lesa na Kristu no kulabomfwila. Yh 17:3; Imi 4:12
C. Tatufwile fye ukusumina Yesu capwa no kupwa
Ukusumina kufwile kwaba ne milimo. Yak 2:17-26; 1:22-25
Tufwile ukumfwa amafunde yakwe, ukubomba umulimo alebomba. Yh 14:12, 15; 1Yo 2:3
Te bonse ababomfya ishina lya kwa Shikulu abakengila mu Bufumu. Mt 7:21-23