Ukulongana kwa Mulimo Ukwa December
Umulungu wa Kutampa December 5
Ulwimbo 82
12 min: Ukubilisha kwa pa mwenu no Ukubilisha kwalinga ukufuma mu Ubutumikishi Bwesu Ubwa Bufumu. Langilileniko icipande cimo nelyo fibili ifya kucebusha ifingalangishiwa lintu muletambika bamagazini ba nomba line. Kwateni kasabankanya wafikapo alangilile imipeelele, ukubomfya cimo ica fipande.
15 min: “Icipasho ca Kukonka mu Kupalamisha.” Ifipusho ne fyasuko.
18 min: “Laalika Bambi Ukukonka Umuntu Wakulisha.” Lanshanyeni ne bumba lyonse. Tantikeni ifilangililo ifipi fibili. Ebekesheni ukukabila kwa kusunga ifyalembwa fya ku ŋanda ne ŋanda ifyalungikwa; mu kwipifya pitulukeni mu fyebo ifilingile ukulembwa.
Ulwimbo 41 ne pepo lya kusondwelela.
Umulungu wa Kutampa December 12
Ulwimbo 45
13 min: Ukubilisha kwa pa mwenu na Ilyashi lya Teokratiki. Lipoti wa ndalama, ukusanshako ukutasha kwa misangulo ukuli konse. Peeleni imitubululo imo pa fya kwankula ku kuposha kwa pa maholide ya ku calo.—Moneni Ubutumikishi Bwesu Ubwa Bufumu, December 1990, ibula 6.
14 min: “Peela Ukusakamana kwa Lyonse ku Kusambilisha Kobe.” Ilyashi kuli kangalila we sukulu. Pitulukeni mu makambisho ayaleendela pamo no “Ukutantika kwe Sukulu lya Butumikishi bwa Teokratiki Ukwa 1995,” ukulondolola ifya kucinkulako ifili fyonse maka maka ifilekabilwa ku cilonganino.
18 min: “Langisha Ukuti Ulatesekesha Iŋanda ya kwa Lesa.” Ifipusho ne fyasuko. Landeni mu kulundapo pa lwa kukabila kwa kufika mu nshita pa kulongana.—Moneni Ulupungu lwa kwa Kalinda ulwa June 15, 1990, amabula 26-9.
Ulwimbo 19 ne pepo lya kusondwelela.
Umulungu wa Kutampa December 19
Ulwimbo 11
10 min: Ukubilisha kwa pa mwenu. Pitulukeni mu kutantika kwa pa mwenu ukwa mulimo wa mwi bala mu ciputulwa ca nshita ica maholide. Tubululeni inshila sha kupeelelamo bamagazini ba nomba line mu cifulo ca cikaya.
20 min: “Angweni ku Cebo ca Kusesema.” Ica mu kati. Ifipusho ne fyasuko pa maparagrafu 1-8, ukubombwapo na eluda. Lanshanyeni ukubomfiwa kwa malembo yaloshiweko.
15 min: “Bacincishe Ukusanguka Abakonshi Bakwe.” Lanshanyeni ne bumba lyonse. Kwateni ifilangililo ifipi fibili. Tubulula ukuti bonse balebomfyako inshita imo iya mulimo wa mwi bala umulungu umo na umo ku kucite fipempu fya kubwelelamo.
Ulwimbo 18 ne pepo lya kusondwelela.
Umulungu wa Kutampa December 26
Ulwimbo 30
5 min: Ukubilisha kwa pa mwenu. Lanshanyeni “Bushe Inshita Shenu Isha Kulongana Shikaaluka?” nga nacikuma ku cilonganino cenu.
20 min: “Angweni ku Cebo ca Kusesema.” Ica mu kati. Ifipusho ne fyasuko pa maparagrafu 9-13, ukubombwapo na eluda. Ebekesheni ubucindami bwa kupekanishisha, ukusangwako lyonse, no kwakanamo mwi Sambililo lya Citabo pa Cilonganino. Langisheni ukutesekesha ku makambisho ya ku mupashi, ayacindamisha ku kutungululwa kwesu muli shino nshiku sha kulekelesha.
10 min: Ukukabila kwa pa mwenu. Nelyo peeleni ilyashi pa cipande “Bushe Uleafwa Umwana Obe Ukusala Yehova?” mu Ulupungu lwa kwa Kalinda ulwa October 1, 1994, amabula 26-30.
10 min: Ipekanyeni ku ca kutambika ca mu January. Ifitabo ifili fyonse ifya mabula 192 ifyo icilonganino cingakwata mu stoko pali K50.00 nga fintu cilangililwe mu Ukubilisha kuti pambi fyabomfiwa. Nga ca kuti icilonganino tacikwete nangu fimo mu stoko, icitabo Ukusapika Lesa Ukwa Mutundu wa Muntu kuti pambi catambikwa. Nga ca kuti ici citabo cikabomfiwa mu cifulo cenu, tantikeni imipeelele iingabomfiwa lintu muletambika ulo lupapulo pa mwinshi. Nga ca kuti icitabo cimbi e cikatambikwa, pekanyeniko imipeelele imo nelyo ibili iyalinga kuli cene. Imfundo sha mipeelele kuti shasangwa mu citabo ca Ukupelulula, amabula 9-15. Kwateni kasabankanya wafikapo alangilile imipeelele.
Ulwimbo 13 ne pepo lya kusondwelela.