Ukulundulula Ubuseko pa Fipempu fya Kubwelelamo
1 Mu kulingisha ubutumikishi bwalipashanishiwa ku bulimi, kabili ukucite fipempu fya kubwelelamo kwalinganishiwa ku kulima no kutapilila. (Mat. 13:23; Luka 10:2; 2 Kor. 9:10) Pamo nga ‘bakabomba banankwe aba kwa Lesa,’ twalikwata ukukakililwako ku kwaafwa ulubuto ululi lonse ululelimbuka ku kukula ukufika ku kukosoka no kukwata ifisabo. (1 Kor. 3:6, 9) Ni shani fintu twingapwishishisha ici mu nshila yacilishapo kuwama?
2 Ba uwayangufyanya ukucita ifipempu fya kubwelelamo pali bonse abalangisha ubuseko. Pituluka mu fyalembwa fyobe ifya ku ŋanda ne ŋanda, kabili pingulapo aba kutandalila ne fya kulanshanya. Mu cinkumbawile umutwe obe uwa kulanshanyapo ukapiminwa ku calandilwepo pa kutandala kwa kubalilapo. Ba uwakondenkana, ukusunga mu muntontonkanya amatontonkanyo yambi aya mu Malembo ayo yengaletwako. Lyonse caliba icisuma ukubomfya Baibolo, ukwishiba amaka ya iko aya kufika pa mutima.—Heb. 4:12.
3 Nga ca kuti washalike broshuwa wa “Bushe Lesa mu Cituntulu Alatusakamana?,” kuti pambi watendeka pa kusosa icapale fi:
◼ “Abantu bafumaluka abengi basumino kuti Lesa ali no konaula isonde, ilintu bambi balatiina ukuti umuntu e ukacite co umwine. Cinshi muletontonkanya? [Suminisha ukwankulako.] Baibolo itwebo kuti mu cifulo ca konaula isonde, Lesa akasangulula lyene ukufumyapo bupulumushi, ukulenga lyene ukuba icifulo ca mutende no mutelelwe.” Alwila ukusakamana kwi bula 22, kabili belenga Amapinda 2:21, 22, ayaambulwa palya. Nga ca kuti ubuseko bwalangwa, londolola imitantikile ye sambililo lya Baibolo ilya mu ŋanda nelyo tambika bamagazini ba nomba line, kabili panganeni inshita ya kubwelelako no kulanshanya ifyafulilako pa lwa calo cipya ica kwa Lesa icalaiwa.
4 Nga ca kuti washalike broshuwa wa “Moneni!,” kuti pambi watila:
◼ “Pa kutandala kwandi ukwafumineko, twabelengele muli Baibolo pa lwa bulayo bwa kwa Lesa ubwa kulenga isonde paradise, ukupala uno alangililwa pa nkupo ya broshuwa namushilile. Kuti twaipakisha ili paalo pa kusambilila ifyafulilako pa lwa kufwaya kwa kwa Lesa na fintu kutwambukila.” Belenga Yohane 17:3, kabili lyene alukila ku maparagrafu 52 na 53 pe bula 27. Mu kwipifya lanshanyeni umulandu kubeleleko ukukabila kwa kukwata ukwishiba kwalungikwa ukwa Cebo ca kwa Lesa.
5 Lintu ulebwelela kuntu washalike broshuwa wa “Imifwaile ya Bumi” ku muntu uwakongamina ku butotelo, kuti pambi wasanga cene icalinga ukusoso kuti:
◼ “Mu kupalishako nga nshi mwalibwekeshabwekeshapo ipepo lya kwa Shikulu imiku iingi. Cinshi mutontonkanya lintu mulomba Ubufumu bwa kwa Lesa ukwisa?” Ukukonka pa kwankulako kwa kwa mwine ŋanda, losha ku maparagrafu 8 na 9 pe bula 26, kabili lyene belenga Daniele 2:44. Nakalimo kuti watwalilila ukulanshanya pa kulondolola ukuti ukwisa kwa Bufumu bwa kwa Lesa kukapilibula impela ku bubifi no kucula. Londolola ukuti nga ca kuti tuli abalungama mu menso ya kwa Lesa, kuti twaipakisha ubumi bwa muyayaya muli Paradise pali lino isonde.
6 Ibukisha ukuti icipempu ca kubwelelamo kuti cacitwa pa uli onse uwali uwaitemenwa ukukutika, nampo nga icitabo calishalikwe nelyo iyo. Esha ukupatulako inshita imo cila mulungu ku kucita ifipempu fya kubwelelamo. Yehova akapaala ukubombesha kobe ukwa mukoosha ku kulundulula ubuseko ubo usanga. Shi nabutwale ifisabo kwi lumbo lyakwe.—Yoh. 15:8.