“Nga Mwapokako Ifitabo Fyandi E lyo Nalapokako Ifyenu”

Abantu bamo nga tulefwaya ukubapeela impapulo shesu batemwa ukwasuka ati: “Nga mwapoka ifitabo fyandi e lyo nalapokako ifyenu.” Nomba apo tatupoka impapulo ishisabankanya ifisambilisho fya bufi, kuti twabasuka shani ukwabula ukubakalifya? (Rom. 1:25) Kuti twatila: “Natasha mukwai. Lelo kuti natemwa ukumwipushako, bushe ifi fitabo mukwete, fitila cinshi cikapwisha amafya abantu bakwata? [Lekeni basuke. Nga batila mwalayaibelengela mwe bene, kuti mwabeba ati, ine pa kumupeela impapulo nacilondolola ifilimo. Lyene belengeni nelyo ukulanda fye ku mutwe amashiwi yaba pali Mateo 6:9, 10.] Yesu atile Ubufumu bwa kwa Lesa bukalenga ukufwaya kwa kwa Lesa ukucitwa pe sonde. Uyu e mulandu mbelengela fye ifitabo ifilanda pa Bufumu bwa kwa Lesa. Bushe kuti namubelengelako mu Baibolo fimo fimo ifyo Ubufumu bwa kwa Lesa bukacita?”