Miting Blong Kingdom Wok Blong Septemba
Wik We i Stat Long Septemba 7
Singsing 97
15 menet: Lokol mesej mo sam Advaes we yumi save makem olgeta long Kingdom Wok Blong Yumi. Toktok long haf ya “?Yumi Save Mekem Intres Blong Man We i Kolkol Finis i Kam Antap Bakegen?” mo mekem wan sot pleplei we i soemaot olsem wanem yumi save mekem wan visit olsem.
15 menet: “Presem God We i Wokem Olgeta Samting.” Kwestin mo ansa. Mekem plan i rere fastaem blong sam yangfala we oli gat gud fasin, blong talem sam ekspiryens long sam buk we haf 4 i tokbaot, mo wan narafala pablisa i save talem ekspiryens we haf 5 i tokbaot.
15 menet: “Storeyan We i Wekemap Intres.” Toktok wetem ol man we oli lesin olsem wanem blong mekem tok ya i wok long teritori blong yufala. Mekemrere tu no tri pleplei we oli soemaot olsem wanem samting ya i wok.
Singsing 197 mo laswan prea.
Wik We i Stat Long Septemba 14
Singsing 79
10 menet: Lokol mesej. Ripot blong ol kaon mo talem tangkyu long presen we oli givim blong sapotem wok blong prij. Talem tangkyu long kongregesen from gudfala tingting we oli gat blong sapotem ol lokol nid mo wok blong Sosaeti long wol. Sipos i gat inaf taem, singaot sam brata sista blong talem sam ekspiryens we oli mekem rere finis long fasin blong seremaot Creation buk.
20 menet: “?Yu Wan Nomo Long Famle Blong Yu We Yu Stap Long Trutok?” Tok wetem kwestin mo ansa. Soemaot wanem gudfala samting ol pablisa olsem oli stap mekem mo olsem wanem oli winim ol trabol we oli fesem long laef olsem. Soemaot olsem wanem ol narafala oli save givhan long olgeta mo from wanem yumi glad long gudfala eksampel blong olgeta. Talemaot se yumi evriwan yumi mas save hu i stap long wan fasin blong laef olsem mo luk olsem wanem yumi wanwan i save givhan long olgeta mo leftemap tingting blong olgeta.
15 menet: “Yu Mas Sua Blong Gobak Bakegen.” Tok wetem kwestin mo ansa. Mekem wan gud pleplei we i laenap wetem ol poen long haf 6. Talemaot nid blong mekem visit bakegen long ol man we oli intres, we yumi toktok wetem olgeta long stat blong manis.
Singsing 10 mo laswan prea.
Wik We i Stat Long Septemba 21
Singsing 85
10 menet: Lokol mesej. Tokbaot wan ekspiryens long saed long wok blong prij no talem sam poen we yumi save yusum long wok blong prij long wik ya.
20 menet: Lokol nid.
15 menet: Lukluk Bakegen Long Wok Blong Kongregesen. Yusum ol namba we oli stap faswan long Ripot Blong Kongregesen (S-10) we oli sanem finis long Sosaeti long stat blong manis, presiden elda mo elda we i lukaot long wok blong prij oli save storeyan long wok blong kongregesen long laswan yia we i pas finis. Wetem kaen fasin, talem tangkyu long ol pablisa mo paenia long ol hadwok we oli stap mekem long wok blong prij mo fasin blong olgeta blong kam oltaem long ol miting. Talemaot klia sam samting we oli bin mekem long nambawan fasin. Yu save skelem wok blong olgeta wetem wok we oli mekem long las yia we i pas, sipos ol ripot oli stap yet long ol fael. Mo tu poenemaot sam samting we yumi save wok moa long hem long sevis yia 1993.
Singsing 43 mo laswan prea.
Wik We i Stat Long Septemba 28
Singsing 106
15 menet: Lokol mesej. Tiokratik Nyus. Talemaot wanem magasin we oli rere blong yusum long wok blong prij, mo tokbaot wan no tu poen we oli stret long ples blong yufala. Mekem wan pleplei we i soemaot olsem wanem oli save seremaot magasin taem oli yusum Baebol, olsem wan haf we i stap long laswan pej blong Kingdom Wok ya.
15 menet: “Baptaes” (Baptism) Reasoning buk, pages 54-58. (F. 47-50) Tokbaot “Mining” (Definition) blong tok ya ‘baptaes.’ Soem olsem wanem wan elda i save toktok wetem wan we i gat tingting blong no baptaes kwiktaem. Tokbaot ol bigfala poen long pej 54 (F. 47). Tokbaot from wanem i impoten blong givim laef blong hem long God mo soemaot samting ya taem hem i baptaes long wora. Blong finisim tok ya, wan we i mekem tok i save tokbaot sam poen long saed blong baptaes wetem tabu speret, baptaes long ded, mo baptaes wetem faea.
15 menet: Yusum Ol Defren Magasin Long Oktoba. Wan smol tok we i soem from wanem Wekap! mo Wajtaoa oli impoten. Ol pablisa oli mas ridimgud ol nyufala magasin kwiktaem, blong afta oli save glad blong tokbaot olgeta long ol narafala. Yu mas suagud se wan man i intres tru bifo yu askem sabskripsen long hem. Soem olsem wanem ol pablisa oli save seremaot magasin mo mekem plan blong gobak wetem nekisfala magasin, blong statem rod blong magasin.
Singsing 48 mo laswan prea.