Ol Miting Blong Kingdom Wok

MAKEMGUD: Stat wetem Kingdom Wok Blong Yumi blong manis ya, bambae yufala i luk se i gat wan haf blong program blong Miting Blong Kingdom Wok blong nekis manis i stap wetem program blong manis ya. Bambae yumi folem niufala rod ya from we yumi jenisim ol plan we yumi stap folem fastaem blong sanem buk, mekem se, long ol taem we oli kam, maet ol Kingdom Wok Blong Yumi oli save kam let lelebet.

Wik We i Stat Long Desemba 6

Singsing 207

10 menet: Lokol mesej. Sam Advaes long Kingdom Wok Blong Yumi.

15 menet: “Folem Fasin Blong Jeova Blong Mekem i Sem Mak.” Fastok i no mas bitim wan menet, nao mekem wan tok wetem kwestin mo ansa. Tokbaot mining blong fasin ya blong mekem i sem mak nomo long olgeta man. Talem olsem wanem Jeova i soemaot fasin ya, mo olsem wanem yumi save soemaot fasin ya long wok blong prij.​—Lukluk Insight, Buk 1, pej 1192, paragraf 4-7.

20 menet: “!Yumi Harem samting Ya Finis!” Wan tok mo storeyan wetem ol man we oli lesin. Askem olgeta we oli lesin, blong talem olsem wanem fasin blong talem samting bakegen mo bakegen, i bin halpem olgeta blong kasem save mo laekem moa trutok.​—Lukluk Wajtaoa, Julae 15, 1995, pej 21-22, mo Ogis 15, 1993, pej 13-​14, paragraf 10-​12.

Singsing 218 mo laswan prea.

Wik We i Stat Long Desemba 13

Singsing 168

10 menet: Lokol mesej. Ripot blong ol kaon. Tokbaot sam gudfala rod blong ansa long man taem oli talem ol tok olsem ‘Meri Krismas’ no ‘Hapi Niu Yia.’ Sipos kongregesen i gat sam long ol buk ya Man We i Hae Moa i stap, i gud blong soem olsem wanem ol brata sista oli save yusum buk ya taem oli mekem wok blong prij long taem blong Krismas.

15 menet: “Tiokratik Skul Blong Yia 2000.” Brata we i lukaot long Tiokratik Skul bambae i mekem tok ya. Tokbaot sam long ol jenis we oli stap long program blong niufala yia. Tok No. 3 bambae i stanap long “Bible Topics for Discussion” we yumi save faenem long New World Translation. Tok No. 4 bambae i gohed blong tokbaot ol defren man long Baebol, we i stanap long Insight on the Scriptures. Be, long ol laswan trifala manis blong yia, bambae Tok No. 4 i stanap long “Bible Topics for Discussion.” Taem i gat saen ya (#) klosap long wan tok, hemia i min se maet i moagud sipos wan brata i mekem tok ya. Leftemap tingting blong evriwan blong oli no mestem program blong ridim Baebol evri wik, mo blong traehad oltaem blong rerem ol tok we oli kasem long skul.

20 menet: “?Yu Talem Wanem Long Man We i No Bilif Long God?” Kwestin mo ansa. Tokbaot ol defren risen we oli mekem se plante man oli lusum bilif we oli gat long God. Talem sam rod we maet yumi save folem blong toktok long ol man olsem blong halpem olgeta blong luksave se i stret blong bilif long God. Mekem wan no tu sotfala pleplei. Blong save moa long saed ya, lukluk Reasoning buk, pej 145-​151, mo Mankind’s Search for God, japta 14.

Singsing 220 mo laswan prea.

Wik We i Stat Long Desemba 20

Singsing 219

10 menet: Lokol mesej. Askem sam pablisa blong talemaot sam sotfala stori we i mekem olgeta oli glad long wok blong prij we oli mekem i no longtaem.

15 menet: Givim Ansa Long Man We Oli Traem Blokem Toktok Blong Yumi. Storeyan wetem ol man mo mekem sam pleplei. Ridim haf aninit long tok ya “Comments” long pej 15-​16 long Reasoning buk. Jusum tu no tri tok long pej 16-20, we man i stap yusum blong blokem tok blong yumi, no talem sam narafala tok we plante taem ol man long teritori blong yufala oli yusum blong blokem yufala. Tokbaot sam gudfala rod blong givim ansa, olsem we i stap long buk, mo skelem from wanem maet ol ansa ya oli save wok long ples blong yufala. Soem kwiktaem olsem wanem blong yusum ol toktok ya. Askem olgeta we oli lesin blong talem sam ansa we maet oli bin yusum finis mo we i karem gudfala frut.

20 menet: ?I Stret Blong Mekem Wok We i Joen Wetem Wan Jos? Tok we wan elda i givim folem wanem we i stap long Wajtaoa blong Epril 15, 1999, pej 28-​30. Samfala we oli bin joen long olkaen wok olsem, oli bin luksave biaen se wok ya i no laenap wetem ol rul blong Baebol. Tokbaot ol kwestin we i gud blong tingbaot taem yumi mekem disisen blong joen long wan wok we maet i meks smol wetem wan jos. Leftemap tingting blong evriwan blong folem wan rod we oli sua oltaem se hem i stret long ae blong Jeova.​—2 Kor. 6:​3, 4, 14-​18.

Singsing 109 mo laswan prea.

Wik We i Stat Long Desemba 27

Singsing 166

10 menet: Lokol mesej. Sipos kongregesen blong yu bambae i jenisim Taem blong ol miting long niufala yia, leftemap tingting blong evriwan blong sapotem ol niufala taem ya mo no kam slak blong go long olgeta miting. Sipos i gat jenis, talemaot ol jenis ya long ol Baebol studen mo man we oli intres. I gud tu blong stat seremaot ol smol pepa we oli talem niufala taem blong ol miting. Talem bakegen long evriwan se oli no mas fogetem ripot blong wok blong prij we oli mekem long manis Desemba.

15 menet: Lokol nid.

20 menet: Seremaot Buk Ya Man We i Hae Moa Long Ol Narafala Man Long Manis Janewari. Wan tok wetem ol pleplei. Leftemap tingting blong ol pablisa blong tekem buk ya blong seremaot long wok blong prij. Talem from wanem buk ya i save givhan gud blong pulum intres blong man i go long Baebol. Tokbaot sam bigfala poen mo pija we yumi save yusum blong statem storeyan wetem ol man. Mekem wan no tu pleplei. Taem yumi faenem man we i intres, yumi save yusum buklet ya Wanem blong statem ol Baebol stadi.

Singsing 224 mo laswan prea.

Wik We i Stat Long Janewari 3

MAKEMGUD: Long wik we i stat long Janewari 3, kongregesen i no mas jenis dei blong Sevis Miting, bifo we seket elda i kam.

Singsing 10

8 menet: Lokol mesej.

17 menet: Yu Mas Save Rod Blong Givim Ansa. (Kol. 4:6) Wan tok mo storeyan wetem ol man we oli lesin. Buk ya Reasoning hem i wan nambawan tul we yumi save yusum blong stat serem ol trutok blong Baebol wetem narafala. Taem wan man long haos i talem wan tok agensem bilif blong yumi, maet i gud blong yusum haf ya “If Someone Says​—” we i stap long en blong ol wanwan japta insaed long buk ya. Tokbaot sam long ol ansa long pej 64-68, we yumi save yusum taem man i talem sam tok long saed blong Baebol, mo talem from wanem sam long ol ansa ya oli save wokgud.

20 menet: “?From Wanem Yu Mas Holem Promes Blong Yu?” Tok we wan elda i givim, we i stanap long Wajtaoa blong Septemba 15, 1999, pej 8-11.

Singsing 56 mo laswan prea.