ṘŪÖHLÖ HEUNEŪ-EN RE IM LA-EN INHĀNGA | ṘĀMÖLŌN IM LA-EN INHĀNGA
Hōḵ Yěm Hayöökaṙen Tö Holre
Hayööken hī ang Yāvē lökten ò nö kē-ěkūö hī tö më holmaneuk hī tö keuheūtngöre chūök ing panam. (1Pī 5:9) Yēḵ hī kihngen öi ahangköm tölöök inhānga mihôiṅ min cha-a nö hayööken hī. Ngatī inlahen ök Pôl misī nö yöölen tö tī nā Akula nā Prisilā, Sailes hēk Timòtī tö yik tahëng inrē.—Inl 18:1-5.
Sitih inlahen öich rih min më holmaneuk meh nö hayööken meh im inhānga hēk im inköphöti inrē? Lohten yip nö hachōḵtö inlahen meh sapṙô yip ma asökngö ṙô meh yěm ahānga, harunten meh inrē im invanröön chinööha töm kinë-e istötī. Ngëichkö öp tömihôiṅ man nö hayööken meh ngaich kēḵ inyööken re öm in ò. Yöölen man min yěm ngatī, ṙamölōn inrē min öp mahayööken meh.—Filip 1:25.
NGËCHKÖM VITIŌ SHISYÖ PÖNANĒ KĒ KĀM SĒ KUSĪ PĀIYĒ—YÖHOVĀ SĒ MÖTÖT LICHIYĒ—HÖMARĒ PHĀI PEHEN, NGAICH SAPṘÔ NË INTÖÖNÖ:
Sitih inlahen ang Nīta nö hareuskö alaha Krēs nö chuh el mīting?
Kūöyòh öi hòṅ kumtö yip prötör sistör nö holre yěi kēḵ istötī?
Hòṅ ṙòkhöre më aṅ el ngam māṅ nö hayööken ngam mahaköp
Asuh nuk ööilōn Krēs tö sā ta nö in Apikēl?
Asuh nup tömihôiṅ inruntö meh tö tī yip prötör sistör?