ṘŪÖHLÖ HEUNEŪ-EN RE IM LA-EN INHĀNGA | ṘĀMÖLŌN IM LA-EN INHĀNGA
Hayööken Ngam Mahaköp Nö Yihtökūö Nö El Mīting
Alaha ngam tökô-en vinë-ekūtēv ön ngam manūlö el ngam māṅ. (Sal 22:22) Yip yamihtökūö nö el ngam mitīng, teūngen cha-a tö ṙanamlōn hēk inkôlò inrē. (Sal 65:4) Yěn örheūheu röön ngam töhaköptu nö chuh el mīting, ngaich veut ngam inlahen ò min nö kūö-urěh.
Asūp tö mihôiṅ nö inlahen meh, yěm hòṅ hayööken ngam tö haköptu nö chuh nö el mitīng? Iṙūöhen öm havëken ò nö yihtökūö. Hameukhömat ò töm vitiō Asuh Nup Maheūṅk Hī El Patī-Pūlngö? Ngaich vë-eny minë yanöölen hī yěi chuh el mīting. (lff lesön 10) Mihôiṅ öm vë-eny nang ò tö nup haköplö re el mīting hēk vënyö nup töhòṅ kakka inrē min el nup yamih mīting. Kē-ěkūö ò tö nup līpöre mumting. Ngaich kumten ò nö chuh el mīting. Öthō nun nö yeḵngen minë lumrāḵ meh, pöm ṙamlōn min yěm neuk öp haköptöre nö chuh el mīting.—1Kò 14:24, 25.
NGËICHKÖM VITIŌ HAYÖÖKEN NGAM MAHAKÖP NÖ YIHTÖKŪÖ NÖ EL MĪTING, NGAICH SAPṘÔ NË INTÖÖNÖ:
Ihē ang Nītā nö havëten Krēs nö chuh el mīting?
Kūö yòh öi ṙamölōn yěn yihtökūö ngam mahaköp nö el mīting?
“Kô-en ang Yāvē nö in yīö”
Asuh nuk maheuṅk Krēs ik sā ò nö chuh el mīting?