Hayööken Ngam Mahaköp Nö Un Hanôl Yip Tötlöng Hol

Yēḵ ngòh töhaköptu nö hòṅ hanôlö Yāvē ngaich hòṅ kēnyö ṙētak re anga-a nö hanôl yip tarik tö akaha. (Sal 15:1, 4) Pön ngòh tö akaha hol nö rūöhlö alaha ò min nö in minë tövai la-en.—Inch 13:20; lff lesön 48.

Hòṅ akahakūö më-eṅ tö ngam töhaköptu nö öt lööṙen ngam inlahen ò nö ṙāngen yip holre aṅ el kahôiren. Lökten më-eṅ öm kēnyö ṙētakre öm vë-ekūö ò. Tö sā meh mihôiṅ öm mësechö ò hēk fòn ken ò inrē, hēk chuh ken ò inrē. Asā inlahen ò nö kūö urēh, ngaich mihôiṅ öm havëken ò nö kēnyö ṙētak nö yip prötör sistör. Ngaich haṙivlōn min anga-aṅ urēh hol re, pön ṙamlōn min anga-aṅ nö yip tuföngöre holre. (Māk 10:29, 30) Ṙamlōn hēk min më-eṅ öm meuk ngam mikūönö Yāvē nö sīöplöre.

NGËICHKÖM VITIŌ HAYÖÖKEN NGAM MAHAKÖP NÖ UN HANÔL YIP TÖTLÖNG HOL, NGAICH SAPṘÔ NË INTÖÖNÖ:

• Asūp min inlahen hī yěi hanôl yip tötlöök?—1Kò 15:33

• Sitih mufē ang Krēs nö i innôlö më Kristīön?

• Asūp inlahen Nītā nö hayööken Krēs nö im innòlö yip tö akaha hol?