Kēḵ Yanöölenre In Minë Marchinöl Refrens

Yěi haköp minë marchinöl refrens tö kētu nö im Tufömngöre Panam Translēsön Paipöl, ngaich löktö in e mikahkūö ayī-ö tö minë tökūichi imat ngam Paipöl nö sāḵta ṙô nö in höö. Teūngen in hēk tö mikahkūöre yěi vë-ekūö minë marchinöl refrens ngam töhěng miröökö. Sitih inlahen öi mihôiṅ chöh minë marchinöl refrens? Urěh öi ngëichkö öp nömpör tö kētu nö ikūö öp töhěng ṙô hēk unôichrit öp töhěng sentens. Ngaich im tökatānö Paipöl öm chöh ngam nömpör im kòlöm (hasiā) me-elhôi. Minë miröökö tö kētu nö ikūö ngam nömpör anū-ö nun në tö sāḵta ṙô nö inup tahëng miröökö. Mihôiṅ öm tipö e angū-ö nömpör yěm hòṅ ngëichkö minë marchinöl refrens öm el ngam jw.org hēk töm JW Laëprërī.

Asuh nup mikahkūö hī öi lökten in minë miröökö tö sāḵta ṙô nö in minë tahëng miröökö? Töi ngëichkö minë rīkre inchōḵelmat:

Isuh chūök öi min teūngen töp töhěng inlahngen? Minë miröökö tö sāḵta ṙô nö in minë tahëng miröökö, anū-ö mahayööken hī öi chuh in minë tahëng miröökö minë chūök hī hēk öi akahakūö tö inlahen öp inlahngen. Tö sā hī yěi ngëichkö ngam 2 Samuěl 24:1 hēk 1 Kinṙötngö 21:1.

Lamöktö yih nö kē-ě ngam tö kōtět (quoted) miröökö? In minë rīkre tö sāḵta ṙô miröökö nö in minë tahëng miröökö in öi akahakūö tö löktö kinë-e ngam ṙô ngam töhěng miröökö. Tö sā hī yěi ngëichkö ngam Mëtiv 4:4 hēk I.Chööngö 8:3.

Sitih inlahen nö teungtakūö minë pròfěsī? In minë rīkre miröökö tö sāḵta ṙô nö in minë tahëng miröökö öi akahakūö tö inlahen taneungtökūö öp töhěng pròfěsī. Tö sā hī yěi ngëichkö ngam Mëtiv 21:5 hēk Sakariā 9:9.