Talagsaong mga Magasin Gipasiugda
1 Ang mga isyu sa Abril ug Mayo sa The Watchtower ug Awake! magpasiugda sa makapainteres nga mga artikulo ngadto sa tanan. Dugang pa sa mga artikulo bahin sa kalinaw sa kalibotan diha sa Abril 1 ug 15 nga mga gula sa The Watchtower, ang Mayo 1 nga isyu magapasiugda sa “Millions Now Dead Will Live Again” ug ang Mayo 15 nga gula magahisgot bahin sa “Armageddon—When?”
2 Ang mga gula sa Awake! para sa Abril ug Mayo maglakip sa mga ulohang “What Prospects for a Longer Life?’ “A Clean Earth—Will You Live to See It?,” ug “A World Without Guns—Is It Possible?” Mouyon ka ba nga ang mga tawo diha sa inyong teritoryo kinahanglang makabaton ug higayon sa pagbasa niining mga gulaa?
DUGANG PAKIG-AMBIT
3 Kinahanglang atong planohon na karon aron dugangan ang atong pagpanagtag niining talagsaong mga gula. Nganong di hikayon ang paggugol ug dugang panahon kay sa kasagaran ngadto sa pagpanagtag sa magasin? Uban sa daghan nga mag-oksilyare payunir niining mga bulana, ang maayong mga resulta madayag gayod.
4 Unsa man ang makatabang kanato sa pagpauswag sa atong mapahimutang nga mga magasin? Una, ato gayong basahon sa bug-os ang mga magasin. Ang mas nga pagkasinati ta niana, mas dako man ang atong kadasig sa pagtanyag niana. Samtang nagabasa, pangita ug mga puntos nga ikapasiugda mo diha sa lainlaing mga artikulo. Suknaang kaugalingon: ‘Kinsa ang ilabinang makagusto niining mga artikuloha? Unsa ang mosaler ngadto sa usa ka silingan, usa ka negosyante, usa ka estudyante, ug uban pa?’
HIMOA ANG PERSONAL NGA TUMONG
5 Ang uban buot maghimog personal nga tumong alang sa mga magasin sa Abril ug Mayo. Apan kon buhaton mo kini, gikinahanglan mo nga tinoon kana uban sa alagad sa magasin nga abante pa aron mapaneguro nga aduna ka ing igong mga magasin nga magamit.
6 Siyempre, adunay daghang paagi sa pagpahimutang ug mga magasin kay sa pamalaybalay nga ministeryo lang. Ikatanyag ta ang mga magasin sa kadalanan ug samtang nagaduaw ug mga dapit negosyohanan. Daghang kaigsoonan nagatukod ug mga rota sa magasin. Ang impormal nga pagpamatuod ekselente usab nga paagi sa pagpamatuod ug sa pagpahimutang ug mga magasin. Usahay ang pagpakita lamang sa mga tabon niana igo na sa pagsugod ug panaghisgot o sa pagpahimutang niana.
7 Hinumdomi nga lahi ang atong mga magasin. Kini nagapunting sa dalan paingon sa kalinaw, kalipay, ug walay kataposang kinabuhi. (Juan 17:3) Busa planona karon sa pagpahimulos sa ekstrang kalihokan uban sa talagsaong mga artikulo nga patikon diha sa Abril ug Mayo nga mga gula sa Ang Bantayanang Torre ug Pagmata!