Mga Tigom nga Motabang Nato sa Paghimog Tinun-an
SEMANA SA ABRIL 9-15
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Palig-onang tanang balikduawon ang mga nagtambong sa Memoryal aron tinoon kon ang mga pagtuon masugdan ba.
20 min: “Dayega si Jah Pinaagig Pagkuhag mga Suskrisyon.” Tagdon sa pangutanag tubag. Ipasundayag ang paggamit sa bag-ong Ulohan nga Mahisgotan ug ilakip ang sugyot nga anaa sa parapo 5.
15 min: Pakigpulong sa ansiyano sa mga puntos diha sa “Pangutana.” Himoang mataktiko apan tinong pagpadapat sa tambag ngadto sa lokal nga kahimtang segon sa gikinahanglan. Mahimong pasultihon ang tigpaminaw.
Awit 190 ug paniklop nga pag-ampo.
SEMANA SA ABRIL 16-22
10 min: Lokal nga mga pahibalo. Taho sa kuwenta. Basaha ang balos-pasalamat sa Sosyedad sa mga amot nga nadawat sa Marso. Dayega ang mga igsoon alang sa mga amot sa pagsuportar sa buluhatong pagpanukod.
15 min: “Talagsaong mga Magasin Gipasiugda.” Pakigpulong ug panaghisgot sa materyal uban sa pipila ka pangutana. Ilakip ang pipila ka lokal nga mga kasinatian sa mga magmamantala nga nagpahimutang ug mga magasin sa kadalanan, sa impormal nga pagpamatuod, o sa mga rota sa magasin.
20 min: Mapuslanong mga Sugyot sa Pagpahimutang ug mga Magasin. Hisgoti ang mosunod nga mga sugyot ug pakomentoha ang mga magmamantala sa kalamposan nga ilang napahimuslan sa pagpadapat niini: (1) Basahang mga magasin ug pagkasayod gayod sa mga artikulo. (2) Pagpili sa mga artikulo nga sa linain magpainteres diha sa komunidad. (3) Pagsulay sa gabii nga pagpamatuod uban sa mga magasin. (4) Paghisgot sa usa lang ka ulohan, ug ipasiugda ang usa lang ka magasin, nga nagatanyag sa ikaduha ingong kauban. (5) Pagsulti nga hinay ug matin-aw uban sa tono sa tingog nga mahigalaon. Palig-ona ang tanan nga sulayan kining mapuslanong mga sugyot samtang sila nagapaninguha sa pagpahimutang sa mga magasin diha sa lokal nga teritoryo.
Awit 6 ug paniklop nga pag-ampo.
SEMANA SA ABRIL 23-29
10 min: Lokal nga mga pahibalo. Teokratikanhong mga Balita. Sanglit kay kini ang kataposang semana sa Abril, dasigang tanang bug-os moambit sa ministeryo ug tabangan ang bisan kinsa nga wala pa makasangyaw niining bulana.
15 min: “Pagtanyag sa Maayong Balita—Paggamit sa House-to-House Record.” Pangutanag tubag. Basaha ang mga parapo segon sa itugot sa panahon. Larawa ang hustong paggamit sa ‘house-to-house records’ para sa way-tawo-mga-balay ug sa mga balikduaw. Repasoha uban sa mamiminaw ang impormasyon nga kinahanglang isulat sa mga rekord, ug ipatin-aw kon ngano. Pahinumdomi ang tanan nga magdalag ‘house-to-house records’ samtang anaa sa pag-alagad sa kanataran.
20 min: “Pagpakitag Pagsalig Kang Jehova Pinaagig Payuniring.” Madasigong pangutana-ug-tubag nga pagkobre pinaagig magtatan-aw sa pag-alagad. Interbiyuha ang usa o duha ka payunir, nga nagapasiugda sa mga kangaya nga nadawat samtang nabuntog ang mga gumonhap. Isulti kon unsa ang gihimo sa lokal sa pagtanyag ug mapuslanong mga pagbulig ngadto sa mga payunir.
Awit 14 ug paniklop nga pag-ampo.
SEMANA SA ABRIL 30–MAYO 6
8 min: Lokal nga mga pahibalo. Pahinumdomi ang tanang mohatag gilayon sa ilang mga report sa Abril. Palig-ona kadtong nag-oksilyare payunir sa Abril nga tagdon ang pagpadayon ngadto sa Mayo ug Hunyo kon motugot ang ilang mga kahimtang. Interbiyuha ang usa ka katabang nga payunir nga nalipay sa buluhaton sa Abril ug nagaplano sa pagpadayon.
17 min: Pag-abot sa mga Kasingkasing sa mga Batan-on. Sa mubo hisgotan sa ansiyano ang mga puntos gikan sa mga publikasyon nga ilabinang gidesinyo sa pagbulig sa mga batan-on. Dugang pa sa regular nga pagtuon sa banay, ang mga membro sa pamilya makabenepisyo gikan sa espirituwal nga mga panaghisgot sa motunghang mga okasyon. Ipasundayag ang usa ka panaghisgot sa pamilya diin ang amahan aduna ing mainit nga relasyon uban sa mga anak. Ang ilang panaghisgot maoy impormal nga pagbayloanay ug mga komento, dili sesyon nga pangutanag tubag. Usa ka bata sa pamilya nangutana kon siya ba makadulag basketbol uban sa silingang mga bata. Tagika ang materyal sa mga panid 64-7 sa librong Batan-on Nangutana. Mosukna ang ginikanan ug masusihong mga pangutana aron ilhon kon ang bata nakasabot ba ug nagauyon sa Kasulatanhong mga prinsipyo nga nalangkit. Ipasiugda nga ang suod nga mga higala dili kinahanglang pareho ang edad. Pilia ang mga batan-on nga nakabasa na sa mga bahin sa libro, ug kuhaa ang ilang mga napanid-an. Ipasulti kanila kon ngano ang materyal mapuslanon. Dasigang mga batan-ong basahon ang maong libro, ug ipasiugda ang panginahanglan alang sa mga ginikanan nga mahimong sinati sa mga kaundan niana aron ikalakip ang tukmang mga puntos diha sa mga panaghisgot sa pamilya.
20 min: “Magmaalamon—Ipadapat ang mga Butang nga Imong Makat-onan.” Pahayag uban ang pakig-ambit sa tigpaminaw pinaagig takos nga ansiyano. Ipasiugda ang importansiya sa pagtanom sa kasingkasing sa atong nakat-onan ug pagpadapat ug disiplina-kaugalingon aron kana sa personal ipadapat sa atong mga kinabuhi. Sa hisgotan ang parapo 9, ipasundayag sa mubo kon unsaon paghimo ang usa ka duaw sa usa nga mitambong sa Memoryal aron abagan siya sa pagpadapat sa iyang nakat-onan. Sa parapo 10, ipatin-aw ang lokal nga mga kahikayan sa pagbulig sa mga diregular o mga diaktibo.
Awit 123 ug paniklop nga pag-ampo.