Usa ka Mapuslanong Paagi sa Pagpangandam Alang sa Pag-alagad sa Kanataran

¹ Ikaw ba nagaduhaduha usahay sa pagpakig-ambit sa pipila ka bahin sa pag-alagad sa kanataran tungod kay dili mahibalo kon unsay isulti? Kon mao kana ang kahimtang mo, among mapaneguro nga moapresyar ka sa paagi nga gihimo diha sa Atong Ministeryo sa Gingharian.

² Sugod niining gulaa, ang Atong Ministeryo sa Gingharian maghimog mas dako pa ganing pagkalainlain sa mga sugyot sa pagtanyag sa mensahe sa Gingharian, kini man sa pamalaybalay, sa balikduaw, o sa pagtuon sa Bibliya. Kini gayod magpalihok sa imong panghunahuna kon unsang mga ekspresyon ang gusto mong gamiton diha sa ministeryo. Sa dihang mangandam alang sa ministeryo, pilia ang presentasyon nga haom kaayo sa inyong teritoryo. Sunod, tinoa kon gamiton mo ba ang han-ay sa pulong nga gisugyot diha sa artikulo o usbon mo ang maong han-ay aron ipatukma sa lokal nga mga kahimtang o sa imong kaugalingong personalidad. Ang imong presentasyon mahimong mas makukabildohon o kombersisyonal kon isulti mo kana sa natural nga paagi diha sa imong kaugalingong mga pulong. Buot ba nimong mopauswag sa imong ministeryo sa pipila ka paagi, tingali sa pagpakig-ambit sa pipila ka bahin sa unang higayon? Ang detalyadong mga sugyot nga gihimo hayan mao ra ang gikinahanglan mo aron makasugod.

³ Kon magadumala ka sa usa sa mga tigom sa kongregasyon sa dayon na nga pagsangyaw, kinahanglang sinati ka kaayo sa materyal nga gipatik diha sa Atong Ministeryo sa Gingharian. Tun-ig maayo ang imong kopya, ug ipatagad ang mga sugyot niana nga lagmit kaayo mao ang epektibo sa lokal.

⁴ Ang tanan kanato nagakalipay sa mga butang nga maayo tang pagkahimo. Maoy atong paglaom nga kining mapuslanong paagi mobulig sa bag-ohan ug mas bansay nga mga magmamantala sa pagkahimong epektibo ug malipayon sa ilang ministeryo sa Gingharian.