Magmakanunayon sa Pag-alagad sa Kanataran

¹ Gihimo ba nato ang positibong mga tikang sa pagpakigbahin sa pag-alagad sa kanataran sa regular nga paagi? Kita ba makugihon sa untop nga pagtunol sa atong taho sa pag-alagad sa kanataran diha sa Kingdom Hall kada bulan? Kini maoy butang nga kitang tanan kinahanglang maninguha sa pagbuhat, nga dili gayod tugotan nga molabay ang usa ka bulan nga walay publikong pagpahayag sa atong pagtuo sa pipila ka paagi.​—Roma 10:9, 10.

² Gawas nga regular sa atong kaugalingon, buot natong magmaalisto sa pagtabang sa uban nga makigbahin nga regular sa pagsangyaw. (Filip. 2:4) Unsaon nato pagbuhat niini? Mahimong maarangan nato ang pagdapit sa di-bawtismadong mga magmamantala nga bag-o lang nagasugod sa paggula diha sa ministeryo nga magsangyaw kuyog kanato. Ang makanunayong eskedyol sa pag-alagad makabulig sa padayong pagtisok gayod sa kamatuoran diha sa ilang mga kasingkasing.

³ Magmakanunayon sa pagsangyaw. Matinumanong itunol ang imong taho sa pag-alagad sa kanataran kada bulan. Abagi ang uban sa pagpakigbahin sa pagsangyaw nga regular. Ipakita ang “gugma alang sa tibuok panag-ubanay sa mga igsoon.”​—1 Ped. 2:17.