Mga Tigom sa Pag-alagad Alang sa Enero
Semana sa Enero 4-10
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian.
15 min: “Gamitag Maayo ang Daandaang mga Libro.” Pangutanag tubag. Hisgoti ang daandaang mga libro nga anaa sa lokal nga panudlanan. Dasiga ang tanan sa pagtanyag niini sulod sa Enero. Ilakip ang usa ka pasundayag sa mubo, yanong presentasyon sa Nahiusa sa Pagsimba nga libro.
20 min: Pangandam Karon sa Pagtuboy sa Balaod sa Diyos sa Dugo. Takos nga ansiyano maghisgot sa kabililhon sa pagpil-ap sa kard nga Advance Medical Directive/Release. Ang dinasig nga pagtultol sa Salmo 19:7 nagpakita nga ang Buhat 15:28, 29 maoy kapahayagan sa hingpit nga balaod sa Diyos sa dugo. Kini nga dokumento magpahibalo sa imong determinasyon sa pagtuboy sa maong balaod ug usab sa pagsulti alang kanimo sa dihang dili ka makahimo sa pagsulti alang sa imong kaugalingon. (Itandi ang Proverbio 22:3.) Human niining mitinga, ang bawtismadong mga Saksi hatagan ug bag-ong kard, ug kadtong dunay di-bawtismadong minor nga mga anak makadawat ug Identity Card alang sa matag bata. Kini nga mga kard dili pil-apan niining gabhiona. Kini kinahanglang pil-apan sa maampingong paagi didto sa balay apan DILI pirmahan. Ang pagpirma, pagsaksi, ug pagpetsa sa tanang kard himoon human sa sunod nga Pagtuon sa Libro sa Kongregasyon, ubos sa pagdumala sa tagdumala sa pagtuon sa libro. Una pa mopirma, seguroa nga ang mga kard napil-apan sa bug-os. Kadtong mopirma ingong mga saksi kinahanglang aktuwal nga makakita sa tag-iya sa kard nga mopirma sa dokumento. Pinaagig pagpasibo sa pagkapamulong gikan niini nga kard ngadto sa ilang kaugalingong mga kahimtang ug mga kombiksiyon, ang di-bawtismadong mga magmamantala hayan mosulat sa ilang kaugalingong direktiba nga ilang magamit mismo ug sa ilang mga anak.
Awit 61 ug paniklop nga pag-ampo.
Semana sa Enero 11-17
10 min: Lokal nga mga pahibalo. Taho sa kuwenta.
20 min: “Atong Gikauyonan—Sa Padayong Pagsunod sa Dalan ni Jehova sa Kinabuhi.” Usa ka pakigpulong.
15 min: “Magmapailobon.” Panaghisgot tali sa mga membro sa usa ka pamilya. Ilang repasohon ang mga paagi nga ilang ikapasundayag ang pailob sa mas dakong sukod diha sa ilang ministeryo. Ilakip ang tukmang mga komento gikan sa Hunyo 15, 1995, Bantayanang Torre, panid 12.
Awit 135 ug paniklop nga pag-ampo.
Semana sa Enero 18-24
5 min: Lokal nga mga pahibalo.
12 min: “Magmaepektibo sa Imong Ministeryo.” Pangutanag tubag nga panaghisgot sa mga parapo 1-7 sa pasukip.
13 min: “Mga Magtatan-aw nga Nagapanguna—Mga Tagdumala sa Pagtuon sa Libro sa Kongregasyon.” Pakigpulong sa sulondang tagdumala sa pagtuon sa libro. Ilakip ang yawing mga komento gikan sa Organisado sa Pagtuman sa Atong Ministeryo, mga panid 43-5, 74-6.
15 min: “Pagsugod ug mga Pagtuon sa Gikinahanglan nga Brosyur.” Pangutanag tubag nga pagtagad sa artikulo sa panid 6.
Awit 197 ug paniklop nga pag-ampo.
Semana sa Enero 25-31
10 min: Lokal nga mga pahibalo. Repasoha usab ang “Bag-ong Programa sa Adlawng Espesyal nga Asembliya.”
15 min: “Kausaban sa Kinahanglanong Oras Alang sa mga Payunir.” Pakigpulong pinaagig ansiyano. Dayega ang mga payunir sa kongregasyon, ug dasiga ang dugang mga magmamantala nga mosulod sa oksilyare ug regular payunir nga pag-alagad, nga anaa sa hunahuna ang dugang kalihokan sulod sa Marso, Abril, ug Mayo. Ilakip ang impormasyon gikan sa Pebrero 1997 ug Hulyo 1998 nga mga pasukip sa Atong Ministeryo sa Gingharian.
20 min: “Magmaepektibo sa Imong Ministeryo.” Pangutanag tubag nga panaghisgot sa mga parapo 8-21 sa pasukip.
Awit 225 ug paniklop nga pag-ampo.