Eskedyul sa Tigom sa Pag-alagad
Semana sa Abril 11
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ang espesyal nga kampanya sa pag-apod-apod sa Padayon sa Pagbantay! matapos sa Abril 17. Atong itanyag ang mga magasin sa nahibiling bahin sa Abril. Gamita ang mga sugyot sa panid 8 sa pagpasundayag kon sa unsang paagi itanyag ang Abril 15 nga Bantayanang Torre ug ang Abril 22 nga Pagmata! Mahimong gamiton ang ubang realistikong mga presentasyon. Diha sa usa sa mga pasundayag, ipakita ang magmamantala nga nakig-ambit sa pagsangyaw sa kadalanan.
15 min: “Padayon sa Pagsangyaw.”a Segun sa itugot sa panahon, dapita ang mamiminaw sa pagkomento sa gisitar nga mga teksto.
20 min: “‘Magmaokupado Kaayo’ sa Imong Ministeryo.”b Idasig ang 100% pagpakig-ambit panahon sa espesyal nga kampanya sa Abril. Dapita ang duha o tulo ka magmamantala sa pag-asoy ug mga eksperyensiya nga ilang napahimuslan sa pagtabang sa uban sumala sa gisugyot diha sa mga parapo 3-5.
Awit 47 ug paniklop nga pag-ampo.
Semana sa Abril 18
5 min: Lokal nga mga pahibalo. Ilakip ang mga punto diha sa “Pangutana.”
20 min: “Pagdumalag Mauswagong mga Pagtuon sa Bibliya—Bahin 7.”c Sa dihang andamon kining bahina, tan-awa ang Hulyo 15, 2002, Bantayanang Torre, panid 27, mga parapo 5-6.
20 min: Ugmara ang Interes Ginamit ang Bag-ong Brosyur. Pakigpulong ug panaghisgot sa mamiminaw nga dumalahon sa magtatan-aw sa pag-alagad. Kinahanglan kitang mobalik aron sa pag-ugmad sa interes sa matag tawo nga midawat ug kopya sa Padayon sa Pagbantay! Ginamit ang mga kaundan sa panid 2, paghatag ug mubong sumaryo sa brosyur, nga magsentro sa pagtagad sa mugbong gipasiugda nga mga seksiyon (gilista sa regular nga tipo ubos sa tataw nga mga ulohan). Kining materyala mahimong gamiton alang sa mubo, makahuloganon nga mga panaghisgot isip pagpaloap. Pananglitan, kon ang mga panid 3-4 mao ang gipasiugda sa unang duaw, ang gipasiugda nga seksiyon nga “May Pagtagad ba Gayod ang Diyos?” sa panid 5 mahimong gamiton aron makabalikduaw. Hisgoti kon unsaon kini paghimo. Repasoha ang uban pang gipasiugda nga mga seksiyon, sama nianang anaa sa mga panid 6-8 ug 17-18 o uban pa nga haom sa lokal nga teritoryo. Ipasundayag ang usa ka balikduaw, ginamit ang usa sa gipasiugda nga mga seksiyon. Kinahanglang basahon ug hisgotan ang usa o dugang pang gisitar nga mga teksto. Taposon kini sa magmamantala pinaagi sa pagsentro sa pagtagad ngadto sa laing gipasiugda nga seksiyon nga mahimong hisgotan sa sunod duaw.
Awit 169 ug paniklop nga pag-ampo.
Semana sa Abril 25
10 min: Lokal nga mga pahibalo. Basaha ang taho sa kuwenta ug ang mga pasalamat sa donasyon. Pahinumdomi ang mga magmamantala sa paghatag sa mga taho sa pag-alagad sa kanataran sa Abril. Ginamit ang mga sugyot sa panid 8 (kon haom sa inyong teritoryo), ipasundayag kon sa unsang paagi itanyag ang Mayo 1 nga Bantayanang Torre ug ang Mayo 8 nga Pagmata! Mahimong gamiton ang ubang realistikong mga presentasyon. Diha sa usa sa mga presentasyon, ipasundayag kon sa unsang paagi dumalahon ang tigsumpo sa panaghisgot nga “Dili ako interesado.” (Tan-awa ang librong Nangatarongan, p. 16.) Hisgoti ang mga artikulo nga hayan daling makadani sa mga tawo diha sa teritoryo.
20 min: Pagsugod ug mga Pagtuon sa Bibliya Uban Niadtong Midawat sa Bag-ong Brosyur. Pakigpulong ug panaghisgot sa mamiminaw nga dumalahon sa magtatan-aw sa pag-alagad. Repasoha sa makadiyot ang balikduaw nga gipasundayag sa miaging Tigom sa Pag-alagad, nga matikdan ilabina ang gipasiugdang seksiyon nga gihisgotan sa kataposan sa maong duaw. Gamiton sa mao ra gihapong mga magmamantala (kon posible) ang maong materyal sa pagpasundayag sa sunod nga balikduaw. Dayon ang magmamantala maggamit sa hapin sa likod sa brosyur aron sa pagtanyag ug pagtuon sa Bibliya, ug ginahimo ang mga kahikayan sa pagkonsiderar sa leksiyon 1 sa brosyur nga Gikinahanglan sa sunod duaw. Dasiga ang tanan sa pagsentro sa pagtagad sa pagsugod ug mga pagtuon sa Bibliya uban niadtong midawat ug kopya sa Padayon sa Pagbantay!
15 min: “Buhata ang Maayo ug Ipaambit sa Uban.”d Paghimog lokal nga kapadapatan sa materyal, nga maghisgot sa praktikal nga mga paagi nga atong matabangan ang uban.
Awit 8 ug paniklop nga pag-ampo.
Semana sa Mayo 2
10 min: Lokal nga mga pahibalo. Repasoha kadiyot ang artikulong “Pagtuon sa Brosyur nga Padayon sa Pagbantay!,” diha sa panid 6. Hisgoti nga kining materyala maglaraw sa eskedyul alang sa pagtuon sa brosyur. Dasiga ang tanan sa pagpangandam pag-ayo ug sa pagpakig-ambit diha sa pagtuon matag semana, nga magsugod sa semana sa Mayo 23.
15 min: Lokal nga mga panginahanglan. Mahimong ilakip ang mga kasinatian nga napahimuslan sa pagpaloap sa mga napahimutang nga Padayon sa Pagbantay! Hikaya daan ang pagpasundayag sa bisan unsang talagsaong mga kasinatian.
20 min: “Mangaluwas Unta ang Tanang Matang sa mga Tawo.”e Paghimog praktikal nga kapadapatan sa materyal diha sa lokal nga teritoryo.
Awit 112 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
e Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.