Pagtanyag sa Maayong Balita—Paggamit sa House-to-House Record
1 “Akong bug-os nga nasangyaw ang maayong balita.” (Roma 15:19) Kining mga pulonga ni Pablo nagpakita sa pagkakugi niya sa pagsangyaw, pagpanudlo, ug paghimog mga tinun-an.
2 Kita buot man sama niana sa pagkabug-os diha sa atong tinudlong teritoryo. Ang mga kinabuhi nameligro niining makuyaw nga mga panahon. Ang pagkapakyas sa pagpasidaan sa mga tawo magpahimong sad-an-sa-dugo. (Ezeq. 3:18, 19) Sama kang Pablo, buot tang makasulti nga kita “mahinlo gikan sa dugo sa tanang tawo.” (Buh. 20:26) Sa unsang paagi kita mahimong mas bug-os sa pagkobre sa atong teritoryo? Makatabang ang hustong paggamit sa pormang House-to-House Record.
KON WALAY TAWO ANG BALAY
3 Ang kompletong rekord sa way-tawo-mga-balay gikinahanglan sa pagkobre nga epektibo sa atong teritoryo. Kita gayod magmapinadayonon sa pagpaninguha nga maabtan ang usa sa kada balay. Kon walay tawo ang balay, ato gayong itala kana sa ‘house-to-house record.’ Dayon kita mobalik gayod ug maninguha sa paghatag pamatuod ngadto kang bisan kinsa nga anaa sa panimalay.
4 Aron maabtan silang wala sa balay sa unang duaw, ang uban migamit sa ilang house-to-house record, nga mibalikduaw sa ulahi sa maong adlaw. O mosulay sila sa pagduaw sa laing adlaw o sa laing panahon. Nakaplagan sa daghan nga ang pagduaw sa magabii magpatunghag maayong mga resulta. Ang uban naghimog mga pagtawag sa telepono o nagsulat ug mga sulat sa dihang ang sublisubling mga duaw sa tinong mga balay dili malamposon.
SA DIHANG MAY DAYAG NGA INTERES
5 Sa makita mong may maayong interes, hupti ang rekord. Isulat ang ngalan sa tawo, adres, ug bisan unsang uban pang mapuslanong impormasyon. Kon dili mo makontak ang tawo pag-usab human sa pipila ka paninguha, tingali ang kausaban sa adlaw o panahon sa imong pagduaw makabulig. Ayaw dayon pagsurender sa usa nga nagpakitag interes.
6 Si apostol Pablo nagpahimutang ug maayong ehemplo alang kanato. Siya “bug-os nagpamatuod” sa iyang natudlong teritoryo. Ang hustong paggamit sa ‘house-to-house record’ makabulig kanato sa pagbuhat sama niana. Ug pagkadakong kalipay nga atong maangkon samtang daghan pa ang mahimong mga tinun-an ni Jesu-Kristo! Busa, kita makaingon, sama kang Pablo: “Ako mahinlo gikan sa dugo sa tanang tawo.”—Buh. 20:21, 26.