Himoa ang Epektibong mga Balikduaw
1 Ang pagbalikduaw maoy usa ka hinungdanong bahin sa atong pag-alagad ingon nga “isigkamagbubuhat sa Diyos.” (1 Cor. 3:6-9) Ang maayong pagpangandam sa atong bahin magapasundayag sa sinsero personal nga interes sa usa nga giduaw samtang atong hisgotan ang makapadaning ulohan sa Bibliya.
2 Magmapiho; sukna ug mataktikanhong mga pangutana.
Gikan sa imong nota sa unang duaw, ikaw makasukna:
◼ “Gibati ba nimong ang imong pag-ampo nga moabot ang Gingharian sa Diyos maoy makahuloganon sukad sa atong panaghisgot sa Bibliya sa miaging semana?”
Ang usa ka mahigalaong panagway ug tuno sa tingog dakog mahimo sa pagpasundayag sa atong tiunay nga interes sa dihang nagasukna sa maong mga pangutana.
3 Ayaw Pagdali; Paminaw sa Isulti sa Tagbalay. Kon maminaw ta sa gisulti sa tagbalay ug ugdang maghunahuna una pa motubag, ang lunsay natong interes diha kaniya ingon nga indibiduwal madayag. Pinasukad sa iyang gisulti, makahatag ka ug Kasulatanhong panghunahuna maylabot sa imong unang duaw. Magmaandam sa pagtudlog usa ka butang sa tagbalay sa matag higayon nga ikaw moduaw. Kon ang wala dahomang ulohan gipatungha, gamitang kahigayonan sa pagkuha sa imong librong Nangatarongan aron makaplagan ang gikinahanglang impormasyon.
4 Kon napahimutang mo ang Mayo 1, 1992, nga “Bantayanang Torre,” ikaw makaingon:
◼ “Sa miagi, naghisgot ta bahin sa tuig 1914. Sukad niadto daghang kausaban sa mga kagamhanan ang nagakahitabo. Apan kini bang mga kausabana nakatagbaw gayod sa mga panginahanglan sa katawhan, o makagarantiya ba silag dayong kalinaw? [Tugoting mokomento.] Matikdi kon giunsa pagtudlo ni Jesus ang iyang mga sumusunod sa pag-ampo alang sa usa ka kagamhanan nga makasulbad gayod sa dagkong mga suliran nga atong giatubang karong adlawa. [Basahang Mateo 6:9, 10.] Unsay gihunahuna mong malampos sa Gingharian sa Diyos? [Tugoting mokomento.] Ang saysay sa Bibliya makapaikag usab kaayo.” Unya basahang Daniel 2:44. Buot nimong gamiton ang ilustrasyon sa mga panid 12 ug 13 sa librong Mabuhing Walay Kataposan aron pagpakita sa matang sa mga kahimtang nga madahom ubos sa Gingharian sa Diyos.
5 Kon mapahimutang mo ang Mayo 8, 1992, nga “Pagmata!,” ikaw makaingon:
◼ “Sa miagi nakong duaw nimo, atong nahisgotan ang mahitungod sa mga tawong mibiya sa ilang nasod puy-anan aron makaikyas sa inhustisya ug pag-antos. Gihunahuna ba nimong gitagad gayod sa Diyos kon unsay kinahanglang antuson sa mga tawo diha sa mga kamot sa ilang isigkatawo?” Depende sa tubag, ikapaambit mo sa tawo ang Ecclesiastes 4:1 o Salmo 72:12-14. Unya ikaw makapakli sa panid 15 sa “Tan-awa!” nga brosyur ug basaha o sumaha ang tulo ka parapo nianang panira, nga nagasuknag mga pangutana sa matag parapo.
6 Magpadayon ta sa pagpasundayag ug personal nga interes ug batonan sa hunahuna ang makapadaning mga ulohan sa Bibliya nga mahisgotan aron nga ang atong mga balikduaw magmalamposon.