Pangutana

◼ Unsa ka dugay nga dumalahon ang usa ka pormal nga pagtuon sa Bibliya uban sa indibiduwal sa librong Kahibalo?

Si Jehova nagapanalangin sa iyang organisasyon karong adlawa. Atong makita ang pamatuod niini matag tuig sa dihang linibong mga bag-ohan mobarog dapig sa kamatuoran. Ang librong Kahibalo nagapamatuod ingong epektibong himan sa pagpalampos niini. Ang Enero 15, 1996, isyu sa Ang Bantayanang Torre nagpunting nga kining basahona gidisenyo sa pagtabang sa estudyante sa Bibliya sa paghimog kusog nga pag-uswag sa espirituwal, tingali ngadto sa pagpabawtismo sulod sa pipila ka bulan.

Tungod niining katarongana, ang samang Bantayanang Torre, panid 17, mitambag: “Human nga natapos sa usa ka indibiduwal ang iyang pagtuon sa Bibliya sa librong Kahibalo ug bawtismado na, dili na kinahanglan dumalahan pa siya ug pormal nga pagtuon sa ikaduhang libro.”

Komosta ang usa ka tawo nga dili mabawtismohan human matapos ang basahong Kahibalo? Ang Hunyo 1996 nga Atong Ministeryo sa Gingharian, panid 6, parapo 23, nagpahinumdom kanato kon unsay giingon sa Ang Bantayanang Torre bahin sa dili pagtuon ug dugang mga basahon uban sa estudyante human makompleto ang basahong Kahibalo. Nagapasabot ba kini nga dili kita interesado sa pagtabang sa estudyante sa Bibliya nga saylo na niining puntoha? Dili. Buot natong madawat sa katawhan ang pasukaranang kahibalo sa kamatuoran. Apan, gidahom nga sulod sa mubomubong panahon, ang epektibong magtutudlo makahimo sa pagtabang sa sinserong estudyante sa Bibliya sa pagbaton ug igong kahibalo sa paghimog desisyon sa pag-alagad kang Jehova. Hayan ang pipila ka estudyante sa Bibliya buot gani nga magtuon nga mas pa kay sa makausa sa usa ka semana.

Tinuod nga hinay ang pag-uswag sa pipila ka estudyante kay sa uban. Apan kon human sa pagtuon sa librong Kahibalo, nga madugaydugay kay sa kasagarang kahimtang, ang tawo wala modesidir nga siya buot makig-uban sa kongregasyon, mas maayo nga ang magmamantala makighisgot niini uban sa usa sa mga ansiyano sa Komite sa Pag-alagad sa Kongregasyon. Kon ang talagsaong mga kahimtang nalangkit, ang dugang tabang hayan gikinahanglan. Uyon kini sa prinsipyo kon unsay giingon sa mga parapo 11 ug 12 sa panid 17 sa Enero 15, 1996, Bantayanang Torre.

Ang pagpabili bisan sa pangunang kahibalo sa kamatuoran angayng motukmod sa estudyante sa pagtambong sa Kristohanong mga tigom. Motultol kini sa estudyante sa paghatag ug tin-aw nga ebidensiya sa iyang tinguha sa pag-alagad kang Jehova. Kon ang maong espirituwal nga pagpabili dili madayag human sa napalugwayang pagtuon sa librong Kahibalo, basin makaayo nga hunongon ang pagtuon.