Pagpamatuod Ngadto sa “Tanang Matang sa mga Tawo”
1 Sa Dihang Atong Ikahimamat Ang Mga Tawo Sa Nagkalainlaing Mga Kultura O Relihiyosong Mga Kagikan, Atong Mahinumdoman Nga Ang Kabubut-on Ni Jehova Mao “Nga Ang Tanang Matang Sa Mga Tawo Maluwas Ug Makadangat Sa Tukmang Kahibalo Sa Kamatuoran.” (1 Tim. 2:4) Dugang Pa Sa Gidaghanon Sa Linaing Pagkaandam Nga Mga Pulyeto Ug Mga Brosyur, Kita Adunay Duha Ka Ekselenteng Mga Publikasyon Nga Magamit sa bisan Unsang Panahon Sa Pagtabang Sa Mga Indibiduwal Kansang Relihiyosong Pagbansay Wala Magtudlo Kanila Sa Kamatuoran Bahin Sa Diyos Ug Kang Kristo.
2 Ang Libro Nga Pagpangita Sa Katawhan Sa Diyos Naghatag Ug Pagsabot Sa Sinugdanan Sa Dagkong Mga Relihiyon Sa Kalibotan Ug Busa Makatabang Sa Mga Tawo Bisan Diin Sa Paghimog Pagtandi Tali Sa Ilang Mga Tinuohan Ug Kon Unsay Gitudlo Sa Bibliya Bahin Sa Bugtong Matuod Nga Diyos. Sa Laing Bahin, Pinaagig Pagpasiugda Sa Kinabuhi Ni Jesu-kristo, Ang Labing Bantogang Tawo Nga Nabuhi Sukad Makatabang Sa Usa Ka Tawo Nga Mas Masinati Sa Anak Sa Diyos Ug Mabutad Ngadto Kaniya, Maingon Sa Daghang Tawo Sa Unang Siglo. (Juan 12:32) Kon Haom, Mahimong Sulayan Mo Ang Mosunod Nga Mga Sugyot Sa Pagpaila Niining Mga Libroha.
3 Kon sa imong hunahuna maayong itanyag ang “Labing Bantogang Tawo” nga libro ngadto sa usa, ikaw makaingon:
◼ “Unsay mosantop sa imong hunahuna sa dihang ikaw maghunahuna kang Jesu-Kristo? [Tugoting motubag.] Daghang historyano miila kang Jesus ingon nga ang labing bantogang tawo nga nabuhi sukad. [Pagkutlo ug usa ka pananglitan gikan sa pasiuna sa Labing Bantogang Tawo nga libro.] Ang Bibliya nagapakita nga ang kinabuhi ni Jesus maoy usa ka modelo alang kanato aron sundogon.” Basaha ang 1 Pedro 2:21 ug ang unang parapo sa kataposang panid sa pasiuna sa Labing Bantogang Tawo nga libro. Kon ang tagbalay interesado sa pagkat-on bahin kang Jesus, itanyag ang libro. Una ka pa mobiya, basaha ang Juan 17:3 ug suknaa, “Unsaon nato pagbaton kining kahibaloa nga motultol sa kinabuhing walay kataposan?” Himoa ang tinong mga kahikayan sa pagbalik uban ang tubag.
4 Sa dihang ikaw mobalik aron isaysay kon unsaon pagbaton ang nagahatag-kinabuhing kahibalo, ikaw makasukna:
◼ “Misaad akong mobalik aron ipakita kanimo kon unsaon nato pagbaton ug kahibalo nga motultol sa kinabuhing dayon.” Ipresentar ang Kahibalo nga libro, ug ginamit ang unang kapitulo, ipasundayag ang pagtuon.
5 Kon buot nimong motanyag sa librong “Pagpangita sa Katawhan sa Diyos,” ikaw makasukna:
◼ “Tungod sa daghan kaayong nagkalainlaing relihiyon karong adlawa, nahibulong ka na ba kon unsaon nato pagtino kon hain niini ang giuyonan sa Diyos?” Human sa tubag, buksi ang Pagpangita sa Katawhan sa Diyos nga libro sa panid 377. Ipasiugda ang punto numero 7, ug suknaa kon ang tagbalay mouyon ba nga ang tinuod nga relihiyon kinahanglang maghiusa sa tanang rasa sa katawhan. Tan-awa ang usa sa gisitar nga mga kasulatan, ug segun sa itugot sa panahon, hisgoti ang pipila sa ubang mga puntos diha sa listahan. Kon adunay tinuod nga interes, itanyag ang libro. Sa pagbiya, ikaw makasukna, “Sa unsang paagi ang tinuod nga relihiyon makaapektar sa pamatasan sa usa ka tawo?” Hikaya ang usa ka balikduaw sa pagtubag sa pangutana.
6 Sa imong pagbalik aron isaysay kon sa unsang paagi ang tinuod nga relihiyon makaapektar sa kinabuhi sa usa ka tawo, ikaw makasukna:
◼ “Sa imong hunahuna sa unsang paagi ang relihiyon makaapektar sa pamatasan sa mga tawo? [Tugoting motubag.] Si Kristo naghatag kanatog sukdanan kon pinaagi sa unsa sukdon ang relihiyon.” Basaha ang Mateo 7:17-20 nga diretso gikan sa panid 12 sa Pagpangita sa Katawhan sa Diyos nga libro. Dayon dapita ang tagbalay sa pagbasa sa parapo 20 sa mga panid 13-14. Kon motugot ang panahon, hisgoti ang mga parapo 25-9 sa mga panid 16-18. Kini mahimong motultol ngadto sa pagtuon sa Gikinahanglan nga brosyur o Kahibalo nga libro.
7 Mga Paagi sa Pagsugob ug Panaghisgot: Adunay daghang tabang sa pagpanudlo diha sa Pagpangita sa Katawhan sa Diyos nga libro, nga tingali magamit ingong mga paagi sa pagsugod ug panaghisgot sa unang duaw o balikduaw. Makasugod ka ug panaghisgot pinaagig pagsukna lamang ug haom nga pangutana. Pananglitan, matikdi kining mga pangutanaha ug mga tema ug ang mga panid diin kini gisulat:
“Mga Pangutana nga Nangayog Tubag”—17-18.
“Si Jesus ba Usa ka Mito?”—237.
“Kinsa ang Misulat sa Bibliya?”—241.
“Ang Qur’ān ug ang Bibliya”—285.
“Ebidensiya sa Pagkakasaligan sa Bibliya”—340-1.
“Unsa ang Gitoohan sa mga Saksi ni Jehova”—356-7.
“Unsaon Pag-ila sa Matuod nga Relihiyon”—377.
8 Imong mapakli ang piniling (mga) panid sa Pagpangita sa Katawhan sa Diyos nga libro ug isaysay ang puntong gihisgotan. Dayon hikaya ang pagbalikduaw pinaagi sa pagsuknag paloap nga pangutana nga matubag gikan sa Gikinahanglan nga brosyur o sa Kahibalo nga libro. Seguroha ang pagdapit sa tagbalay ngadto sa Pahayag Publiko, ug pagbilin ug usa ka handbill.
9 Ang tanang matang sa matinud-anog-kasingkasing nga mga tawo nagapangita sa kamatuoran bahin sa Diyos ug kang Kristo. Kita makatabang kanila diha sa atong pagsangyawng buluhaton. Busa, diay, kita mopadayon nga “nagapanlimbasog sa atong kaugalingon, tungod kay gipahimutang nato ang atong paglaom diha sa usa ka buhing Diyos, kinsa usa ka Manluluwas sa tanang matang sa mga tawo.”—1 Tim. 4:10.