Bag-ong Espesyal Asembliyang Adlaw nga Programa

¹ Ang atong espesyal asembliyang adlaw nga programa nga magsugod sa ikaduhang semana sa Pebrero, magadala sa temang “Padayon sa Pagpanaksi sa Kamatuoran.” Ang tibuok programa magapunting sa panig-ingnan nga gibilin ni Jesus kanato ug kon sa unsang paagi gipahimuslan niya ang matag kahigayonan sa pagpaambit sa kamatuoran sa uban. Kini magapasiugda sa atong kaakohan ingong mga tinun-an ni Kristo sa pagsundog kaniya sa pagpanaksi sa kamatuoran.​—1 Cor. 11:1.

² Ang papel nga gidula sa kongregasyon sa pagpasiugda sa kamatuoran pagatagdon. Ang maayong paggamit sa atong mga magasin ug uban pang mga basahon ipasiugda usab.

³ Ang pangunang pakigpulong sa nagaduawng mamumulong kon adunay usa nga mabatonan nagaulohag “Pagpanaksi sa Kamatuoran​—Kon Unsa ang Nalampos Niini.” (Juan 8:32) Kining espesyal adlaw nga asembliyang programa seguradong magapalawom gayod sa atong apresasyon sa kamatuoran ug makatabang kanatong tanan sa pagpabiling dili-matarog ug “malig-on na diha sa kamatuoran.”​—2 Ped. 1:12; 1 Cor. 15:58.