“Leitung Khempeuh Thukhen Pa” In Hehpihna A Neihlam Muang In!

1. Abraham in hehnepna a pia bang thu a tel ding Jehovah in deih a hiam?

သောဒုံနဲ့ ဂေါမောရမြို့​ကို ဖျက်ဆီး​မယ့်​အကြောင်း ကောင်းကင်တမန်ကတစ်ဆင့် အာဗြဟံ​ကို ယေဟောဝါ​ဘုရား ပြောတယ်။ ယေဟောဝါကို အာဗြဟံ အခိုင်အမာ ယုံပေမဲ့ နားလည်ရ​ခက်သွားတယ်။ ဒါနဲ့ “လူကောင်းတွေကို လူဆိုးတွေနဲ့​အတူ တကယ် ဖျက်ဆီးပစ်​မှာ​လား။ . . . မြေတစ်ပြင်လုံးရဲ့ တရားသူကြီး​က မှန်ကန်​တာကို​ပဲ လုပ်” မယ် မဟုတ်လားလို့ မေးတယ်။ (က. ၁၈:၂၃-၃၃) ဖြောင့်မတ်သူ လူကောင်းတွေကို ဘယ်တော့မှ မဖျက်ဆီး​ဘူး​ဆိုတဲ့ အရေးကြီး သင်ခန်းစာကို ချစ်​မိတ်ဆွေ အာဗြဟံ သဘောပေါက်ဖို့ ယေဟောဝါ စိတ်ရှည်ရှည် ကူညီပေးတယ်။ ကျွန်တော်တို့​အားလုံး​အတွက် အကျိုးရှိတဲ့၊ နှစ်သိမ့်မှု ဖြစ်စေတဲ့ သင်ခန်းစာပါပဲ။

2. Jehovah’ thukhensatnate a tawntungin thumanin, hehpihna kihel ahihlam bang hang muang thei i hiam?

^၂ ယေဟောဝါရဲ့ တရားစီရင်ချက်​တွေ အမြဲ ဖြောင့်မတ်​မှန်ကန်​တယ်၊ ကရုဏာ ပါတယ်ဆိုတာ ဘာကြောင့် စိတ်ချနိုင်သလဲ။ “နှလုံးသားကို ကြည့်” တဲ့ ဘုရား​မို့လို့​ပါ။ (၁ ရှ. ၁၆:၇) အံ့ဩစရာ​ပါပဲ။ “လူသား​တိုင်း​ရဲ့ စိတ်နှလုံးကို” သိနေတာ။ (၁ ဘု. ၈:၃၉။ ၁ ရာ. ၂၈:၉) ကျွန်တော်တို့ သိတာထက် ဘုရား သိတာ​တွေ အဆ​မတန် များ​တဲ့အတွက် ဘုရားရဲ့ တရားစီရင်ချက်​တွေ​ကို အပြည့်အဝ နားမလည်တဲ့​အချိန်တွေ ရှိနိုင်တယ်။ ဒါကြောင့်​လည်း “တရားစီရင်ချက်တွေကို စိစစ်​လို့ မကုန်နိုင်​ဘူး” လို့ တမန်တော် ပေါလု ပြောတာ။—ရော. ၁၁:၃၃။

3-4. Khat veivei ciangin koi bangin ngaihsun khathei i hiam? Hih thulu-ah bang thu kikum ding i hiam? (Johan 5:28, 29)

^၃ မှန်ကန်​တာကို​ပဲ ယေဟောဝါ အမြဲ လုပ်တယ်ဆိုတာ သိပေမဲ့ အာဗြဟံ တွေးမိ​တာ​တွေ ရှိသလို ကျွန်တော်တို့လည်း တွေးမိ​တာ​တွေ ရှိနိုင်တယ်။ ဥပမာ၊ ‘သောဒုံနဲ့ ဂေါမောရမြို့သားတွေ​လို ယေဟောဝါ ဖျက်ဆီး​လိုက်သူတွေ အနာဂတ်မှာ အသက်ပြန်ရှင်လာ​ဦး​မ​လား။ “ရှင်ပြန်ထမြောက်လာ​မယ့်” “မဖြောင့်မတ်သူတွေ” ထဲ သူတို့ထဲက​တချို့ ပါ​နိုင်သလား’ စသဖြင့် တွေးမိနိုင်တယ်။—တ. ၂၄:၁၅။

^၄ ရှင်ပြန်ထမြောက်ခြင်း​နဲ့ပတ်သက်ပြီး ကျွန်တော်တို့ ဘယ်လို နားလည်ထား​သလဲ။ ‘အသက်ရှင်ဖို့ ထမြောက်ခြင်း၊’ ‘တရားစီရင်​ခံရဖို့ ထမြောက်ခြင်း’ နဲ့ပတ်သက်ပြီး မကြာသေးခင်​က နားလည်မှု ပြုပြင်​ပြောင်းလဲခဲ့တယ်။a (ယောဟန် ၅:၂၈၊ ၂၉ ကို ဖတ်ပါ။) အဲဒီ​ပြုပြင်ပြောင်းလဲမှု​ကြောင့် နောက်ထပ် နားလည်မှု ပြုပြင်​ပြောင်းလဲစရာ​တွေ ပေါ်လာတယ်။ ဒီအကြောင်း ဒီဆောင်းပါးနဲ့ နောက်ဆောင်းပါးမှာ ဆွေးနွေး​သွားပါမယ်။ ယေဟောဝါရဲ့ ဖြောင့်မတ်​မှန်ကန်တဲ့ တရားစီရင်ချက်​တွေ​နဲ့ပတ်သက်ပြီး ကျွန်တော်တို့ ဘာတွေ မသိသလဲ၊ ဘာတွေ သိသလဲ​ဆိုတာ အရင်ဆုံး သုံးသပ်ကြ​မယ်။

BANG THUTE THEI LO I HIAM?

5. Sodom le Gomorrah khua a kisuksiat lai-a suksiat a thuak mite tawh kisai-in pawlpi laibute-ah nidangin koi bangin na hilhcian a hiam?

^၅ သောဒုံနဲ့ ဂေါမောရမြို့သားတွေ​လို မဖြောင့်မတ်သူတွေ​အဖြစ် ယေဟောဝါ တရားစီရင်​လိုက်သူတွေ ရှင်​ပြန်ထမြောက်​မလာတော့ဘူး​လို့ အဖွဲ့အစည်း​စာပေတွေမှာ အရင်က ရှင်းပြခဲ့တယ်။ ဒါပေမဲ့ သေသေချာချာ ဆုတောင်း၊ ထပ်ဆင့် ရှာဖွေ​လေ့လာပြီးနောက်​မှာ မေးစရာ ပေါ်လာတယ်။ အဲဒီလို တပ်အပ် ပြော​လို့​ရ​သလား​ဆိုတာ​ပါ။

6. Jehovah in migilote thu na khen ahihlam Lai Siangtho sunga thu pawlkhat gen in. Lai Siangtho-ah bang thu kigen lo a hiam?

^၆ မဖြောင့်မတ်သူတွေကို ယေဟောဝါ တရားစီရင်​ခဲ့​ကြောင်း ကျမ်းမှတ်တမ်း​များစွာ ရှိတယ်။ ဥပမာ၊ နောဧ​တို့​မိသားစုက​လွဲပြီး ကမ္ဘာပေါ်မှာ ရှိသမျှ လူအားလုံးကို ရေလွှမ်းမိုး​ဘေး​နဲ့ ပယ်ရှင်း​လိုက်တယ်။ အစ္စရေးတွေ​ကို သုံးပြီး ကတိထားရာပြည်​က လူမျိုး​ခုနစ်​မျိုးကို ဖျက်ဆီးလိုက်တယ်။ ကောင်းကင်တမန်​တစ်ပါး​ကို သုံးပြီး အဆီးရီးယား​စစ်သည် ၁၈၅,၀၀၀ ကို တစ်ည​တည်းနဲ့ ကွပ်မျက်​လိုက်တယ်။ (က. ၇:၂၃။ တရား. ၇:၁-၃။ ဟေရှာ. ၃၇:၃၆၊ ၃၇) သူတို့အားလုံးကို ယေဟောဝါ ထာဝရ​အပြီး ဖျက်ဆီး​လိုက်ပြီ၊ ရှင်​ပြန်ထမြောက်​မပေးတော့ဘူး​လို့ ကျမ်းစာမှာ ရှင်းရှင်းလင်းလင်း ဖော်ပြထား​သလား။ ဖော်ပြ​မထားဘူး။ ဘာကြောင့် အဲဒီလို​ပြောနိုင်သလဲ။

7. Tuiciin tawh suksiat a thuak mite tawh kisa-a i theih loh thu in bang a hiam? (Lim en in.) (b) Israel mi te’n Kanaan gam a suksiat lai-a suksiat a thuak mite tawh kisai bang thu thei lo i hiam?

^၇ သူတို့​တစ်ယောက်စီကို ယေဟောဝါ ဘယ်လို စီရင်ချက်​မျိုး ချ​လိုက်သလဲ၊ ယေဟောဝါအကြောင်း သင်ယူဖို့၊ နောင်တ​ယူဖို့ သူတို့ အခွင့်အရေး ရခဲ့​ကြသလား​ဆိုတာ ကျွန်တော်တို့ မသိဘူး။ ရေလွှမ်းမိုး​ဘေး​အကြောင်း ကျမ်းစာမှာ ဖော်ပြ​တုန်းက “ဖြောင့်မတ်ခြင်း​တရား ဟောပြော” သူ​လို့ နောဧ​ကို ခေါ်ထားတယ်။ (၂ ပေ. ၂:၅) ဒါပေမဲ့ ဧရာမ သင်္ဘော​ကြီး ဆောက်ရင်း ကမ္ဘာပေါ်​က လူတိုင်းကို ဟောပြောခဲ့တယ်​လို့ ကျမ်းစာမှာ ဖော်ပြ​မထားဘူး။ အဲဒီလိုပဲ ခါနန်ပြည်က လူဆိုး​အားလုံး ယေဟောဝါအကြောင်း သင်ယူဖို့၊ ဘဝ​လမ်းစဉ်​ပြောင်းဖို့ အခွင့်အရေး ရခဲ့​ကြသလား​ဆိုတာ ကျွန်တော်တို့ မသိဘူး။

8. Sodom le Gomorrah khuamite’ tawh kisai-in bang thu thei lo i hiam?

^၈ သောဒုံ၊ ဂေါမောရမြို့သားတွေ​နဲ့ပတ်သက်ပြီး​တော့​ကော။ သောဒုံ​မြို့မှာ လောတ​လို့ ခေါ်တဲ့ ဖြောင့်မတ်သူ​တစ်ယောက် နေတယ်။ ဒါပေမဲ့ သူတို့​ယောက်တိုင်း​ကို လောတ ဟောပြောခဲ့​သလား​ဆိုတာ ကျွန်တော်တို့ မသိဘူး။ သူတို့ ကမ်းကုန်​အောင် ဆိုး​ကြတယ်။ ဒါပေမဲ့ ဆိုး​လို့ ဆိုး​မှန်း​ကော သိ​ကြ​ရဲ့​လား။ လောတ​အိမ်ကို ရောက်နေတဲ့ ဧည့်သည်တွေနဲ့ လိင်ဆက်ဆံ​ချင်လို့ ထုတ်ပေးစမ်း​ဆိုပြီး လူ​ရမ်းကား​တစ်အုပ် လာ​ဝိုင်း​တာ သတိရပါ။ အဲဒီ​လူ​ရမ်းကား​တွေ​ထဲ​မှာ “လူကြီးလူငယ်တွေ” ပါတယ်လို့ ကျမ်းစာ ဆိုတယ်။ (က. ၁၉:၄။ ၂ ပေ. ၂:၇) လူကြီး​က​အစ လူငယ်​အဆုံး ဆိုးသွမ်း​နေတဲ့ အဲဒီလိုနေရာ​မျိုး​မှာ ဘုရားအကြောင်း၊ ဘုရား​စံနှုန်းတွေ​အကြောင်း သင်ယူဖို့ လူအများစု အခွင့်အရေး ရခဲ့​ကြ​ပါ့မလား။ သူတို့​တစ်ယောက်ကို​မှ ရှင်​ပြန်ထမြောက်​မပေးတော့ဘူး​လို့ ကရုဏာရှင် ယေဟောဝါ ဆုံး​ဖြတ်လိုက်​မှန်း ကျွန်တော်တို့ တကယ် သိရလို့​လား။ အဲဒီမြို့​မှာ ဖြောင့်မတ်သူ လူကောင်း​ဆယ်ယောက်​တောင် မရှိဘူး။ (က. ၁၈:၃၂) မ​ဖြောင့်မတ်​ကြ​လို့၊ ဖျက်ဆီးသင့်​လို့ ယေဟောဝါ ဖျက်ဆီးလိုက်တယ်။ ဒါပေမဲ့ “ရှင်ပြန်ထမြောက်လာမယ့်” “မဖြောင့်မတ်သူတွေ” ထဲ သူတို့တစ်ယောက်မှ မပါဘူး​လို့ တပ်အပ် ပြော​နိုင်သလား။ မပြောနိုင်ဘူး။

9. Solomon’ thu i theih loh bang a hiam?

^၉ နဂို​တုန်းက ဖြောင့်မတ်​ပေမဲ့ မဖြောင့်မတ်တဲ့ လမ်းစဉ် လိုက်သွား​သူ​တွေ​အကြောင်းလည်း ကျမ်းစာမှာ ပါတယ်။ ဥပမာ၊ ရှောလမုန်​မင်းဟာ ယေဟောဝါ ဘယ်သူလဲ၊ ဘယ်လို ဝတ်ပြု​ကိုးကွယ်​သင့်သလဲ ကောင်းကောင်း သိတယ်။ ကောင်းချီး​အများကြီး ခံစားရတယ်။ ဒါပေမဲ့ နောက်ပိုင်းမှာ မှားယွင်းတဲ့ ဘုရားတွေ​ကို ကိုးကွယ်​လာလို့ ယေဟောဝါ အကြီးအကျယ် အမျက်ထွက်တယ်။ ရှောလမုန်​အပြစ်ရဲ့ ဆိုးကျိုးတွေ​ကို အစ္စရေးလူမျိုး နှစ်ပေါင်း​ရာချီ ခံရတယ်။ ရှောလမုန် ကွယ်လွန်​သွားတာကို “ဘိုးဘေး​တို့​နှင့် အိပ်ပျော်” တယ်​ဆိုပြီး ကျမ်းစာမှာ ဖော်ပြထားတယ်။ ဘိုးဘေး​တို့​လို့ ပြောတဲ့​အထဲမှာ ဘုရင် ဒါဝိဒ်လို သစ္စာရှိသူတွေ ပါတယ်။ (၁ ဘု. ၁၁:၅-၉၊ ၄၃၊ ယုဒသန်​ကျမ်း။ ၂ ဘု. ၂၃:၁၃) အဲဒီလို​ဖော်ပြထားတာ​ဟာ ရှောလမုန် ရှင်ပြန်ထမြောက်လာမယ်ဆိုတဲ့ အာမခံချက်​လား။ ကျမ်းစာမှာ ဖော်ပြ​မထားဘူး။ “လူတစ်ယောက် သေဆုံးပြီဆိုရင် အပြစ်ရဲ့ လက်အောက်ကနေ လွတ်မြောက်သွား​ပြီ” လို့ တချို့ တွေး​မယ်။ (ရော. ၆:၇) ဒါပေမဲ့ သေဆုံးသွား​သူ​အားလုံး ရှင်ပြန်ထမြောက်လာ​မယ့်​သဘော မဟုတ်ဘူး။ သေဆုံးသွားတာ​နဲ့​ပဲ အသက်ပြန်ရှင်​ဖို့ ထိုက်တန်​သူ ဖြစ်​မသွား​ဘူး။ ရှင်ပြန်ထမြောက်ခြင်း​ဆိုတာ မေတ္တာရှင် ဘုရားဆီ​က လက်ဆောင်ပါ။ မိမိကို ထာဝစဉ် ကိုးကွယ်​ဖို့ ယေဟောဝါ အခွင့်အရေး ပေးချင်​သူ​တွေ​ပဲ ဒီ​လက်ဆောင် ရမှာ။ (ယောဘ ၁၄:၁၃၊ ၁၄။ ယော. ၆:၄၄) ဒီ​လက်ဆောင်ကို ရှောလမုန် ရမလား။ ယေဟောဝါ​ပဲ သိတယ်။ ကျွန်တော်တို့ မသိဘူး။ မှန်ကန်​တာကို​ပဲ ယေဟောဝါ အမြဲ လုပ်မယ်​ဆိုတာတော့ ကျွန်တော်တို့ သိတယ်။

BANG THUTE THEI I HIAM?

10. Jehovah in mite thu a khenna tungtangah a lungsim bangci om a hiam? (Ezekiel 33:11) (Lim zong en in.)

^၁၀ ယေဇကျေလ ၃၃:၁၁ ကို ဖတ်ပါ။ လူတွေကို တရားစီရင်​တာ​နဲ့ပတ်သက်ပြီး မိမိ ဘယ်လို ခံစားရကြောင်း ယေဟောဝါ ဖော်ပြတယ်။ “ဘယ်သူ့ကိုမှ [ယေဟောဝါ] မပျက်စီး​စေချင်” ဘူး​လို့ တမန်တော် ပေတရု ပြောတယ်။ (၂ ပေ. ၃:၉) ဒါဟာ ပရောဖက် ယေဇကျေလရဲ့ ဖော်ပြချက်​နဲ့ ဆင်တူတယ်။ ဒီ​ဖော်ပြချက်​တွေ​က နှစ်သိမ့်မှု ဖြစ်စေတယ်။ အကြောင်းရင်း မည်မည်ရရ မရှိဘဲ တစ်ယောက်ယောက်ကို ယေဟောဝါ ထာဝရ​အပြီး မဖျက်ဆီး​ကြောင်း သိရလို့​ပါပဲ။ ယေဟောဝါဟာ ကရုဏာ ပြည့်ဝတယ်။ ကရုဏာ ပြ​လို့ ရတဲ့​အချိန်တိုင်း ကရုဏာ ပြတယ်။

11. Kuate a thokik dingin lametna om lo a hiam? Koici theithei i hiam?

^၁၁ ရှင်​ပြန်ထမြောက်​မလာမယ့်​သူ​တွေ​နဲ့ပတ်သက်ပြီး ကျွန်တော်တို့ ဘာတွေ သိသလဲ။ ကျမ်းစာမှာ ဥပမာ နည်းနည်း ဖော်ပြထားတယ်။b ယေရှု​စကားအရ ယုဒရှကာရုတ် ရှင်ပြန်​မထမြောက်ဘူး။c (မာ. ၁၄:၂၁။ ယော. ၁၇:၁၂) ယေဟောဝါ​ဘုရားနဲ့ သားတော်ကို ဆန့်ကျင်​ရာ​ရောက်​မှန်း သိသိကြီးနဲ့ တမင်တကာ အမှား​လုပ်ခဲ့လို့​ပဲ။d (မာ. ၃:၂၉) မိမိကို ဆန့်ကျင်တဲ့ ဘာသာရေး ခေါင်းဆောင်​တချို့​လည်း ရှင်ပြန်​မထမြောက်ဘူး​လို့ ယေရှု ပြောတယ်။ (မ. ၂၃:၃၃) ဒါ့အပြင် နောင်တ​မရတဲ့ အယူဖောက်ပြန်သူတွေ ရှင်ပြန်​မထမြောက်ဘူး​လို့ တမန်တော် ပေါလု သတိပေးတယ်။—ဟီ. ၆:၄-၈။ ၁၀:၂၉။

12. Jehovah’ hehpihna thu bang theikhia i hiam? Gentehna pawlkhat gen in.

^၁၂ ဒါပေမဲ့ အစောပိုင်းမှာ ဖော်ပြခဲ့​သလို ယေဟောဝါဟာ ကရုဏာ ပြည့်ဝတယ်။ “ဘယ်သူ့ကိုမှ မပျက်စီး​စေချင်” ဘူး။ ကြီးလေးတဲ့​အပြစ် ကျူးလွန်ခဲ့​သူတချို့​ကို ဘယ်လို ကရုဏာ ပြသလဲ​ဆိုတာ သုံးသပ်ကြည့်ပါ။ ဘုရင် ဒါဝိဒ်ဟာ အိမ်ထောင်ရေး ဖောက်ပြန်မှု၊ လူသတ်မှု စတဲ့ အပြစ်ကြီး​တွေ ကျူးလွန်ခဲ့တယ်။ ဒါပေမဲ့ နောင်တရတဲ့အတွက် ယေဟောဝါ ကရုဏာ​ထားပြီး ခွင့်လွှတ်ပေးတယ်။ (၂ ရှ. ၁၂:၁-၁၃) ဘုရင် မနာရှေဟာ တစ်ဘဝလုံး​နီးပါး မိုက်တွင်းနက်​ခဲ့တယ်။ ဒါပေမဲ့ နောင်တရတဲ့အတွက် ယေဟောဝါ ကရုဏာ​ထားပြီး ခွင့်လွှတ်ပေးတယ်။ (၂ ရာ. ၃၃:၉-၁၆) ကရုဏာ ပြ​စရာ အကြောင်းရင်း တွေ့တဲ့အခါတိုင်း ယေဟောဝါ ကရုဏာ ပြ​ကြောင်း ဒီ​မှတ်တမ်းတွေကနေ သိရတယ်။ ကျူးလွန်ခဲ့တဲ့ အပြစ်တွေ ကြီးလေးမှန်း အသိအမှတ်ပြုပြီး နောင်တရ​သူတွေကို ရှင်ပြန်ထမြောက်ပေး​ပါလိမ့်မယ်။

13. (a) Ninevih khuamite tungah Jehovah in bang hangin hehpihna lak a hiam? (b) Jesuh in Ninevih khuamite tawh kisai-in bang gen a hiam?

^၁၃ နိနဝေ​မြို့သားတွေကို​လည်း ယေဟောဝါ ကရုဏာ ပြတယ်။ “သူတို့ရဲ့ ဆိုးသွမ်းမှု​ကို ငါ သတိထားမိ” တယ်လို့ ပြောတယ်။ ဒါပေမဲ့ နိနဝေ​မြို့သားတွေ နောင်တရတဲ့အခါ ကရုဏာ​ထားပြီး ခွင့်လွှတ်ပေးတယ်။ အဲဒီလို​ခွင့်လွှတ်လိုက်တာ​ကို ယောန စိတ်ဆိုးတယ်။ ဒါကြောင့် နိနဝေ​မြို့သားတွေဟာ “အမှားအမှန်​ကို​တောင် ခွဲခြား​မသိ” ရှာ​ဘူး​လို့ ယောန​ကို ယေဟောဝါ သတိပေးခဲ့​ရတယ်။ ယောန​ထက် ယေဟောဝါ အဆပေါင်း​များစွာ ကရုဏာ ရှိတာ ထင်ရှားတယ်။ (ယောန ၁:၁၊ ၂။ ၃:၁၀။ ၄:၉-၁၁) နောက်ပိုင်းမှာ ဒီ​မှတ်တမ်းကို သုံးပြီး ယေဟောဝါရဲ့ တရားမျှတမှု၊ ကရုဏာ​အကြောင်း ယေရှု သင်ပေးတယ်။ နောင်တရတဲ့ နိနဝေ​မြို့သားတွေ “တရားစီရင်ချိန်​မှာ” “အသက်ပြန်ရှင်လာ” မယ်​လို့ ပြောတယ်။—မ. ၁၂:၄၁။

14. ‘Thukhenna a thuak dinga thawhkik ding’ pen Ninevih khuamite adingin bang a khiatna om ding a hiam?

^၁၄ “တရားစီရင်ချိန်​မှာ” နိနဝေ​မြို့သားတွေ “အသက်ပြန်ရှင်လာ” မယ်​ဆိုတာ ဘာကို ဆိုလိုသလဲ။ ‘တရားစီရင်​ခံရဖို့ ထမြောက်ခြင်း’ အကြောင်း ယေရှု ပြောတယ်။ (ယော. ၅:၂၉) “ဖြောင့်မတ်သူ​ရော မဖြောင့်မတ်သူတွေ​ပါ ရှင်ပြန်ထမြောက်လာ​မယ့်” အနှစ်တစ်ထောင် အုပ်ချုပ်ချိန်​အကြောင်း ပြောနေတာ။ (တ. ၂၄:၁၅) မဖြောင့်မတ်သူတွေဟာ “တရားစီရင်​ခံရဖို့ ထမြောက်လာ” ကြ​မယ်။ ထမြောက်လာတဲ့အခါ သူတို့ နာခံမှု ရှိ​မရှိ၊ သင်ယူ​သိရှိလာ​တာ​တွေ​ကို လိုက်နာ၊ မလိုက်နာ​ဆိုတာ ယေဟောဝါနဲ့ ယေရှု စောင့်ကြည့်​အကဲဖြတ်​ကြ​မယ်။ နိနဝေ​မြို့သားတစ်ယောက် အသက်ပြန်ရှင်လာ​ရင်တောင် ယေဟောဝါကို ကိုးကွယ်​ဖို့ မဆုံးဖြတ်​ဘူး​ဆိုရင် ဆက်အသက်​ရှင်​ခွင့် ရမှာ မဟုတ်ဘူး။ (ဟေရှာ. ၆၅:၂၀) ယေဟောဝါကို သစ္စာရှိရှိ ကိုးကွယ်​ဖို့ ဆုံးဖြတ်​သူ​အားလုံးကတော့ ထာဝရ အသက်ရှင်​ခွင့် ရကြမယ်။—ဒံ. ၁၂:၂။

15. (a) Sodom le Gomorrah a kisuksiat lai-a suksiat a thuak mite kuamah thokik lo ding ci-in bang hang gen ding kilawm lo a hiam? (b) Jude 7-a kammalte bangci tel theih i hiam? (“Jude’ Gennop In Bang A Hiam?” kiu li bawm en in.)

^၁၅ မိမိကို၊ မိမိ​သွန်သင်ချက်တွေကို လက်မခံသူ​တွေ​လောက် သောဒုံနဲ့ ဂေါမောရမြို့သားတွေဟာ “တရားစီရင်​ရာ​နေ့မှာ” ခံရမှာ မဟုတ်ဘူးလို့ ယေရှု ပြောတယ်။ (မ. ၁၀:၁၄၊ ၁၅။ ၁၁:၂၃၊ ၂၄။ လု. ၁၀:၁၂) ဘာကို ဆိုလိုသလဲ။ သောဒုံနဲ့ ဂေါမောရမြို့သားတွေ​ထက် မိမိ​ခေတ်က လူတွေ ပို​ဆိုး​ကြောင်း ပေါ်လွင်​စေချင်​လို့ တင်စား​ပြောလိုက်တာလား။ “တရားစီရင်ချိန်​မှာ” နိနဝေ​မြို့သားတွေ “အသက်ပြန်ရှင်လာ” မယ်​လို့ ပြော​တုန်းက တင်စား​ပြောတာ မဟုတ်ကြောင်း သတိရပါ။ ဒါကြောင့် သောဒုံနဲ့ ဂေါမောရမြို့သားတွေ​အကြောင်းလည်း တင်စား​ပြော​နေ​ပုံ​မရဘူး။ နိနဝေ​မြို့သားတွေ​အကြောင်း ပြော​တုန်းက ပါတဲ့ “တရားစီရင်ချိန်” နဲ့ သောဒုံ၊ ဂေါမောရမြို့သားတွေ​အကြောင်း ပြော​တုန်းက ပါတဲ့ “တရားစီရင်​ရာ​နေ့” ဟာ အတူတူပဲ​ဆိုတာ သေချာတယ်။ ဒါ့အပြင် “တရားစီရင်​ခံရဖို့ ထမြောက်လာ” မယ့်​သူ​တွေ​ထဲ “ဆိုးညစ်တဲ့ အကျင့်​ကို ကျင့်​သူ​တွေ” ပါမယ်​လို့ ယေရှု ပြောတာကို သတိရပါ။ (ယော. ၅:၂၉) နိနဝေ​မြို့သားတွေ​ကော သောဒုံနဲ့ ဂေါမောရမြို့သားတွေ​ပါ ဆိုးညစ်တဲ့ အကျင့် ကျင့်ခဲ့ကြတယ်။ နိနဝေ​မြို့သားတွေ နောင်တ​ယူဖို့ အခွင့်အရေး ရခဲ့​ကြ​ပေမဲ့ သောဒုံနဲ့ ဂေါမောရမြို့သားတွေ နောင်တ​ယူဖို့ အခွင့်အရေး မရခဲ့ကြဘူး။ ဒါကြောင့် သောဒုံနဲ့ ဂေါမောရမြို့သားတွေ​အတွက် မျှော်လင့်ချက် ရှိ​မယ့်​ပုံ​ပဲ။ သူတို့ထဲက တချို့ ရှင်ပြန်ထမြောက်လာ​နိုင်တယ်။ ယေဟောဝါနဲ့ ယေရှုခရစ်​အကြောင်း သူတို့ကို သင်ပေးခွင့် ကျွန်တော်တို့ ရလာနိုင်တယ်။

16. Kuate thokiksak ding cih thu a khensat nadingin, Jehovah in bang pen sittel a hiam? (Jeremiah 17:10)

^၁၆ ယေရမိ ၁၇:၁၀ ကို ဖတ်ပါ။ ယေဟောဝါဟာ အမြဲတမ်း “စိတ်နှလုံးကို စစ်ကြော​ပြီး အနက်ရှိုင်းဆုံး ခံစားချက်တွေကို စစ်ဆေး” ကြောင်း ဒီကျမ်းပိုဒ်က​နေ သိရတယ်။ ဘယ်သူတွေကို ရှင်​ပြန်ထမြောက်​စေ​မလဲ​ဆိုတာ ဆုံးဖြတ်တဲ့အခါ ‘လူတစ်ယောက်စီကို သူ့​လမ်းစဉ်​တွေ​ရဲ့ အကျိုးဆက်ကို ပြန်ဆပ်​ပေး’ ပါလိမ့်မယ်။ ယေဟောဝါဟာ ပြတ်သား​ဖို့ လိုတဲ့​အချိန် ပြတ်သား​တယ်။ ဒါပေမဲ့ ကရုဏာ ပြ​လို့ ရတဲ့​အချိန်တိုင်း ကရုဏာ ပြတယ်။ ဒါကြောင့် ကျမ်းစာမှာ ဖော်ပြထားလို့ တပ်အပ် သိရတာ မဟုတ်​သရွေ့ ဘယ်သူကတော့ ရှင်​ပြန်ထမြောက်​မလာတော့ဘူး​ဆိုပြီး မပြောသင့်​ဘူး။

“LEITUNG KHEMPEUH THUKHEN PA A MANIN GAMTA LO DING AHI HIAM?”

17. A sikhinsa mite tungah bang piang ding uh a hiam?

^၁၇ အာဒံ၊ ဧဝ​တို့ စာတန်နဲ့ ပူးပေါင်းပြီး ယေဟောဝါ​ဘုရားကို ပုန်ကန်​သွား​ကတည်းက လူ​သန်းထောင်ချီ သေဆုံးခဲ့ရတယ်။ ‘ရန်သူ သေခြင်း’ က အသက်​ပေါင်း​များစွာ​ကို ခြွေယူ​နေတယ်။ (၁ ကော. ၁၅:၂၆) သေဆုံးသွား​သူ​တွေ ဘာဖြစ်မလဲ။ ခရစ်တော်ရဲ့ သစ္စာရှိ နောက်လိုက်တွေ​ထဲက ၁၄၄,၀၀၀ ဟာ ကောင်းကင်မှာ မသေနိုင်တဲ့ အသက်တာနဲ့ ရှင်​ပြန်ထမြောက်​ကြ​မယ်။ (ဗျာ. ၁၄:၁) ယေဟောဝါကို ချစ်တဲ့ သစ္စာရှိ အမျိုးသား/သမီး​များစွာဟာ ‘ဖြောင့်မတ်သူတွေ’ အဖြစ် “ရှင်ပြန်ထမြောက်လာ” ကြ​မယ်။ ခရစ်တော်ရဲ့ အနှစ်တစ်ထောင် အုပ်ချုပ်ချိန်အတွင်း၊ နောက်ဆုံး​စမ်းသပ်မှု​အတွင်း ဆက်​ဖြောင့်မတ်​နေ​ရင် ထာဝရ အသက်ရှင်​ကြရမယ်။ (ဒံ. ၁၂:၁၃။ ဟီ. ၁၂:၁) ယေဟောဝါကို တစ်ခါမှ မကိုးကွယ်​ခဲ့​သူ​တွေ၊ “ဆိုးညစ်တဲ့ အကျင့်​ကို ကျင့်​သူ​တွေ” က​အစ ပါဝင်​မယ့် “မဖြောင့်မတ်သူတွေ” ဟာ အနှစ်တစ်ထောင်​အတွင်း ယေဟောဝါကို ကိုးကွယ်​ဖို့၊ ဘဝ​လမ်းစဉ်​ပြောင်းဖို့ အခွင့်အရေး ရကြမယ်။ (လု. ၂၃:၄၂၊ ၄၃) ဒါပေမဲ့ တချို့ကတော့ ဆိုး​ကို ဆိုးလွန်းလို့၊ မိမိနဲ့ မိမိ​ရည်ရွယ်ချက်ကို ခေါင်းမာမာ​နဲ့ ဆန့်ကျင်​ခဲ့​လို့ ရှင်​ပြန်ထမြောက်​မ​ပေးတော့​ဖို့ ဘုရား ဆုံးဖြတ်လိုက်တယ်။—လု. ၁၂:၄၊ ၅။

18-19. (a) A sikhinsa mite tawh kisai-a Jehovah’ thukhenna bang hangin muang thei i hiam? (Isaiah 55:8, 9) (b) A zom thulu-ah bang thu kikum ding i hiam?

^၁၈ ယေဟောဝါရဲ့ တရားစီရင်ချက်​အားလုံးကို အကြွင်းမဲ့ စိတ်ချနိုင်​သလား။ စိတ်ချနိုင်ပါတယ်။ အာဗြဟံ ကောင်းကောင်း သဘောပေါက်​သွားတဲ့​အတိုင်း “မြေတစ်ပြင်လုံးရဲ့ တရားသူကြီး” ယေဟောဝါဟာ ပြည့်ဝ​စုံလင်တယ်၊ ထိုးထွင်း​သိမြင်နိုင်တယ်၊ ကရုဏာ ပြည့်ဝတယ်။ သားတော်ကို လေ့ကျင့်​သင်ကြားပေး​ပြီး တရားစီရင်​ပိုင်ခွင့်​အားလုံး အပ်​ထားတယ်။ (ယော. ၅:၂၂) ယေဟောဝါ​ကော ယေရှုပါ လူတစ်ယောက်စီရဲ့ စိတ်နှလုံးကို သိတယ်။ (မ. ၉:၄) ဒါကြောင့် တစ်ယောက်စီကို တရားစီရင်​တဲ့အခါ ‘မှန်ကန်​တာကို​ပဲ လုပ်ကြ​မှာ​ပါ။’

^၁၉ ယေဟောဝါ​ဘုရားကို​ကော ဘုရားရဲ့ တရားစီရင်ချက်​အားလုံးကိုပါ စိတ်ချ​နေ​ကြရအောင်။ ကျွန်တော်တို့မှာ တရားစီရင်​နိုင်စွမ်း မရှိကြောင်း၊ ယေဟောဝါ​မှာ​ပဲ ရှိကြောင်း အသိအမှတ်ပြု​ကြရအောင်။ (ဟေရှာယ ၅၅:၈၊ ၉ ကို ဖတ်ပါ။) သားတော် ဘုရင် ယေရှုဟာ ဖခင် တရား​မျှတ​တာ၊ ကရုဏာ ရှိတာကို အပြည့်အဝ အတုယူတယ်။ ဒါကြောင့် တရားစီရင်ခြင်း ကိစ္စ​အဝဝ​ကို ယေဟောဝါနဲ့ ယေရှု​ဆီ စိတ်ချလက်ချ အပ်​ထား​ကြရအောင်။ (ဟေရှာ. ၁၁:၃၊ ၄) ကြီးစွာသောဒုက္ခအတွင်း​မှာ လူတွေကို ယေဟောဝါနဲ့ ယေရှု ဘယ်လို တရားစီရင်​မလဲ။ ကျွန်တော်တို့ ဘာတွေ မသိသလဲ။ ဘာတွေ သိသလဲ။ ဒီ​မေးခွန်းတွေကို နောက်ဆောင်းပါးမှာ သုံးသပ်​သွားပါမယ်။