Troa Qaja Aloinyi Iehova “O Drai”

¹ Kola mama ngöne la Salamo 145:2 la ketre hna thingehnaeane hnei Davita joxu ka qaja koi Iehova kola hape, “Tro ni a qaja aloinyi cilie o drai, me atrune la atesiwa i cilie epin epine palua.” Easë fe, hetre kepine matre loi e tro fe së a hane a qaja aloine la Tretretro së e koho hnengödrai, me atrunyi Nyidrë! Ngo tro së a nyitipune tuneka la tulu hna amë pe hnei Davita ene la troa atrune la mus i Iehova “o drai”?

² Loi e Troa Atraqatre Ngöne La Itre Hni Së La Ole Së Koi Iehova: Maine tro pala hi së a inine la Wesiula i Akötresie, ke, tro hë a atraqatre catre la ole së kowe la itre ewekë hnei Iehova hna kuca ha ekö, me itre hnei Nyidrë hna kuca enehila, memine fe la itre hnei Nyidrëti hna troa kuca thatraqai së elany. Kola tru trootro la madrine së kowe la itre huliwa i Nyidrë ka sheming, nge tro fe a hetre aja the së troa ithahnatane la thiina ka loi i Nyidrë. (Sal. 145:7) Qa ngöne lai, tro ha atraqatre la aja së troa atrunyi Iehova e nöjei ijine ka ijij.

³ Atrunyi Iehova Jë Ngöne La Epuni a Porotrike o Drai: Ngöne la epuni a porotrike memine la itre atr ka lapa ezi epun, me itre sine ini, me itre sine huliwa, me itre xane ju kö hnei epuni hna ixelë memin e nöjei drai, drei lai itre ijine ka nyimutre ka ijije troa cainöjëne la mejiune i epuni koi angaatr. Maine jë tro la ketre atr ka lapa ezi epuni a ajane troa ithahnatane la ihumuthe ka traqa ngöne la götrane i epun; maine tro la sine ini epuni a hnehengazone la kuci dorog, maine hnengazone pine la kuci ngazo; tro jë la sine huliwa i epuni a qaja la ketre mekune i angeice ngöne la itre nyin hna hnëkëne hnei politik thatraqane la itre xaa jol. Loi e tro së a amamane la itre trepene meköt, me itre hna thingehnaeane qa hnine la Wesiula i Akötresie, pine laka itre ej a amamane la gojenyi ka ijije nyine troa xome enehila, memine la nyin la itre jole cili. Troa ketre manathithi ka tru e hna ithahnatane la itre mekune celë ngöne la “ngöne la ijin ej!”​—Ite Edo. 15:23.

⁴ Tro Pala Hi a Qeje Iehova: Eje hi laka maine atraqatre la ole me madrine ne la ketre atr koi Iehova, ke tro angeice a ajane troa cainöjëne la maca ka loi kowe la ka alanyim. (Sal. 40:8-10) Qa ngöne lai, loi e tro së a isa hnyinge ka hape, ‘Eni kö a thele ngöne la nöjei ijine troa cainöj’? Alanyimu la ka öhne laka maine hnei angatre hna kuca hnyawane la porogarame i angatr, ke, ijije hi tro angatr a xome la huliwa ne pionie lapa. Maine tha ijije kö tro së a hane xome ej, ijije kö tro së a xome la huliwa ne pionie ka ixatua? Pine laka easenyi hë la Drai ne Amekunën, ijine ka ijije hi lai troa huliwa atruny, itre treu lai maac, me eiperem ka ijije troa aelëne la itre hawa ne cainöje së, jëne la huliwa ne pionie ka ixatua.

⁵ Xatuane Jë La Itre Ka Xötrei Traqa Troa Nyitipu Easë Troa Atrunyi Iehova: Kola amekunë së pala hi hnene la drai ne amekunëne la meci Iesu lo itre kepine ka upi së troa ole koi Iehova me atrune la atresiwa i Nyidrë. Ketre sipu ijine lai ka loi nge ka ijije koi së troa ithuecatre kowe la itre hnainin matre tro angatre a hane qaja trongëne la göhmeku i Iehova. Xatua angaatre jë troa wange jëne la thithi la hna qaja ngöne la itre paragarafe 7-9 ngöne la götrane 173-5 e hnine la itus La connaissance qui mène à la vie éternelle. Maine atreine hi angatr, ke, pëkö kepine tro angatr a thipëne troa hane cainöje qa ngöne laka tha majemine kö angatr. Hetre ajane la itretre cainöje ka majemine hnyawa troa amamai angatre la aqane troa cainöjëne la Baselaia. Maine kola ajane hnene la itre ka xötrei traqa troa hane qaja amamane la maca ka loi, ke, nyipi ewekë tro angatr a mejiune laka tro Iehova a xatua angatr.​—Ite Huliwa 4:31; 1 Thes. 2:2.

⁶ Ngöne la easë a catre atrunyi Iehova o drai, ke easë lai a thele la itre manathithi ka epine palua koi së me kowe fe la itre xan.