Porogarame Ne Icasikeu Ne La Huliwa
ITHUEMACANY: Hna nyiqaane ngöne la Huliwa Ne Baselaia celë, troa eje ngöne la Porogarame Ne Icasikeu Ne La Huliwa, la itre mekune ka qeje pengöne la pane Icasikeu Ne La Huliwa ne la treu ka troa xulu. Kola saze tune la matre troa nyihnene elanyi e traqa hmitre ju la itre Huliwa Ne Baselaia, pine laka, hna jëne ketre aqane iupi fë pena ha.
Koi 6 Diseba Me Wiik Cili
Nyima 207
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia.
15 men: “Tui Iehova Thaa Tro Kö a Iwangatrehmekunyi Atr.” Caa menetre ne nyiqaan, nge thupene lai, troa ce ithahnatan. Qeje pengöne jë la hnaewekë hna hape, thaa ka iwangatrehmekunyi atr kö; tune kaa la aqane amamane Iehova lai, nge troa xötrethenge tune kaa la thiina cili ngöne la hna cainöje trootro.—Wange ju la itus, Perspicacité, Volume 1, g. 1192, par. 4-7.
20 men: “Hane Kö Së Drenge Ekö La?” Cainöj nge troa ce ithahnatan. Sipone jë kowe la icasikeu troa qaja la eloine la troa anyimua amexeje la itre eamo; jëne angatre lai a trotrohnine me madrine hnyawa la nyipici.—Wange ju La Tour de Garde ne 15 julai 1995, g. 21-2, me 15 ogas 1993, g. 13-14, par. 10-12.
Nyima 218 me thithi ne nyipun.
Koi 13 Diseba Me Wiike Cili
Nyima 168
10 men: Itre ithuemacanyi koi së. Troa cile fë la hna ithingë. Qaja jë la itre aqane troa sa thenge la itre ibozu ngöne la ijine noel, maine pune macatre pena. Maine hetrenyi pala kö hnine la ekalesia la itre itus, Le plus grand homme, amamane jë la aqane troa huliwane hnyawa itre ej, ngöne lo ijine noel me pune macatre.
15 men: “Ini Ne Cainöje Qaathei Akötresie Göi Macatre 2000.” Cainöje hna kuca hnene la atre thupëne la Ini Ne Cainöje Qaathei Akötresie. Wange hmaca ju la itre ewekë hna saze ngöne la porogarame ne la macatre ka hnyipixe. Troa nyitrepene la xötreqa N. 3 hnene la itre mekune hna xome qa hnine la Traduction du monde nouveau, hna hape, “ Sujets de conversation bibliques. ” Ame N. 4 ke, kola troa sisedrëne me ce wange lo itre atr hnine la itus, La perspicacité grâce aux Écritures, nge ame pë hë ngöne la köni treu tixenuë ne la macatre, ke, troa ce wange la itre mekune hna hape, “ Sujets de conversation bibliques. ” Maine troa mama la hatrene celë (#) ezine la xötreqa cili, haawe, loi e troa kuca lai hnene la trejine trahmany. Xatuane asë jë la itre trejine troa catre e pala hi la Tusi Hmitrötre ngöne la nöjei wiik, me eatrëne la itre xötreqa hna isa athipe thatraqane la ini.
20 men: “Troa Cainöje Tune Kaa Kowe La Itre Wanaithihlë?” Troa ce ithahnatan. Wange hmaca ju la nöjei kepine ka sawa la itre atr troa lapaune koi Akötresie. Qaja jë la itre aqane troa ithahnata me angatr, me xatua angatre troa atreine wai ewekë me kapa laka, ka mele Akötresie. Troa kuca la caasi maine lue iamacanyi ka xoxopatr. Maine kola aja ithuemacany, wange ju la itus, Comment raisonner, g. 106-12, me L’humanité à la recherche de Dieu, mekene 14.
Nyima 220 me thithi ne nyipun.
Koi 20 Diseba Me Wiike Cili
Nyima 219
10 men: Itre ithuemacanyi koi së. Tro la itre xaa trejine a qaja la madrine hnei angatre hna kapa qa ngöne la hna cainöje trootro, ngöne lo itre wiike ka ase hë.
15 men: Aqane Troa Qëmeke Kowe La Itre Mekune Ka Ajolëne La Maca Ka Loi. Troa ce ithahnatan nge itre iamacany. E jë la itre mekune hna hape, “Itre Hnepe Mekun” ngöne g. 15-16 ne la itus, Comment raisonner. Xome jë la luetre maine köni “mekune ka ajolëne la maca ka loi” qa hnine la g. 16-20, maine xome jë pena la itre hna majemine qaja hnene la itre atr ngöne la teritoare së. Wange ju la itre xaa aqane troa sa koi angatr hna hamëne ngöne la itus, nge ithahnatane jë la eloine itre eje ngöne la teritoare së. Iamacanyine jë la itre xan. Sipone jë kowe la itre trejine troa hane qaja la itre mekune hnei angatre hna xom, nge ka hetre thangane ka loi.
20 men: Tro Kö Ni a Kapa La Ketre Huliwa Hna Löthe Hnei Hmi? Troa kuca hnene la ketre qatre thup; troa nyitrepene hnene La Tour de Garde, ne 15 eiperem 1999, g. 28-30. Hna kuca hnene la itre xaa trejine la ketre huliwa, ngo angatre a öhne thupene ka hape, thaa ka ihmeku kö eje memine la itre trepene meköti ne la Tusi Hmitrötr. Wange hmaca ju la itre mekune nyine troa wangatrune hnyawa, ngöne la kola öhnyi huliwa nge kola mama ka hape, ka ce tro memine la itre xaa hmi. Xatuane asë jë la itre trejine troa thele troa hlemu loi pala hi xajawai Iehova.—2 Kor. 6:3, 4, 14-18.
Nyima 109 me thithi ne nyipun.
Koi 27 Diseba Me Wiike Cili
Nyima 166
10 men: Itre ithuemacanyi koi së. Maine kola troa saze hawa ne icasikeu hnene la ekalesia i epun, ngöne la macatre ka hnyipixe, haawe, loi e troa ithuecatre kowe la itre trejine asë troa sine pala hi la itre icasikeu, thenge la itre hawa ka hnyipixe. Thuemacane jë fe la itre hnainine me itre xane ju kö, la itre hna saze göi itre icasikeu, me nyiqaane xome la itre pepa ne ithuemacanyi göi itre icasikeu, ka amamane la porogarame ka hnyipixe. Mekune kö lo itre rapore ne diseba.
15 men: Itre ihaji koi së.
20 men: Loi e troa tro fë la itre itus, L’humanité à la recherche de Dieu, maine La vie: comment est-elle apparue ? Évolution ou création ? ngöne la treu januare. Cainöj me itre iamacany. Xatuane jë la itre trejine troa canga nyiqane xome itre ej. Qaja jë la kepine matre lolo catre la itre itusi cili, ke kola troa ahlëne la aja ne la itre atr kowe la Tusi Hmitrötr. Loi e troa isa amamane ngöne la lue itusi cili la itre mekune nyine troa ce ithahnatan, me itre ceitune nyine troa xome matre troa nyiqaane ithahnata. Iamacanyine jë la caas, maine lue aqane nyiqaane ithahnata. Maine kola drenge hnene la itre atr, loi e troa nyiqaane etid ngöne lo boroshür, Thele.
Nyima 224 me thithi ne nyipun.
Koi 3 Januare Me Wiike Cili
ITHUEMACANY: Thaa tro kö la itre ekalesia a saze la icasikeu thatraqane la Huliwa ne Cainöj ne la wiike ne 3 januare, kowe pena ha la ketre ijin, nge thaa ase pala kö wange la atre thupëne la sirkoskripsio.
Nyima 10
8 men: Itre ithuemacanyi koi së.
17 men: Loi e Tro Sa Atreine Sa La Itre Hnying. (Kol. 4:6) Cainöj nge troa ce ithahnatan. Ka lolo catre la itus Comment raisonner, ke eje a aijijë së troa ce thawa me itre xane la nyipici qa hnine la Tusi Hmitrötr. Maine kola icilekeu hnene la ketre atr, memine la itre ini hne së hna qaja, ke, pane xome jë la götrane ka qeje pengöne la nyine troa sa thenge la ini hna troa ithahnatan, ngöne lo götrane hna hape, “E Qaja Jë La Ketre Atr Ka Hape—” ngöne la pune lai hna cinyihan. Ithahnatane jë la itre mekune göne la Tusi Hmitrötr, hna hamëne ngöne la g. 57-60, nge goeëne ju la eloine la itre mekune nyine ixatua hna hamën.
20 men: “Pine Nemene Matre Loi e Tro Pala Hi Së a Aejëne La Itre Hne Së Hna Qaja?” Cainöje ne la ketre qatre thup; hna xome qa ngöne la zonal, La Tour de Garde ne 15 Semitrepa 1999 g. 8-11.
Nyima 56 me thithi ne nyipun.