“Kuca Jë”—La Huliwa Celë Troa Atrune La Drai Ne Amekunën e 5 Eiperem
1. Pine nemene matre ka sisitria catre la troa atrune la Drai Ne Amekunën?
1 “Kucajë la nyine mekune koi ni.” (Luka 22:19) Iesu a qaja e celë kowe la itretre drei nyidrë troa atrune la meci nyidrë. Hnene laka nyimu ewekë hë hna eatrëne hnene la thupene mel, hawe, ketre drai ka sisitria catre kowe la itre Keresiano la troa atrune la Drai Ne Amekunën ngöne la nöjei macatre. Ame ngöne la macatre celë, kola troa atrune la drai cili e 5 Eiperem. Matre, tune ka la aqane tro sa amamane la hni ne ole së koi Iehova?—Kol. 3:15.
2. Tro sa amamane tune ka la hni ne ole së kowe la Drai Ne Amekunën hna jëne la ini tus me sine thele la itre ewekë?
2 Hnëkë Jë: Hne së hna majemine troa hnëkë hnyawa qëmekene troa sine la ketre ewekë ka sisitria catr. Hawe, qëmekene troa sine la Drai Ne Amekunën, ijije tro sa hnëkëne la itre hni së hnene la hna ce wange memine la hnepe lapa së, la itre ewekë ka traqa ngöne la itre drai qëmekene troa meci hnei Iesu, me sine thele itre ej. (Ezera 7:10) Hna cinyihane wengëne la itre xa xötre ngöne la idrai memine lo sine itus hna hape, Examinons les Écritures chaque jour. Kolo mina fe a qeje pengöne hnyawa la itre drai cili ngöne la itus Atr Ka Tru, me ngöne la zonal La Tour de Garde ne 1 Febuare 2011, götrane 23-24.
3. Tro sa amamane tune ka la hni ne ole së kowe la Drai Ne Amekunën, hnene la hna catre cainöj?
3 Cainöje Jë: Easë fe a amamane la hni ne ole së hnene la hna catre cainöj. (Luka 6:45) Qane e Mecixeni 17 Maac, easa troa nyiqane hëne la itre atr cailo fen, matre tro angatr a hane sine la Drai Ne Amekunën. Hapeu, ijije kö tro epuni a eköthe la porogarame i epun matre troa hane catre cainöj, tune la troa ketre pionie ka ixatua? Tune ka matre troa ce ithanatane lai memine la hnepe lapa i epun ngöne la heji ne Hmi Ne La Hnepe Lapa?
4. Nemene la itre manathithi hna kapa qa ngöne la hna sine la Drai Ne Amekunën?
4 Nyimu manathithi hne së hna kapa qa ngöne la hna sine la Drai Ne Amekunën ngöne la nöjei macatre! Kola kökötre la madrine së me ihnimi së koi Akötresie, ngöne la easa sine thele la aqane hamëne Iehova la Nekö i Nyidrëti ka cas nyine thupene mel. (Ioane 3:16; 1 Ioane 4:9, 10) Kolo lai a upi së troa lapa mekune ka hape, tha tro hmaca kö sa mele koi së kö. (2 Kor. 5:14, 15) Ketre, kolo fe a akökötrene e kuhu hni së la ajane troa atrunyi Iehova qëmekene la nöjei atr. (Sal. 102:19-21) Qa ngöne lai kola lapa treqene hnene la itre hlue i Iehova ka hetre hni ne ole, troa ‘qaja amamane la meci ne la Joxu’ ngöne la kola atrune la Drai Ne Amekunën e 5 Eiperem.—1 Kor. 11:26.