Mme Esoputom Eke September
Urua Ọtọn̄ọde September 6
Ikwọ 190
Min. 7: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.
Min. 18: “N̄wam Mbon En̄wen Ẹnyene Nnennen Ifiọk.” Mbụme ye ibọrọ. Sọn̄ọ tịn̄ ufọn edinyene unyịme edem mbiba ye owo. Nam nneme kiet m̀mê iba ẹmi ẹma ẹketịm idem mfọn mfọn wụt.
Min. 20: “Mbono District ‘Ntịn̄nnịm Ikọ Abasi’ eke 1999.” (Ikpehe ekikere 1-9) Mbụme ye ibọrọ. Kot ikpehe ekikere 6 ye 8. Sọn̄ọ tịn̄ mme ntak ikpenyenede ndidụk ofụri mbono emi, esịnede mme ikpehe edinam Friday. Sọn̄ọ tịn̄ ufọn editiene ndausụn̄ N̄ka ke ndikama udia uwemeyo nnyịn n̄ka mbono usen kiet kiet.
Ikwọ 19 ye akam ediberi.
Urua Ọtọn̄ọde September 13
Ikwọ 171
Min. 10: Mme ntọt n̄kann̄kụk ye mme ifiọkutom an̄wautom.
Min. 15: Nnyịn Ikanam Didie Isua Oko? Utịn̄ikọ emi esenyịn utom ọnọde. Dụn̄ọde mme akpan n̄kpọ udọn̄ ẹtode ibatutom esop eke isua utom 1999. Toro ban̄a nti utom ẹkenamde. Sio mme ebiet ẹkpeyomde ẹnam n̄kọri wụt. Wụk ekikere ke nte esop anamde ke edidụk mbono esop ye ke edinịm mme ukpepn̄kpọ Bible. Wụt nti utịtmbuba eke isua emi edide.
Min. 20: “Mbono District ‘Ntịn̄nnịm Ikọ Abasi’ eke 1999.” (Ikpehe ekikere 10-21) Mbụme ye ibọrọ. Kot ikpehe ekikere 15 ye 16. Da mme itien̄wed oro ẹkotde ẹnyụn̄ ẹsiakde ẹsịn ndisọn̄ọ n̄wụt ntak emi usịnen̄kpọ, ukamaidem, ye edu uwem ẹdide mme n̄kpọ ẹyomde nnyịn inọ ata ntịn̄enyịn.
Ikwọ 29 ye akam ediberi.
Urua Ọtọn̄ọde September 20
Ikwọ 193
Min. 12: Mme ntọt n̄kann̄kụk. Ntọt ibatokụk.
Min. 15: “Mme Ete ye Eka—Ẹnịm Eti Uwụtn̄kpọ ẹnọ Nditọ Mbufo.” Ebiowo ọnọ ibio ibio ntọn̄ọikọ, ekem nditọete iba oro ẹdide mme ete ẹneme ibuotikọ. Mmọ ẹtịn̄ nte mmọ ẹkerede ẹban̄a edikpeme nditọ mbiọn̄ọ mme etikwo etikwo edu oro ẹsiode mmọ ẹnyan ẹnọ ke ufọkn̄wed, ke ekebe ndise, ye mme iman ye mbon eken ẹmi mîdịghe mme Ntiense. Nditọete ẹmi ẹkere ẹban̄a mme edu oro mîwụtke ukpono, utịn̄ikọ ye ukamaidem ererimbot, ye unọ idem inemesịt oro mîdotke. Ke ẹma ẹkekere ẹban̄a ufọn edinịm eti uwụtn̄kpọ, mmọ ẹneme mme usụn̄ ndikọri ifiopesịt nnọ ukpepn̄kpọ ubon, mme mbono esop, ye utom an̄wautom.—Se Enyọn̄-Ukpeme eke July 1, 1999, page 8-22, ye Awake! eke September 22, 1991, page 8-9.
Min. 18: Ndikpeme Eti Enyịn̄. Utịn̄ikọ emi ebiowo ọnọde. Ẹsikọri eti enyịn̄ ebe ke ediwak n̄kpri edinam ẹmi ẹnamde ke ndusụk ikpehe ini. Etop nnyịn ọwọrọ nsịt nsịt ebe ke mme edinam oro nnyịn inamde. Ke n̄kan̄ eken, ndudue kiet ekeme ndibiat eti enyịn̄ nnyịn. Ada sụk esisịt inua-okot ndisịme ido—eyedi afai afai ibụmede iyatesịt, edida n̄kpọsọn̄ mmịn mbe ubọk, ndedehe edinam idan̄ kiet—ndibiat eti etop. (Eccl. 10:1; N̄ke 6:32; 14:17; 20:21) Do, edi akpan n̄kpọ didie ntem ete nnyịn idomo ndinyene eti enyịn̄ inyụn̄ inam utom ifịk ifịk ndikpeme enye.—Men Ediyarade 3:5 domo.
Ikwọ 175 ye akam ediberi.
Urua Ọtọn̄ọde September 27
Ikwọ 141
Min. 15: Mme ntọt n̄kann̄kụk. Ti mme asuanetop ẹtọt ibatutom an̄wautom eke September. Sịn udọn̄ nọ kpukpru owo ẹnam ndutịm ndinyene ọyọhọ ebuana ke utom edisuan magazine ke October. Dụn̄ọde ndusụk ekikere ẹmi ẹkedude ke Utom Obio Ubọn̄ Nnyịn eke October 1996, page 8, kaban̄a nte ẹkpetịmde mme nneme. Ke akamade mme magazine eke ndondo emi, siak ndusụk akpan n̄kpọ ndida nnyene nneme nyụn̄ nam ibio ibio nneme kiet m̀mê iba wụt.
Min. 15: Ekebe Mbụme. Utịn̄ikọ emi ebiowo ọnọde.
Min. 15: “Nte Afo ke Anam Utom ye Uduak?” Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ. Sịn se ẹtịn̄de ke n̄wed Utom Nnyịn, page 88-89. Sịn udọn̄ nọ kpukpru owo ndinyene iwụk nnyụn̄ nnam utom ukwọrọikọ mmọ ọyọhọ ọyọhọ.
Ikwọ 106 ye akam ediberi.