Ndutịm Esoputom

TỊM FIỌK: Utom Obio Ubọn̄ Nnyịn oyodiomi Esoputom ọnọ urua kiet kiet ke ini akamba mbono. Mme esop ẹkeme ndinam mme ukpụhọde nte ẹyomde man ẹyak ufan̄ ẹnọ edidụk Mbono District “Ifịk Ifịk Mme Anditan̄a Obio Ubọn̄.” Ke ebiet odotde, ẹda minit 15 ke akpatre Esoputom mbemiso ẹdụkde mbono ẹfiak ẹdụn̄ọde akpan item oro ẹkpedade ẹnam n̄kpọ ke n̄kann̄kụk ke esịne-esịt ọfiọn̄ emi. Ke ọfiọn̄ February 2003, ẹyenam ndutịm ke ofụri Esoputom ndida ndụn̄ọde mme akpan n̄kpọ akamba mbono oro. Ke nditịm idem nnọ nneme oro, kpukpru nnyịn imekeme ndiwet mme akpan n̄kpọ ke mbono, esịnede mme akpan n̄kpọ oro nnyịn iyomde ndida nsịn ke edinam ke uwem nnyịn ye ke an̄wautom. Do nnyịn iyekeme ndinam an̄wan̄a nte nnyịn ikadade mme ekikere oro isịn ke edinam tọn̄ọ nte ikọnyọn̄ mbono. Edidi n̄kpọ oro ọnọde nsịnudọn̄ edem mbiba ndikop nte kiet eken ẹtịn̄de nte mmọ ẹkebọde ufọn ẹto nti item oro ẹkekopde.

Urua Ọtọn̄ọde September 9

Ikwọ 209

Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere ke page 8, sịn nnamn̄wụt iba ke nte ẹnọde Enyọn̄-Ukpeme September 15 ye Awake! September 22. Ke nnamn̄wụt kiet kiet, wụt nsio nsio usụn̄ oro ẹkemede ndibọrọ mme ikọ utre nneme emi “Ami nnyeneke udọn̄ ke Mme Ntiense Jehovah.”—Se ekpri n̄wed Nte Ẹkpetọn̄ọde, page 9-10.

Min. 15: “San̄asan̄a Nsịnudọn̄ Edem Mbiba.” Utịn̄ikọ. Nam ẹkụt ufọn edidụk mbono district. Sịn udọn̄ nọ kpukpru owo ndidu ke ofụri ikpehe, ọtọn̄ọde ke usenubọk Friday tutu esịm mbubịteyo Sunday.

Min. 15: “Ẹbịne Se Ifọnde Kpukpru Ini.”a Sọn̄ọ tịn̄ ke oyom ẹtiene ndutịm ufọkidụn̄ oro ẹnamde ke ufọn nnyịn. Dori nsọn̄uyo ke n̄kpọ editi inan̄ oro ẹdude ke ikpehe ekikere 2. Nam an̄wan̄a ntak edide akpan n̄kpọ kpukpru owo ndinyene eti edu uwem.

Ikwọ 115 ye akam ediberi.

Urua Ọtọn̄ọde September 16

Ikwọ 163

Min. 10: Mme ntọt n̄kann̄kụk. Ntọt ibatokụk.

Min. 15: “Yụhọ Udọn̄ N̄kpọ eke Spirit Fo.” Utịn̄ikọ ye nneme otuowo. Ẹneme ntak oro kpukpru owo ẹkpenyenede nditịm nnọ n̄kpan̄utọn̄ ke ndutịm mbono. Sọn̄ọ tịn̄ ke oyom inanam se nnyịn ikpepde, idịghe ndikokop ikpọn̄. Neme ntọt eke enyọn̄ emi aban̄ade se ẹdiomide ẹnọ Esoputom ke February 2003, emi ẹdidụn̄ọrede mme akpan n̄kpọ mbono district. Sịn udọn̄ nọ kpukpru owo ndiwet mme akpan n̄kpọ nnịm. Dọhọ ẹtịn̄ ibio ibio ẹban̄a mme ufọn oro ẹkebọde ẹto ndutịm isua oko.

Min. 20: “Ọfọn̄ ye Ukamaidem Oro Ẹdotde.”b Ebiowo edise aban̄a, emi edikotde ikpehe ekikere kiet kiet ke ẹnemede enye ẹma. Nam kpukpru owo ẹkụt ntak emi edide akpan n̄kpọ ndikpeme nte ikamade idem ke otuowo.

Ikwọ 169 ye akam ediberi.

Urua Ọtọn̄ọde September 23

Ikwọ 107

Min. 10: Mme ntọt n̄kann̄kụk. Ke adade mme ekikere ẹdude ke page 8, dọhọ ebiowo anam owụt nte ẹkpenọde Enyọn̄-Ukpeme October 1, nyụn̄ dọhọ asan̄autom unamutom anam owụt nte ẹkpenọde Awake! October 8. Ke nnamn̄wụt kiet kiet okụrede, fiak tịn̄ ntọn̄ọikọ kiet m̀mê iba oro ẹkedade ẹdemede udọn̄ enyeneufọk.

Min. 20: “Ndin̄wam Mbon Efen Ẹnọ Jehovah Ubọn̄.”c Nte ini ayakde, siak akpan n̄kpọ kiet m̀mê iba oro ẹnyenede ebuana ke n̄wed Reasoning, page 196-199.

Min. 15: Ndisọn̄ọ Nda nnọ Akpanikọ ke Ufọkn̄wed. Nam ndụn̄ọde ye ekpri asuanetop kiet m̀mê iba oro ẹfiakde ẹnyọn̄ ufọkn̄wed ẹnyụn̄ ẹkụtde ke oyom isụhọde nte idụkde nsan̄a ye mme nsan̄a ubet ukpepn̄kpọ oro mînịmke ke akpanikọ. Didie ke mmọ ẹdiomi ndise mban̄a mme mfịna ye mme n̄kpọ etabi ẹtode mme edinam ufreidụt, unek ye usọrọ ufọkn̄wed, mbre mbuba ini usuana n̄wed, ye ndedehe edu? Nam ẹtịn̄ mme usụn̄ oro mmọ ẹdiomide ndinọ ikọ ntiense ke ufọkn̄wed.

Ikwọ 171 ye akam ediberi.

Urua Ọtọn̄ọde September 30

Ikwọ 116

Min. 5: Mme ntọt n̄kann̄kụk. Ti mme asuanetop ndinọ ibatutom an̄wautom eke September.

Min. 10: Mme udọn̄ n̄kann̄kụk.

Min. 15: Nso Inam Mme Magazine Nnyịn Ẹdi N̄wọrọnda? Utịn̄ikọ ye nneme otuowo. Ke October nnyịn idinọ Enyọn̄-Ukpeme ye Awake! Tịn̄ se inamde mme magazine emi ẹdi n̄wọrọnda: (1) Mmọ ẹmenede enyịn̄ Jehovah ke enyọn̄. (2) Mmọ ẹsịn udọn̄ ẹnọ owo ndinyene mbuọtidem ke Jesus. (3) Mmọ ẹtan̄a Obio Ubọn̄ Abasi. (4) Mmọ ẹdụri ntịn̄enyịn ẹka Bible nte ebiet emi akpatre ubiere otode. (5) Mmọ ẹnam nte mme ntịn̄nnịm ikọ Bible ẹsude ẹn̄wan̄a. (6) Mmọ ẹnam se mme n̄kpọntịbe ererimbot ẹnen̄erede ẹwọrọ an̄wan̄a. (7) Mmọ ẹwụt nte ẹkpeyọde mme mfịna oro ẹdude mfịn. (8) Mmọ ẹdemede udọn̄ mme owo ẹdude ke nsio nsio idaha ke uwem. (9) Mmọ ẹda san̄asan̄a ẹkpọn̄ ukaraidem. Dọhọ ẹnam mbio mbio nnamn̄wụt iba, emi kiet kiet owụtde nte ẹkemede ndida kiet ke otu akpan n̄kpọ emi ntọn̄ọ nneme.

Min. 15: “Wụt Esịtekọm Ban̄a Inyene Ukara Abasi.”d Ebiowo edise aban̄a. Sịn mme n̄kpọ oro ẹkụtde ke n̄kann̄kụk ye nte esop ekemede ndida mme n̄wed nnyịn nnam n̄kpọ ọniọn̄ ọniọn̄. Sịn udọn̄ nọ kpukpru owo ndibọ sụk mme n̄wed oro ẹnen̄erede ẹyom. Ti ifet edida okụk n̄n̄wam ke utom ofụri ererimbot.—Se “Ẹbuana N̄kpọ ye Mbon En̄wen nte Ekemde ye Unana Mmọ,” ke Utom Obio Ubọn̄ Nnyịn eke July 2000, page 3.

Ikwọ 21 ye akam ediberi.

Urua Ọtọn̄ọde October 7

Ikwọ 129

Min. 10: Mme ntọt n̄kann̄kụk.

Min. 15: Nnyịn Ikanam Didie Isua Oko? Utịn̄ikọ emi esenyịn utom ọnọde. Tịn̄ ibatutom esop eke isua utom 2002. Toro kpukpru owo ke nti utom oro mmọ ẹkenamde. Wụk ntịn̄enyịn ke nte esop akanamde n̄kpọ ke edidụk mme mbono esop, ke mfiakn̄ka, ye mme ukpepn̄kpọ Bible, ye ke usiakusụn̄ unọ un̄wam, ọnọde nti ekikere ke nte ẹkemede ndinam n̄kọri. Nịm nti utịtmbuba ke isua emi edide.

Min. 20: “Feb Ndibịne ‘Mme Ikpîkpu N̄kpọ’”e Ke ama ekeneme ikpehe ekikere 4, sịn ikọ otode esịne-esịt Utom Obio Ubọn̄ Nnyịn eke November 1999, ikpehe ekikere 30-32.Ke ini enemede ikpehe ekikere 5, sịn ikọ otode ekebe oro odude ke Enyọn̄-Ukpeme, October 1, 1994, page 8. Ke ikpehe ekikere 6, kot ikpehe ekikere 18 ke esịne-esịt eke November 1999.

Ikwọ 105 ye akam ediberi.

[Mme ikọ idakisọn̄]