Kauring Ibukin Itera 3
Maroroakin titiraki aikai ma am tia reirei:
- Wareka Taeka N Rabakau 27:11. - Bukin tera bwa ko kani kakaonimaki ni koaua nakon Iehova? - (Nora Reirei 34.) 
 
- Ko na kangaa ni karaoi motinnano aika raraoi, ngkana akea n te Baibara te tua ae mataata iai? - (Nora Reirei 35.) 
- Ko na kangaa ni bwabwaina te koaua ni bwaai ni kabane? - (Nora Reirei 36.) 
- Wareka Mataio 6:33. - Ko na kangaa n teimatoa n “ukoukora moa ana Tautaeka n Uea te Atua” ao tiaki te mwakuri ao te mwane? - (Nora Reirei 37.) 
 
- Baikara aanga tabeua aika ko kona iai ni kaotia bwa e kakawaki iroum te maiu n aroni kakawakina iroun Iehova? - (Nora Reirei 38.) 
- Wareka Mwakuri 15:29. - Ko na kangaa n ongeaba n ana tua Iehova ibukin te raraa? 
- N am iango, a riai ana kaetieti aikai? - (Nora Reirei 39.) 
 
- Wareka 2 I-Korinto 7:1. - Tera ae nanonaki n te itiaki n te aro n rabwata ao n te aroaro ni maiu? - (Nora Reirei 40.) 
 
- Wareka 1 I-Korinto 6:9, 10. - Tera ae taekinaki n te Baibara ibukin te wene n taanga? Ko kakoauaa anne? 
- Tera ana kaetieti te Baibara ibukini kamanenaan te kamanging? 
 
- Wareka Mataio 19:4-6, 9. - Tera ana kaetieti te Atua ibukin te mare? 
- E aera ngkai e riai ni karinaki n te tua mwin te mare ao te buuraure? - (Nora Reirei 42.) 
 
- Baikara bukamaru ke boongi ni motirawa aika e aki kukurei iai Iehova, ao bukin tera? - (Nora Reirei 44.) 
- Wareka Ioane 17:16 ao Mwakuri 5:29. - Ko na kangaa n tei i nuka? 
- Ngkana e kauntaba aia tua aomata ao ana tua te Atua, tera ae ko na karaoia? - (Nora Reirei 45.) 
 
- Wareka Mareko 12:30. - Ko na kangaa ni kaotia bwa ko tangira Iehova?