Miting sa Serbisyo Para sa Hunyo
Semana sang Hunyo 5-11
10 min: Lokal nga mga pahibalo kag pinili nga Mga Pahibalo gikan sa Ang Aton Ministeryo sang Ginharian.
15 min: “Si Jehova Nagahatag sing Gahom.” Pamangkot kag sabat. Isaysay ang eksperiensia sa Pebrero 1, 1992, Lalantawan, pahina 32.
20 min: “Si Jehova ang Aton Manunuga.” Paghinun-anon upod sa tumalambong. Maghatag sing duha ka pasundayag nga nagapakita kon paano gamiton ang ginpanugda nga mga presentasyon. Ilakip ang pila ka malip-ot nga mga panugda kon paano maghimo sing pagduaw liwat, nagatatap sang mga napahamtangan sing Kingdom News nga ginpanagtag sang Abril kag Mayo.
Ambahanon 17 kag nagatakop nga pangamuyo.
Semana sang Hunyo 12-18
10 min: Lokal nga mga pahibalo. Report sa kwenta.
17 min: “Si Cristo Subong Huwaran Para sa mga Pamatan-on.” Pamangkot kag sabat. ilakip ang pila ka komento tuhoy sa sining tema gikan sa Septiembre 1, 1986, Lalantawan, pahina 4-6.
18 min: “Buligi Yadtong Wala sing Pagtuo.” Ginarepaso sang konduktor sang Pagtinuon sa Libro sang Kongregasyon ang artikulo upod sa duha ukon tatlo ka manugbantala kag nian ginapaathag kon paano gamiton ang materyal. Nagaensayo sila paagi sa pagpasundayag sang ila mga presentasyon sa isa kag isa.
Ambahanon 122 kag nagatakop nga pangamuyo.
Semana sang Hunyo 19-25
10 min: Lokal nga mga pahibalo.
18 min: Kilalaha ang Iban. Pamulongpulong sang isa ka gulang, pasad sa Disiembre 1, 1994, Lalantawan, pahina 28-30. Ipadaku ang kinahanglanon nga pakitaan sing kadungganan kag mahigugmaon nga pag-ulikid ang iban sa kongregasyon.
17 min: “Gamita sing Maayo ang Imo Tion.” Pamangkot kag sabat. Nahanungod sa tion nga ginahinguyang sa pagtan-aw sing TV, repasuha ang mga panugda sa ubos sang subtitulo nga “Taking Control,” sa pahina 11 sang Mayo 22, 1991, Awake!
Ambahanon 208 kag nagatakop nga pangamuyo.
Semana sang Hun. 26–Hul. 2
15 min: Lokal nga mga pahibalo. Ipaathag sa malip-ot ang importansia sang paghimo sing mga pagduaw liwat: Ang daku nga bahin sang aton hilikuton sa pagtudlo ginahimo kon nagabalik kita sa pagpa1ambo sang interes. Pila lamang ang magauswag sa espirituwal paagi sa literatura lamang. Kon indi kita maghimo sing mga pagduaw liwat, mawasi naton ang aton labing maayo nga kahigayunan agod buligan sila. Ang mga pagduaw liwat nagaresulta sa mga pagtuon sa Biblia. Madamong manugbantala ang nakatigayon sing labing maayo nga mga resulta paagi sa pagbalik sa sulod sang isa ukon duha ka adlaw sa baylo sang paghulat sing isa ka semana.—Tan-awa ang Aton Ministeryo nga libro, pahina 88-9.
12 min: Pamangkot. Pamangkot kag sabat. Magkomento sing dugang pasad sa School Guidebook, pahina 91-2.
18 min: Repasuha ang tanyag nga literatura sa Hulyo. Ipaathag ang talalupangdon nga mga bahin sang mga brosyur nga yara sa istak sang kongregasyon. Ipapasundayag sa malip-ot sa mga manugbantala kon paano ini matanyag sa ganhaan. Halimbawa: Nagaulikid Gid Bala ang Dios sa Aton? (Buksi sa pahina 26-7, ipakita ang mga ilustrasyon, kag ipaathag ang isa sa mga kasulatan nahanungod sa nagapakari nga Paraiso.) Ano ang Katuyuan sang Kabuhi? (Buksi sa pahina 30-1, binagbinaga ang isa sa mga ginbalikwat nga mga kasulatan, kag ipaathag ang ilustrasyon.) Kon ang Isa nga Ginahigugma Mo Mapatay. (Ipatalupangod ang mga pamangkot nga ginbangon sa pahina 2, kag nian magkomento sa isa ukon duha ka makapalugpay nga Makasulatanhon nga mga panghunahuna nga masapwan sa pahina 31.) Pahibalua ang kongregasyon kon anong mga brosyur ang yara karon sa istak.