Mga Miting sa Serbisyo Para sa Oktubre
Semana sang Oktubre 4
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Binagbinaga ang mga punto nga mahambalan gikan sa pinakaulihi nga mga guwa sang Ang Lalantawan kag Magmata! kag ipakita kon paano ini magamit sa pagtanyag sing mga magasin sining talipuspusan sang semana. Palig-una ang tanan sa pagtanyag sing mga suskripsion kon nagakaigo, ilabi na sa mga pagduaw liwat ukon sa mga ruta sa magasin.
17 min: “Ang Katinlo Nagapadungog kay Jehova.” Pamangkot-kag-sabat nga pagtuptop sang isa ka gulang. Maghinakop paagi sa malip-ot nga pamulongpulong nga nagarepaso sang laygay nga ginhatag sa Hunyo 1, 1989, Lalantawan, pahina 15-20, nagagamit sang mga punto nga nagakaigo sa lokal nga kongregasyon.
18 min: Mangin Mahunahunaon sa mga Magasin! Ihatag ang kabug-usan nga kadamuon sang mga magasin nga napahamtang sang kongregasyon sang nagligad nga bulan. Kamusta ini kon ipaanggid sa kadamuon nga ginabaton gikan sa Sosiedad? Kon may daku nga kinatuhayan, ano ang dapat himuon? Agdaha ang tumalambong sa pagkomento sa masunod: (1) Ang tagsa ka manugbantala dapat mag-order sing bastante apang nagakaigo nga suplay. (2) Tamda ang tagsa ka Sabado subong Adlaw sang Magasin. (3) Himusa ang inyo personal nga iskedyul sa pag-alagad sa paglakip sing pagpanghikot sa magasin kada bulan. (4) Magplano sa paghimo sing dugang pa nga di-pormal nga pagpanaksi nga nagagamit sing mga magasin sa pagsugod sing mga paghambalanay. (5) Magdala sing pinasahi nga mga artikulo sa mga negosyante kag mga propesyonal nga mahimo gid nga mangin interesado sa sini. (6) Maghupot sing husto nga rekord sang mga napahamtang, kag magtukod sing ruta sa magasin, nagabalik sing regular nga dala ang pinakaulihi nga mga guwa. (7) Gamita sing maayo ang bisan anong daan nga mga kopya sang magasin agod wala sing magtumpok. Dumduma nga ang materyal sa daan nga mga guwa sibu-sa-tion gihapon kag mapuslanon sa mga masugilanon naton sa ministeryo, gani indi kita dapat mangin negatibo sa pagtanyag sini. Ipakita ang bag-o nga mga magasin, kag ipatalupangod ang mga artikulo nga mahimo makapukaw sing interes. Ipapasundayag sa isa ka adulto kag sa isa ka bata ang malip-ot nga pagtanyag sing magasin.—Tan-awa ang Enero 1996 nga suplemento sang Ang Aton Ministeryo sa Ginharian.
Ambahanon 105 kag nagatakop nga pangamuyo.
Semana sang Oktubre 11
10 min: Lokal nga mga pahibalo. Report sa kuwenta.
15 min: Lokal nga mga kinahanglanon.
20 min: “Kon Paano Maagom ang Labi Pa nga Kalipay Gikan sa mga Miting.” Pamangkot kag sabat. Maghatag sing espesipiko nga mga halimbawa kon paano naton mapakita ang patugsiling kag mangin makapalig-on sa isa kag isa sa mga miting. Agdaha ang tumalambong sa pagsaysay sing mga halimbawa gikan sa ila mismo mga eksperiensia.
Ambahanon 152 kag nagatakop nga pangamuyo.
Semana sang Oktubre 18
10 min: Lokal nga mga pahibalo kag mga eksperiensia sa pag-alagad sa latagon.
13 min: “Magasaylo Bala Kamo?” Isa ka makapalig-on nga pamulongpulong sang sekretaryo. Kon nakita sang mga manugbantala nga kinahanglan nga magsaylo sila sa lain nga kongregasyon, importante nga makapasibu sila sing maayo sa ila bag-o nga mga palibot agod padayon sila nga mag-uswag sa espirituwal. Ipadaku ang kinahanglanon nga pahibaluon sing abanse ang mga gulang tuhoy sini nga mga plano kon mahimo kag pangayuon ang ila bulig sa pagpakig-angot sa bag-ong kongregasyon. Kinahanglanon ini ilabi na kon nagasaylo sa lain nga pungsod kay madamo sang aton mga kauturan ang may masubo nga mga eksperiensia bangod napahilayo sa teokratikong pagpakig-upod sa pungsod sa luwas.
22 min: “Ano ang Isiling Ninyo sa Isa ka Judiyo?” Pamangkot kag sabat. Ipaathag ang mga kinatuhayan sa ulot sang Ortodokso, Reform kag Konserbatibo nga Judaismo. (Tan-awa ang Mankind’s Search for God, pahina 226-7.) Ipatalupangod ang mga bahin diin mahimo naton matukod ang ginaugyunan nga sadsaran sa isa ka Judiyo. Ipasundayag ang isa ka nahanda-sing-maayo nga presentasyon. Para sa dugang nga impormasyon tuhoy sa Judaismo, tan-awa ang Reasoning nga libro, pahina 22-3 kag Mankind’s Search for God, kapitulo 9.
Ambahanon 142 kag nagatakop nga pangamuyo.
Semana sang Oktubre 25
15 min: Lokal nga mga pahibalo. Buligi ang tanan sa paghanda sa pagtanyag sing Ginapatuman nga brosyur ukon sing Ihibalo nga libro sa Nobiembre. Ipaathag kon paano maghanda sing isa ka presentasyon nga natuon sa pamangkot, “Ginasabat bala sang Dios ang mga pangamuyo?” Gamita ang mga punto gikan sa leksion 7 sa brosyur ukon kapitulo 16, parapo 12-14, sa libro. Ipasundayag ang isa ka simple nga presentasyon nga nagalakip sing isa ka kasulatan.
15 min: Pagpangita Sing mga Sabat sa mga Pamangkot sa Biblia. Isa ka ministeryal nga alagad ang ginpalapitan sang isa ka manugbantala nga nakasumalang sing interesado nga may pamangkot sa Biblia. Sa baylo nga ihatag ang sabat, ginapaathag sang ministeryal nga alagad kon paano ini pangitaon. Una, ginarepaso niya ang mga panugda nga makita sa School Guidebook, study 7, parapo 8-9. Dayon, magkaupod sila nga nagapanalawsaw sa pamangkot nga kinaandan nga ginapautwas sa lokal nga teritoryo. Ginatan-aw nila ang espesipiko nga mga reperensia nga nagahinun-anon sa topiko kag ginapangita ang makakumbinsi nga mga punto nga nagapaathag sang sadsaran nga rason para sa sabat sang Biblia. Palig-una ang tumalambong nga himuon ini nga sahi sang mapuslanon nga pagtuon sa pagpanalawsaw sa mga pamangkot sa Biblia.
15 min: Mga Tulumuron nga Mahimo Naton Mapahamtang. Pamulongpulong kag pagbinagbinag sa tumalambong. Repasuha ang praktikal nga mga tulumuron nga ginbalay sa kahon sa pahina 11 sang Marso 15, 1997, Lalantawan. Ilakip ang pagpalig-on sa pagpakigbahin sa auxiliary ukon regular payunir nga pag-alagad. Ipaathag kon paano kita personal nga makabenepisyo paagi sa paglab-ot sa sining mga tulumuron. Agdaha ang tumalambong sa pagsaysay sang nabatyagan nila nga kalipay sang malab-ot nila ang pila ka teokratikong mga tulumuron.
Ambahanon 151 kag nagatakop nga pangamuyo.