Hesiai Hebou Ena Sediual

September 9 Purana

Ane 209

13 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Rau 4 dekenai idia noho herevadia gaukaralaia, haheitalai rua amo Gima Kohorona hariharilaia bona Awake! hariharilaia daladia hahedinaraia. Bema ai gwauraia magasin idia noho lasi, hua gunana amo magasin hariharilaia dalana ta gaukaralaia. Idia ruaosi lalonai, ura lasi herevana “Lau ura lasi Iehova ena Witnes taudia edia hereva lau kamonai” hanaia daladia hahedinaraia.​​—Herevalaia bukana, rau 20-1 itaia.

17 min: “Ma Haida Ita Durua Iehova Idia Hanamoa Totona.”a Bema nega ia hegeregere, Herevalaia bukana ena rau 196-8 amo hereva ta eiava rua gwauraia.

15 min: Dahaka Dainai Abidadama be Lasi? Helai taudia ida kikilaia. Nega momo ita ese abidadama maragi taudia ita davaria. (2 Tes. 3:2) Ita ese Iehova ena sivarai momokanina idia dekenai ita herevalaia totona, namona be ita tahua guna dahaka dainai Dirava dekenai unai bamona idia laloa. Herevalaia bukana ena rau 25-6 dekenai idia noho gau 4 oi kikilaia, unai gaudia ese taunimanima idia koua diba abidadama idia abia lasi totona. Helai taudia oi noia unai gau ta ta dekenai idia gaukaralaia lalohadaina idia gwauraia hedinarai totona. Lalona veria hereva henia dalana ena ekspiriens ta oi gwauraia eiava July-September, 1994, Noga! ena rau 14-15 dekenai ia noho ekspiriens oi gaukaralaia.

Ane 122 bona guriguri.

September 16 Purana

Ane 163

10 min: Kongregesen ena hadibaia herevadia. Akaun ripotina.

18 min: Lagani Gunana Lalonai Dahaka Ita Karaia? Haroro naria tauna ese inai hereva ia henia. Hesiai lagani 2002 ena kongregesen ripotina amo gau haida gwauraia. Idia karaia gau namodia dainai helai taudia hanamoa. Hebou lao henia karana, lou henia bona Baibel stadi karadia, bona heduru painia gaukara lalonai kongregesen ena gaukara gwauraia, bona do idia hanamoa totona heduru herevadia gwauraia. Lagani matamata totona tahua gaudia namodia gwauraia.

17 min: Adavana Lasi Tama o Sina ese Idia Davaria Hekwakwanai. Elda ta ese adavana lasi tama o sina (eiava edia adavana be Witnes lasi taudia) ta eiava rua ia henanadai henia, edia natudia idia hadibaia, idia matahakani henia, bona lauma dalanai idia hakaua lalonai idia davaria hekwakwanai hanaia daladia do idia herevalaia. Edena dala ai idia ese ruma bese ena maduna idia huaia bona hanaihanai hebou bona haroro gaukara idia lao henia? Ruma Bese Hamoalea bukana ena rau 104-10 dekenai idia noho heduru herevadia haida gwauraia hedinarai. Rau 113-15 dekenai idia noho herevadia bamona, ma haida ese heduru idia henia diba daladia oi hahedinaraia.

Ane 149 bona guriguri.

September 23 Purana

Ane 107

5 min: Kongregesen ena hadibaia herevadia.

15 min: Kongregesen durua herevana. Eiava elda ta ese July 2001, Iseda Basileia Gaukara ena rau 3 dekenai ia noho herevana, “Laki Gadara Ita Karaia be Kerere Lasi, A?,” amo hereva ta ia henia.

25 min: Taunimanima be Hahediba Taudia ai Halaoa Gaukarana Oi Karaia, A? Helai taudia ida herevalaia. Buka bona magasin momo herea ita hariharilaia dainai, iseda tahua gauna be Baibel stadi do ita hamatamaia bona taunimanima do ita durudia idia abia vadaeni bukadia amo namo bada idia davaria totona. Pablisa taudia ese stadi momo idia karaia diba lasi ena badina haida idia herevalaia: (1) Stadi idia ura taudia davaria be mai ena hekwarahi. (2) Kamonai taudia haida idia gwau idia bisi dainai idia stadi diba lasi. (3) Stadi idia hamatamaia murinai, unai tauna be ruma dekenai ia noho lasi stadi idia karaia hanaihanai totona. Bona danu Baibel stadi idia karaia pablisa haida edia hemami Baibel stadi gaukara dekenai herevalaia: (1) ‘Lau laloa lau be hegeregere lasi hadibaia gaukara lau karaia totona.’ (2) ‘Egu nega ia hegeregere lasi pura ta ta stadi karaia totona.’ (3) ‘Lau ura lasi unai maduna lau huaia.’ (4) ‘Lau laloa haroro gaukara sibona lau karaia be hegeregere.’ Hereva haida amo oi hahedinaraia edena bamona unai hekwakwanai idia hanaia, hahediba taudia halaoa gaukarana idia karaia diba totona. Baibel stadi gaukara ai idia kwalimu pablisa taudia oi abia hidi, unai gaukara amo idia davaria moale idia gwauraia totona.​—April 1998, Iseda Basileia Gaukara lalonai idia udaia pepana ena paragraf 3-8, 15 itaia.

Ane 171 bona guriguri.

September 30 Purana

Ane 116

5 min: Kongregesen ena hadibaia herevadia. Pablisa taudia hadibaia lou September ena haroro ripoti idia henia totona.

13 min: Ta Ia Mase Neganai​—Meamea Karadia Dadaraia. Elda ta ese November 2001, Iseda Basileia Gaukara ena rau 3 dekenai ia noho herevana “Lauma Dikadia amo Idia Vara Sene Karadia Dadaraia” amo hereva ia henia, paragraf 1-7 edia hereva badadia ia kikilaia. Inai sivarai ena anina emui gabu dekenai gwauraia hedinarai.

13 min: Dahaka Dainai Iseda Magasin Idia Idau? Hereva henia bona helai taudia ida kikilaia. October lalonai ita ese Gima Kohorona bona Awake! magasin do ita hariharilaia. Magasin idia idau ena badina hahedinaraia: (1) Iehova ena ladana idia abia isi. (2) Iesu ita abidadama henia karana idia hagoadaia. (3) Dirava ena Basileia idia harorolaia. (4) Idia hahedinaraia Baibel ena siahu be bada. (5) Baibel ena peroveta herevadia edia guguru daladia idia gwauraia hedinarai. (6) Tanobada dekenai idia vara gaudia edia badina korikorina idia gwauraia hedinarai. (7) Hari inai negai idia vara hekwakwanai haheaukalaia daladia idia hahedinaraia. (8) Taunimanima idauidau edia lalona idia veria. (9) Politikol karadia amo idia gini siri. Haheitalai kwadogidia rua hahedinaraia, bona idia ruaosi lalonai unai herevadia ta amo herevahereva idia hamatamaia dalana idia hahedinaraia.

14 min: “Tiokratik Dalanai Ita Abia mai Davana Gaudia Laloa Bada.”b Elda ta ese ia karaia. Emui gabu dekenai umui itaia gaudia bona kongregesen taudia be iseda buka idia gaukaralaia namonamo daladia kikilaia. Danu, kongregesen bona grup ibounai dekenai idia siaia revareva SD May 29, 2002 ena hereva badadia oi riviulaia. Ibounai oi hagoadaia idia gaukaralaia bukadia sibona idia oda karaia. Laloaboio lasi tanobada ibounai gaukarana durua totona kontribusen moni ita henia be hahenamo.​​—May 2001, Iseda Basileia Gaukara ena rau 5 lalonai ia noho herevana “Kontribusen Oi Henia, A?” itaia.

Ane 21 bona guriguri.

October 7 Purana

Ane 129

8 min: Kongregesen ena hadibaia herevadia. Bema nega be hegeregere, pablisa bona painia taudia oi noia vanegai haroro gaukara lalonai idia davaria ekspiriens namona ta idia gwauraia totona.

17 min: Ta Ia Gorere Neganai​—Meamea Karadia Dadaraia. Elda ta ese November 2001, Iseda Basileia Gaukara ena rau 3 dekenai ia noho herevana “Lauma Dikadia amo Idia Vara Sene Karadia Dadaraia” amo hereva ia henia, paragraf 8-14 edia hereva badadia ia kikilaia. Inai sivarai ena anina emui gabu dekenai gwauraia hedinarai.

20 min: “ ‘Anina Lasi Karadia’ Oi Dadaraia.”c Paragraf 5 oi herevalaia neganai, October 1, 1994, Gima Kohorona, rau 8 ai ia noho mauana ena hereva haida gwauraia.

Ane 105 bona guriguri.

[Footnotes]