Kèk modèl prezantasyon

Pou nou kòmanse etid biblik premye samdi nan mwa oktòb la

“Mwen sèten w ap dakò avèk mwen lavi a sanble kout anpil. Èske w panse yon jou n ap ka rive elimine maladi e n ap ka viv pi lontan? [Kite moun nan reponn.] Gade sa peryodik sa a di.” Bay moun nan Toudegad 1^ye oktòb la (fransè), epi fè yon ti pale avèk li sou sa nou jwenn nan premye soutit ki nan paj 16 la, e pale omwen sou youn nan vèsè yo bay kòm referans yo. Ofri moun nan peryodik yo, epi pran randevou pou w retounen reponn kesyon ki vin apre a.

La Tour de Garde 1^ye oktòb

“N ap vizite tout vwazen nou yo paske anpil nan yo enkyè lè yo wè jan gen anpil koripsyon nan biznis ak nan gouvènman yo. Èske w panse gen yon bagay moun ka fè pou yo rezoud pwoblèm sa a? [Kite moun nan reponn.] Gade ki sa Bib la di Jezi pral fè pou moun ki viktim anba koripsyon yo. [Li Sòm 72:12-14.] Peryodik sa a montre jan koripsyon pral fini talè konsa.”

Réveillez-vous! Oktòb

“Pifò paran ta renmen pou pitit yo jwenn bonjan fòmasyon. Lè jèn yo fini lekòl jodi a, èske w panse yo byen prepare pou yo fè fas ak difikilte ki gen nan lavi a? [Kite moun nan reponn.] Gade ki sa Bib la di sou enpòtans sa genyen pou yon moun gen konesans ak sajès. [Li Eklezyas 7:12.] Peryodik sa a bay senk konsèy pratik ki ka ede timoun yo reyisi lekòl.”