Yon jou espesyal pou nou ofri moun yo etid biblik
1 Apati mwa janvye, chak kongregasyon ap chwazi yon wikenn chak mwa, petèt premye wikenn nan, pou yo konsantre yo sou aktivite sa a : ofri moun yo etid biblik. Yo ka chwazi swa samdi swa dimanch, selon sa ki pi bon pou tèritwa pa yo. Jou sa a, si moun pwoklamatè yo rankontre yo pa aksepte etid la, yo ka toujou ofri yo liv Sa Labib anseye a oubyen yo ka ofri yo dènye peryodik yo. Tout ansyen yo ak tout asistan ministeryèl yo dwe planifye pou yo patisipe otank posib nan aktivite sa a e yo dwe ede pwoklamatè yo pou yo kòmanse etid biblik.
2 Komite sèvis kongregasyon an ap detèmine nan ki wikenn y ap chwazi yon jou pou yo ofri etid biblik yo. Tanzantan, yo dwe fè pwoklamatè yo sonje jou sa a dekwa pou yo ka prepare yo e pou yo ka fè efò espesyal pou yo ofri moun yo etid biblik ni lè y ap preche kay an kay ni lè yo retounen vizite moun ki te deja montre yo enterese.
3 Fason pou nou prepare : Nou ka jwenn sijesyon ki itil pou nou kòmanse etid biblik nan paj mitan Ministè Wayòm janvye 2006 la ak nan liv Comment raisonner a, paj 12. Kèk pwoklamatè ka chwazi sèvi ak feyè, tankou feyè Èske w ta renmen konnen verite a ? Anplis de sa, Ministè Wayòm out 2007 la, paj 3, bay kèk sijesyon sou fason pou nou kòmanse etid biblik lè n al vizite moun ki te aksepte peryodik yo. Fè yon pwogram ki gen yon woulman ansyen ak asistan ministeryèl ki pou kondui yon reyinyon tou kout pou predikasyon. Reyinyon sa a ap dire ant 10 a 15 minit. Pandan reyinyon an, l ap pale sou youn oubyen de sijesyon pratik sou fason pou nou kòmanse etid piblik oubyen li ka fè demonstrasyon sou yo.
4 Natirèlman, se pa tout moun k ap aksepte yon etid biblik oubyen k ap kontinye etidye apre yon sèten tan. Sa pa ta dwe fè nou sispann ofri moun yo etid biblik, piske se Jewova k ap atire moun ki tankou mouton yo vin nan òganizasyon l lan (Jan 6:44). Responsablite nou se pa pou nou annik simen semans verite a, men se pou nou pran swen semans ki fè rasin yo e se pou nou wouze yo, sa gen ladan l pou nou etidye Labib ak moun ki sensè yo. Lè nou fè sa, n ap sèvi kòm konpayon travay Bondye toutbonvre. — 1 Kor. 3:9.