Kèk modèl prezantasyon

Pou nou kòmanse etid biblik premye samdi nan mwa mas la

“Nou pase pou nou envite w nan yon evènman k ap fèt 14 avril. Evènman sa a gen rapò ak lanmò Jezi. Gen kèk moun ki pral montre yo sonje lanmò Jezi paske yo panse lanmò sa a enpòtan. Men, gen lòt moun ki pa fin konn enpòtans lanmò Jezi genyen. E ou menm, èske w panse lanmò Jezi enpòtan pou ni ou menm, ni mwen menm?” Kite moun nan reponn. Montre moun nan do Toudegad 1^ye mas la, egzamine repons yo bay pou premye kesyon an avè l epi pale omwen sou youn nan vèsè yo bay kòm referans yo. Ofri moun nan peryodik yo, epi pran randevou pou w retounen reponn kesyon ki vin apre a.

Toudegad 1^ye mas

“Anpil moun ap mande tèt yo poukisa Bondye pa retire enjistis ak soufrans nan monn nan. Èske w panse se paske Bondye pa enterese nan nou oubyen èske w panse se paske Bondye panse lèzòm merite soufri? [Kite moun nan reponn. Apre sa, li Jan 3:16.] Malgre anpil moun konn di pawòl ki nan vèsè sa a pou montre jan Bondye renmen nou, yo pa fin byen konprann enpòtans lanmò Pitit Bondye a gen pou yo. Peryodik sa a montre ki jan lanmò Jezi fè l vin posib pou soufrans ak enjistis pa egziste sou tè a ankò.”

Réveillez-vous! Mas

“N ap fè yon ti pale ak vwazen nou yo sou yon vèsè nan Bib la anpil moun konn mal konprann. [Li Jenèz 1:1.] Gen kèk moun ki kwè se Bondye ki kreye linivè jan vèsè a montre sa, men, gen lòt moun ki pa kwè sa. E ou menm, sa w panse? [Kite moun nan reponn.] Gen anpil moun ki pa fin kwè se Bondye ki kreye linivè paske chèf relijye yo pa anseye sa Bib la anseye vre. Peryodik sa a bay kèk prèv moun ka fè konfyans ki montre jan linivè te vin egziste.”